BOSek lanuzteak bertan behera utzi ditu, erakundeak negoziazioan inplikatzeko konpromisoa lortu baitu
Bilboko Orkestra Sinfonikoaren (BOS) langileen-batzordeak bertan behera utzi ditu 'Mari Eli' zarzuelaren Arriaga Antzokiko emanaldiekin bat egiten zuten bi lanuzte partzialak, zuzendaritzak Bilboko Udala eta Bizkaiko Foru Aldundia negoziazioetan inplikatzeko hartutako konpromisoagatik.
Sindikatuetako iturriek jakitera eman dutenez, adiskidetze saioan lortu dute akordioa, Bilboko Lan Arloko epaitegian. BOS Fundazioak lanuzte horiek salatu zituen, "abusuzkoak" zirelakoan, grebak hirugarrenei eragiten zielako, kasu honetan Arriaga Antzokiari, musikari grebalariek "bahitu" gisa hartzen baitzuten.
Epaitegian elkar ikusi aurretik, zuzendaritzak eta langile-batzordeak bilera izan dute Lan Harremanen Kontseiluan (LHK), eta ez da inolako hurbilketarik egin.
Epaileak grebak izan ditzakeen "ondorioei" buruz ohartarazi ondoren, eta BOS Fundazioak Udala eta Aldundia (orkestra finantzatzen dute hiru-hirurek) negoziazioetan inplikatzeko konpromisoa hartu ostean, musikariek bihar, apirilak 30, eta ostegunean, maiatzak 1, egin behar zituzten bi lanuzte partzialak bertan behera uztea erabaki dute.
Horrela, Arriaga Antzokiak 'Mari Eli' Jesus Guridiren zarzuelaren bi emanaldiak iragarri ditu. Arriagaren ekoizpen propioa da, BBK Fundazioaren laguntzarekin, Jon Malaxetxebarriaren musika-zuzendaritzarekin eta Calixto Bieitoren eszena-zuzendaritzarekin.
Andrea Jimenez, Botond Odor, Gexan Etxabe, Fernando Latorre, Lara Sagastizabal, Christopher Robertson eta Julen Garcia dira ahots bakarlariak, eta Iñaki Maruri, Mitxel Santamarina eta Ugaitz Alegria aktoreen, Bilboko Koral Elkartearen eta Bilbao Orkestra Sinfonikoaren (BOS) laguntza izango dute.
Zure interesekoa izan daiteke
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "sindikatu mediko batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.
Tubos Reunidosen enpresak "antolatutako" eta patronalak babestutako kanpaina bat egon dela salatu du ELAk
Mitxel Lakuntza ELA sindikatuko idazkari nagusiak enpresak azken urteetan egindako "kudeaketa tamalgarria" gaitzetsi, eta "akziodunek 170 milioiko zorra" sortu dutela salatu du.
Amurrioko Tubos Reunidosko langileak lanera itzuliko dira, greba mugagabearen ostean
Batzordeak, hala ere, ez du baztertzen etorkizunean lanuzteei berriro ekitea, eta oraingoz bi greba eta mobilizazio egun deitu ditu maiatzaren 26rako eta 28rako.
Ikuskizunetako langileek greba eguna dute gaur Araban, Bizkaian eta Gipuzkoan
Sektorearentzako hitzarmen bat eskatzen dute lan-baldintza duinak bermatzeko. Ekitaldi asko bertan behera gelditu dira jada, eta gorabeherak espero dira gaur kontzertu, antzerki eta kongresuetan.
Greba mugagabea bertan behera utzi dute Tubos Reunidosen, eta bi mobilizazio egun iragarri dituzte, maiatzaren 26an eta 28an
Gaur Amurrioko lantegian bildu diren gehienek greba bertan behera uztea eta 24 orduko lanuzteak hastea erabaki dute. ELA, LAB eta ESK sindikatuek adierazi dutenez, hemendik aurrera, "erantzukizun gehiago" eskatuko dizkiete erakundeei, eta, beraz, bilerak deituko dituzte.