Arcelorrek Zumarragan zituen pabilioietan lantegia zabalduko du Bidasoa Metal 78 enpresak, 40 lanposturekin
Irungo Bidasoa Metal 78 enpresak lantegi bat jarriko du martxan ArcelorMittal multinazionalaren Zumarragako (Gipuzkoa) planta zegoen lekuan. Ibilgailuen katalizatzaileak birziklatzen dituen enpresa da Bidasoa Metal 78, eta lehen aurreikuspenen arabera, 40 lanpostu sortuko ditu Urola Garaian martxan jarri asmo duen jarduerarekin. Bertan, paladioa, rodioa eta platinoa aterako dituzte auto zaharren katalizadoreetatik; eta, garaiotan, oso metal preziatuak dira.
Goizean Zumarragan egindako agerraldian eman dituzte proiektuari buruzko xehetasunak Jose Ignacio Asensio, Gipuzkoako Foru Aldundiko Jasangarritasun diputatuak; Josu Bilbao, Eusko Jaurlaritzako Ingurugiro sailburuordeak; Mikel Serrano Zumarragako alkateak; Jose Manuel Muriel, Bidasoa Metal 78ren zuzendariak; eta Noemi Lopez Espainiako Gobernuak Gipuzkoan duen ordezkariordeak. Azaldu dutenez, 2026ko hasieran jarri nahi da martxan planta berria, eta hasierako inbertsioa 12 milioi eurokoa izango da. Jaurlaritzak % 20ko parte-hartzea izango du.
Proiektua ahalbidetu duten enpresa zein erakundeen arteko "elkarlanean" jarri du azpimarra Bidasoa Metal 78ren arduradunak. Bere hitzetan, "zortzi urteko elkarlanaren emaitza da", eta erantsi duenez, hasieratik amaierara Gipuzkoan landu den prozesua izan da, "oinarrizko ikerkuntzatik industria garapeneraino".
Bere aldetik, Asensiok esan du "albiste oso ona" dela, besteak beste, lantegi berriak "talentua erakartzeko" balioko duelako. Europan erreferentea izango dela eta industria berriei atea zabalduko diela ere azaldu du.
Ildo beretik, Serrano alkateak uste du planta berriak etorkizuneko aukera-sorta zabalduko duela. 2016an ArcelorMittal itxi zenetik, erakundeek "etengabe" lan egin dutela adierazi du, "Bidasoa Metal 78ren proiektua gauzatzeko".
Eusko Jaurlaritzak 2021ean eskuratu zuen ArcelorMittalen lurren zati bat, Sprilurren bidez. Asmoa da 67.000 metro karratuko eremua egokitu eta industria proiektu berrietara bideratzea. Horietatik, Bidasoa Metal 78ren pabilioiek 6.090 metro karratu hartuko dituzte.
Zure interesekoa izan daiteke
Petronorrek 27,8 milioi irabazi zituen 2025ean, aurreko urtean baino % 61 gutxiago, itzalaldiaren eta hiru hilabeteko grebaren eraginez
Konpainiak apirileko itzalaldiaren eraginari eta urteko azken hiruhilekoko lan-gatazkari egotzi die irabazien beherakada. Hala ere, inbertsioak % 48 igo zituen, 217,8 milioi euroraino.
Petrolioaren prezioa % 5 jaitsi da, 98 dolar ingururaino, AEBren eta Iranen arteko elkarrizketen traza ona dela eta
Brenta 98,1 dolarretan kotizatzen da gaur goizean, joan den ostiralean Europan burtsak ixtean kotizatzen zen 103 dolarretatik behera, % 5,2 gutxiago, zehazki. Ekialde hurbileko gerra laster bukatuko den itxaropenak bultzatuta, Asiako Burtsak igoerekin ekin diote egunari eta Burtsa europarren gerorako inbertsioek ere % 1 egin dute gora.
Lekeitioko arrantzale bat hil da Senegalgo uretan
Bermeoko ATUNSA enpresako langilea zen. LAB sindikatuaren esanetan, "heriotza ez traumatiko" gisa sailkatu dute, eta enpresa horretan aurten izan den bigarren heriotza ez traumatikoa izan dela salatu du.
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.