Erretiro partzial eta aktiborako erreforma indarrean sartu da
Erretiro partzial eta aktiborako erreforma indarrean sartu da gaur, asteartea.
Horregatik, ostegunetik aurrera, Euskal Autonomia Erkidegoko (EAE) langile publikoek ezingo dute erretiro partziala hartu, Gizarte Segurantzak ukatu egingo baitie eskaera, Maite Barruetabeña Enplegu Publikoko sailburuordeak Gasteizen egindako agerraldian baieztatu zuenez.
Barruetabeñak Espainiako Gobernuari egotzi zion apirilaren 1etik aurrera EAEko administrazioetako lan-kontratuko langile finkoei erretiro partziala hartzeko oztopoak jartzea, ordezkoa hautaketa prozesu batean kontratatzea eskatu baitu. Eusko Jaurlaritzaren arabera, 2026ko hasierara arte ezin izango da hori deitu.
Sailburuordeak azaldu zuenez, joan den urtearen amaieran, Espainiako Gobernuak Errege Lege Dekretu bat onartu zuen, erretiro partzialaren araudian aldaketak egiteko. Horren ondorioz, ordezkoa lan-kontratuko langile finko gisa kontratatu behar da.
Iragan asteazkenean, bilera batean, Funtzio Publikoaren Ministerioak erkidegoei jakinarazi zien ez dela beharrezkoa izango lan eskaintza publikoa onartzea, baina bai hautaketa prozesu bat egitea.
Sailburuordeak ohartarazi zuenez, hautaketa prozesu hori ezin da apirilaren 1a baino lehen egin, eta EAEren kasuan 2026. urtearen hasieran egin liteke, horrek behar dituen izapide guztiak direla eta; beraz, data horien artean erretiro partzialen eskaera guztiak geldiaraziko lirateke.
Egoera horren aurrean, Eusko Jaurlaritzak behin baino gehiagotan eskatu dio Ministerioari behin-behineko irtenbide bat erretiro horiei erantzun ahal izateko hautaketa prozesua amaitzen diren bitartean, baina sailburuordearen arabera, ez da erantzunik jaso.
Gaineratu zuenez, xedapen iragankor batek ahalbidetuko luke erretiro partziala baimentzea, orain arte bezala.
Euskadiko CCOO sindikatuak ere Espainiako Gobernuari errelebo-kontratua "alferrik ez galtzeko" neurriak hartzea eskatu zion.
Zure interesekoa izan daiteke
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintarentzat: esportazioek gora egin arren, gutxiago fakturatu dute
Txinaren "mehatxuaren" aurrean, automozioak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko enpresa-batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera geratu direla. Hemendik aurrera, konkurtso-administrazio batek hartuko ditu enpresaren erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).
Tubos Reunidosek hartzekodunen konkurtsoa aurkeztu du
Enpresak maiatzaren 6an bilera egingo du Trapagaran eta Amurrioko langile batzordeekin. Bestalde, Amurrioko greba mugagabearekin jarraitu ala ez erabakitzeko asanblada egin ahal izateko beharrezkoak ziren 235 sinadurak aurkeztu dituzte Lan Ikuskaritzaren aurrean.
Medikuek mahai sektoriala eratzea eskatu dute, “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.
Gipuzkoan, hiru kontrataziotik bi goi-mailako ikasketak dutenek beteko dituzte
Unibertsitatera joan direnek zein graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostuak betetzeko.
Eusko Jaurlaritza, Gipuzkoako Foru Aldundia eta Papresako batzordea gaur arratsaldean bilduko dira, CL Groupen eskaintzaren ostean
Hitzordua arratsaldean izango da, Gipuzkoako Foru Jauregian, Extremadurako enpresak Errenteriako paper-fabrika 39 milioi euroren truke erostea planteatu baitu, plantillaren % 72ri eutsita. Langileek aurreratu dute ez dutela proposamena onartuko.
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".