Talgo Euskadin geratuko da: Sidenorrek hartuko du haren kontrola, azken minutuan eskaintza hobetu eta gero
Ofiziala da jada: Talgo Euskadin geratuko da. Jose Antonio Jainaga Sidenorreko presidentea buru duen euskal partzuergoak aurreakordioa lortu du tren-ekoizlearen % 29,7 erosteko, aldeek Balore Merkatuaren Batzorde Nazionalari (CNMV) baieztatu diotenez.
Hain justu, gaur bukatu da Trilantic funtsak Talgon duen parte-hartzea (% 29,77) erosteko interesa dutenei eskaintzak egiteko emandako epea.
Jainagak egindako eskaintzak Finkatuz EAEko funts publikoaren eta BBK eta Vital fundazioen babesa du. Akordioaren arabera, akzioko 4,15 euro ordainduko dituzte, eta horri 0,85 zentimoko aldagarria gehitu beharko zaio, hainbat baldintza betez gero.
Otsailaren 6an, Sidenorrek 0,65 euroko aldagarria eskaini zuen. Horrenbestez, kopuru hori igo behar izan du azken orduan, Trilanticek eskatutakoa (akzioko 5 euro) eskaintzeko.
Orain, aldeen gobernu organoek oniritzia eman beharko diote aurreakordioari.
Aurreakordioa itxi eta gero, Sidenorrek txalotu egin du "trenen sektorean puntako teknologia duen konpainia estrategiko batek" Euskadin jarraitzea. Are gehiago, operazioak atea irekiko du Talgoren egoitza soziala EAEra itzultzeko (gaur egun Madrilen dago).
Euskal partzuergoak Magyar Wagon Hungariako enpresa eta Jupiter Wagons Indiako tren-fabrikatzailea izan ditu aurkari Talgo erosteko prozesuan, baina zenbait hedabidek publikatu dutenez, Espainiako Gobernuak galarazi egin die operazioa, "segurtasun nazionaleko arrazoiak" argudiatuta.
Sidenorrek Trilanticen parte-hartzea erosita, Talgoren beste zati bat beste akziodun batzuen esku egongo da, eta baliteke hor salmentarako bigarren aukera bat zabaltzea.
Talgo, jatorriz, euskal enpresa da, eta lantegi handiena Ribabellosan du; 700 beharginek egiten dute lan Arabako lantegian. Bestea Las Matasen du, Madrilen, eta 500 langile ditu.
Sidenor, bere aldetik, liderra da altzairu luze berezien ekoizpenean, eta kalibratze-produktuen hornitzaile garrantzitsuenetakoa da Europan. Basaurin du egoitza, baina lantegiak ditu Kantabrian eta Katalunian ere, eta ordezkaritza komertzialak ditu Alemanian, Frantzian, Italian eta Erresuma Batuan.
Zure interesekoa izan daiteke
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintarentzat: esportazioek gora egin arren, gutxiago fakturatu dute
Txinaren "mehatxuaren" aurrean, automozioak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko enpresa-batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera geratu direla. Hemendik aurrera, konkurtso-administrazio batek hartuko ditu enpresaren erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).
Tubos Reunidosek hartzekodunen konkurtsoa aurkeztu du
Enpresak maiatzaren 6an bilera egingo du Trapagaran eta Amurrioko langile batzordeekin. Bestalde, Amurrioko greba mugagabearekin jarraitu ala ez erabakitzeko asanblada egin ahal izateko beharrezkoak ziren 235 sinadurak aurkeztu dituzte Lan Ikuskaritzaren aurrean.
Medikuek mahai sektoriala eratzea eskatu dute, “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.
Gipuzkoan, hiru kontrataziotik bi goi-mailako ikasketak dutenek beteko dituzte
Unibertsitatera joan direnek zein graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostuak betetzeko.
Eusko Jaurlaritza, Gipuzkoako Foru Aldundia eta Papresako batzordea gaur arratsaldean bilduko dira, CL Groupen eskaintzaren ostean
Hitzordua arratsaldean izango da, Gipuzkoako Foru Jauregian, Extremadurako enpresak Errenteriako paper-fabrika 39 milioi euroren truke erostea planteatu baitu, plantillaren % 72ri eutsita. Langileek aurreratu dute ez dutela proposamena onartuko.
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".