Bridgestoneko beharginak lan-erregulazioko espedientearen azken proposamena bozkatzen ari dira gaur
Bridgestone multinazionalaren Basauriko lantegiko beharginek lan-erregulazioko espedientearen baldintzei buruzko azken eskaintza bozkatzeko eguna dute gaur. Bozketa 05:30ean abiatu dute, eta 22:00etan bukatuko da. Erreferenduma Kantabriako Puente San Miguel udalerriko lantegian ere egiten ari dira.
Zuzendaritzak azken proposamena astelehenean aurkeztu zien sindikatuei, eta hasieran planteatutako kaleratzeen kopurua 232 kaleratzeraino jaitsi du, hasierako 335 kaleratzeen kopurua % 31 murriztuta, eta 188raino Puente San Miguel udalerriko lantegirako, % 11 murriztuta.
Sindikatuek bi lantegietako afiliatuekin batzarrak egin ondoren, gaur zehaztuko dute jarrera plantillek, honako galdera honi erantzunez: "Onartzen al dituzu enpresak lan-erregulazioko espedienterako proposatu dituen baldintzak? Bai ala ez".
Basauriko lantegi horretan ordekaritza duten sindikatuek, ELAk salbu, begi onez ikusi dute zuzendaritzaren azken proposamena.
Lehen orduetan, parte-hartzea altua izan dela nabarmendu du Roberto Corral lan-batzordeko presidenteak (CCOO), eta bozkatzera joateko deia egin die langileei.
Sindikatuetako iturriek jakitera eman dutenez, botoak batera zenbatuko dituzte 22:00etatik aurrera bi lantegietan, Bizkaikoan eta Kantabriakoan, eta erreferendumaren emaitza bi fabriken botoen batuketa izango da.
Bridgestoneren emaitzak
Japoniako multinazionalak 2025eko lehen hiruhilekoko emaitzen berri eman du gaur. Horren arabera, 75.695 milioi yen (465 milioi euro) irabazi ditu aurtengo lehen hiru hilabeteetan, iazko hiruhileko berean baino % 12,6 gehiago. Dena den, AEBko muga-zergak direla eta, urte osoko mozkinak % 11,2 txikituko dituela aurreikusi du.
Enpresak argitu duenez, eskaera gutxiago jasoko ditu Europatik eta Latinoamerikatik, eta ibilgailu elektriko gutxiago salduko dira. Hortaz, pneumatikoen salmentak ere txikitu egingo dira.
Zure interesekoa izan daiteke
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.