Udalen "finantza nahikotasuna" bermatuko duen "zerga-erreforma sakona" eskatu dute EH Bilduko alkateek
EAEko hiru ogasunek aurreikusitakoa baino diru gutxiago bildu zuten zergen bidez 2024an, eta horrek eragin zuzena du udaletan, jasotako "diruaren zati bat itzuli" egin beharko baitute. Gerta daiteke udal-zerbitzuak mantentzeko eta inbertsioak egiteko "zailtasunak" izatea udaletan. Horrek guztiak erakusten du egungo zerga-sistemak "erreforma sakona" behar duela, "sortzen dugun aberastasuna eraginkorrago bildu" eta "modu justuago batean banatzeko". "Uneotan hizpide dugun zerga-erreformak behar bezain sakona izan behar du".
Salaketa hori egin dute EH Bilduren Azpeitiko, Hernaniko, Donemiliagako, Aguraingo, Zaldibarko eta Otxandioko alkateek, gaur Donostian egin duten agerraldian. Denen izenean, Nagore Alkorta Azpeitiko alkateak hartu du hitza, eta esan duenez, diru-bilketa uste baino txikiagoa izateak bi egitate uzten ditu agerian: "batetik, aurreikuspenak egiteko garaian zuhurtziaz aritzea komeni dela, eta bestetik, udalok jasotako diruaren zati bat itzuli egin beharko dugula". Zehaztu du 2024ko prebisioak ez betetzea neurri handi batean mutualistei itzuli beharrekoagatik izan bada ere, "BEZ zergaren bidez aurreikusitakoa baino gutxiago bildu delako" ere badela.
Horrekin batera, erantsi du "udal finantzaketa indartzeko garaia" dela, eta "ez kontrakoa egitekoa". "Udalak babestu eta indartu behar dira, zerbitzu publikoak eta herritarren bizitza duinak bermatzeko. Ezegonkortasuna nagusi den garai honetan, herritarrak erdigunean jartzea ezinbestekoa da, eta hori kalitatezko zerbitzu publikoak eta bizi baldintza duinak bermatuz egiten da".
Era berean, azaldu du "datozen urteotako erronkei aurre egiteko oinarriak orain jarri" behar direla eta oinarri horiek ezinbestean "udal politikak bildu" behar dituztela. Azpeitiko alkateak gogora ekarri du udalak direla "herritarrengandik hurbilen" dauden erakundeak, eta EH Bilduren "konpromiso irmoa" agertu du, "herritarren ongizatea eta bizi kalitate duina" bermatuko dituzten politiken alde.
2025. urteari begira, ondorengo galdera ere jarri du mahai gainean koalizio abertzaleak: "aurtengorako aurreikuspena iazko bide beretik egin da, baina egungo testuinguru ekonomiko nahasian, ba al dago oinarririk 2025ean diru-bilketa handitu egingo dela jakiteko?".
Zure interesekoa izan daiteke
Lekeitioko arrantzale bat hil da Senegalgo uretan
Bermeoko ATUNSA enpresako langilea zen. LAB sindikatuaren esanetan, "heriotza ez traumatiko" gisa sailkatu dute, eta enpresa horretan aurten izan den bigarren heriotza ez traumatikoa izan dela salatu du.
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.