Osasun Itunerako Mahaiak bigarren faseko dokumentua gaur adostea espero du Eusko Jaurlaritzak
Euskadiko Osasun Itunerako Mahaia bilera egiten ari da (11:00etan hasita), Irunen, osasun sistemaren balioak eta printzipioak zehaztuko dituen bigarren faseari amaiera emateko asmoz.
Alberto Martinez Osasun sailburuak bigarren faseko ondorioak jasoko dituen dokumentua ('Ikuspegia, Balioak eta Printzipioak') gaurko bileran adostea espero du. Batzarra hasi aurretik hedabiden aurrean egin dituen adierazpenetan azaldu duenez, "eztabaidara irekita" dagoen testua da eta alde guztiek zerbait uzteko prest egon beharko dute adostasuna lortzeko.
Sailburuaren arabera, gaurkoan dokumentua adostuz gero, Osasun Sailak hirugarren eta azken faserako dituen ('Estrategiak') proposamenak azaltzen ahaleginduko dira.
Horretarako, lantaldeak eratu asmo dituzte, "aldi berean estrategien faseari hasiera eman eta epeak bete ahal izateko".
Pasa den abenduaren 4an, Osasun Itunerako Mahaiaren laugarren bileran ez zuten lortu printzipioen gaineko akordioa ixtea eta gaurko jarri zuten hitzordua.
LAB sindikatuak ez du parte hartuko gaurko Osasun Mahaiaren bileran, ez dagoelako ados bigarren faseko ondorio gisa jaso duten dokumentuarekin ('Ikuspegia, Balioak eta Printzipioak'), eta hori erakutsi nahi du batzarrari uko eginda. Halaber, protesta egin du Ficoba atarian, 09:30ean. LABen erabakiaz galdetuta, Martinez sailburuak adierazi du sindikatuak erabaki beharko duela gaur onartuko den dokumentuak Osasun Itunerako Mahaian jarraitzea ahalbidetzen dion ala ez.
Lehenengo fasean, 'Diagnostikoa' izeneko dokumentuaren bozketan, desadostasuna azaldu zuen LABek, boto partikularra emanez. Salatu dutenez, Mahaiak eta Eusko Jaurlaritzak ezkutatu egin zuten boto hura. Oraingoan, "boto partikularra ezkutatzea saihestu" nahi dute.
Bigarren fasea amaituta, 'Estrategiak' izena jarri dioten hirugarren eta azken faseari helduko diote Osasun Itunaren Mahaian parte hartzen duten Euskadiko osasun, politika eta gizarte eragile nagusiek. LABek hirugarren fasean parte hartuko du, sindikatuak uste baitu "funtsezkoa" dela bertan egotea.
Zure interesekoa izan daiteke
Euskadiko BPGk urteko % 2,2ko hazkundea izan du lehen hiruhilekoan, eta % 0,5 igo da aurrekoaren aldean
Euskal ekonomiak hazkunde-erritmoari eutsi dio 2026an, eraikuntzak eta zerbitzuek bultzatuta.
Eusko Jaurlaritzak "nolabaiteko erosotasuna" ikusten du osasun arloko negoziazioan, eta asistentzian izan dezakeen ondorioen beldur da
Alberto Martínez Osasun sailburuak egoerak paziente eta herritarrentzat sortzen dituen zailtasunez ohartarazi du, eta erantzukizun handiagoa eskatu die inplikatutako aldeei. Onartu du ez duela informaziorik eta ez dela parte hartzen abian dagoen negoziazioan, eta, ohartarazi duenez, egoera hori ziurgabetasuna eta zailtasunak sortzen ari da pazienteentzat eta asistentzia-sistemarentzat. Martinezek kezka hori helarazi du Lurralde arteko Kontseiluan, eta inplikatutako alderdien erantzukizuna eskatu du.
Medikuek beste urrats bat eman dute beren aldarrikapenetan, eta aparteko orduak egiteari uzten hasi dira zenbait
Osakidetzako eta Osasunbideko medikuak beren nagusiei jakinarazten ari zaizkie ez dituztela egingo medikuek arratsaldez egiten dituzten eta itxaron-zerrendak murrizten laguntzen duten borondatezko aparteko orduak, "peonadak" izenekoak. Horrek, besteak beste, arratsaldean egiten diren kirurgiak murriztea ekarriko du.
Sindikatuek eta Jaurlaritzak talka egin dute Tubos Reunidosen etorkizunaren inguruan, argitasun faltagatik
LAB eta ESK sindikatuek Eusko Jaurlaritzaren zeregin aktiboagoa eskatu dute, eta enplegu industrialaren defentsan irmo jardutea eta abian dauden negoziazioen gardentasun handiagoa eskatu diote. Jaurlaritzak berretsi du pilatutako zor handia dela Tubos Reunidosen arazo nagusia.
Energia Agentziak ohartarazi du Europak hegazkinentzako erregai eskasia izan dezakeela sei astean
Ekialde Hurbiletik zetorren hornidura Europako hegazkinetarako erregai-inportazio garbien % 75 zen orain arte.
Babes zabala jaso du osasun publikoaren aldeko plataformek larunbaterako deitutako protestak
60 taldek baino gehiagok egin dute bat deialdiarekin. Manifestazioak 12:00etan abiatuko dira Bilbon (Jesusen Bihotza plazatik) eta Gasteizen (Bilbo plazatik), eta 17:00etan, Donostian (Boulevardetik).
Lan Ikuskaritzak ondorioztatu du Tubos Reunidoseko enplegu-erregulazioko espedienteak legea betetzen duela eta arrazoi ekonomikoak daudela
Espedienteak 240 langileri eragiten die: 177, Amurrioko lantegian, eta 63, Trapagaranen.
Etxeko hegaztien konfinamendua kendu dute, hegazti gripearen egoerak hobera egin baitu
Neurria 2025eko azarotik zegoen indarrean, eta bertan behera utzi da, kasurik ez dagoela egiaztatu baitute, eta tenperaturak gora egin duela ikusita.
Metroko bi zaintzailek salatu dute eraso "bortitza" jasan zutela Urdulizen
CCOO sindikatuak Metro Bilbaori eta enpresa esleipendunari eskatu die langileei baliabide egokiak emateko, "muturreko indarkeria" egoerei aurre egin ahal izateko.
Justiziak ez du onartu mediku gazatar bat Sidenorren aurkako akusazio partikular gisa aurkeztea, eta ez ditu kontuan hartuko Basauriko erregistroak
Akusazio partikularra erretiratu ostean, ezin izango dira Jose Antonio Jainaga eta beste bi zuzendari ikertu genozidio eta gizateriaren aurkako delituen konplize gisa. Siderurgia-enpresaren aurkako ikerketa zabalik dago Auzitegi Nazionalean, altzairua Israelgo enpresa batera esportatzeagatik, eta hori, ustez, armamentua fabrikatzeko erabiltzeagatik.