EAJk eta PSE-EEk etxebizitza-eraikuntza bizkortzeko lege-proposamena erregistratu dute
Euskadiko etxebizitzaren arazoa konpontzeko premiazko neurriak indarrean sartzeko lege-proposamenak sei lege aldatuko ditu eskaintza zabaltzeko, lurzoruak mobilizatzeko, prozedura-kopurua murrizteko eta izapideak bizkortzeko. Premiazko neurri horiekin, Eusko Jaurlaritzak uste du "unitate asko desblokatuko" direla etxebizitzaren arloan, eta "eragina berehalakoa" izango dela.
EAJk eta PSE-EEk astearte honetan erregistratu dute Eusko Legebiltzarrean Euskadin etxebizitza-merkatua bizkortzeko lege-proposamena, eta batera egin duten prentsaurrekoan, Eusko Jaurlaritza osatzen duten bi alderdien agintari nagusiek, Aitor Estebanek eta Eneko Anduezak, lege-proposamenaren nondik norakoak azaldu dituzte. Udalei eta aldundiei eragingo die proposamenak.
Denis Itxasok Eusko Jaurlaritzako Etxebizitza eta Hiri Agendako sailburuak iragarria zuen EAJren eta PSE-EEren talde parlamentarioak lege-proposamen bat lantzen ari zirela, etxebizitzaren eta hirigintzaren alorrean arau-aldaketa bideratzeko premiazko neurriekin.
"Gehiago eta azkarrago eraiki behar da", adierazi du Estebanek, eta gogorarazi du etxebizitzaren arazoa "kalean, herritarren artean dagoen arazoa" dela, eta "pil-pilean" dagoela, eta, hortaz, euren "esku dauden eskumenen neurrian erantzun behar" diotela.
Jeltzaleen buruak esan du proposamenak etxebizitzen eskaintza zabaldu, etxebizitza babestu eta libre gehiago izateko irtenbideak emateaz gain (prezioak merketuz), lurzoruak mobilizatuko dituela, alde batetik erreserba estrategiko bat sortuz, eta udalei eraiki beharreko etxebizitza moten kopurua erabakitzeko ahalmena emanda, malgutasunez. Gainera, adierazi du legeak administrazio prozedurak arinduko dituela.
Neurriok egokiak direla uste du Estebanek, eta espero du gainerako taldeek ere lege-proposamen hori babestea, eta hala ez bada, "benetan eraginkorrak diren neurri zehatzak proposatzea".
Eneko Andueza PSE-EEren buruzagi nagusiak, bere aldetik, uste du lege berriak ekarriko dituen "aldaketa horiek beharrezkoak" direla, eta bi alderdiek bultzatzen duten proposamenak "modu irmoan eta premiaz" heltzen diola Euskadin etxebizitzaren alorrean aurre egin beharreko erronketako bati, "etxebizitza duin eta eskuragarria" izateari, hain zuzen ere. Hala, esan du legeak "arazoaren muinera doazen irtenbide zehatzak" ematen dituela.
Zure interesekoa izan daiteke
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.
Tubos Reunidosen enpresak "antolatutako" eta patronalak babestutako kanpaina bat egon dela salatu du ELAk
Mitxel Lakuntza ELA sindikatuko idazkari nagusiak enpresak azken urteetan egindako "kudeaketa tamalgarria" gaitzetsi, eta "akziodunek 170 milioiko zorra" sortu dutela salatu du.
Amurrioko Tubos Reunidosko langileak lanera itzuliko dira, greba mugagabearen ostean
Batzordeak, hala ere, ez du baztertzen etorkizunean lanuzteei berriro ekitea, eta oraingoz bi greba eta mobilizazio egun deitu ditu maiatzaren 26rako eta 28rako.
Ikuskizunetako langileek greba eguna dute gaur Araban, Bizkaian eta Gipuzkoan
Sektorearentzako hitzarmen bat eskatzen dute lan-baldintza duinak bermatzeko. Ekitaldi asko bertan behera gelditu dira jada, eta gorabeherak espero dira gaur kontzertu, antzerki eta kongresuetan.
Greba mugagabea bertan behera utzi dute Tubos Reunidosen, eta bi mobilizazio egun iragarri dituzte, maiatzaren 26an eta 28an
Gaur Amurrioko lantegian bildu diren gehienek greba bertan behera uztea eta 24 orduko lanuzteak hastea erabaki dute. ELA, LAB eta ESK sindikatuek adierazi dutenez, hemendik aurrera, "erantzukizun gehiago" eskatuko dizkiete erakundeei, eta, beraz, bilerak deituko dituzte.
Tubos Reunidoseko langileak greba mugagabearen etorkizuna erabakitzeko batzarra egiten ari dira
Tentsio handia da Amurrioko lantegian, azken mugimendu sindikalen eta hartzekodunen konkurtsoaren osteko eszenatoki-aldaketaren ondoren.
Ekainaren 1era arte irekiko dute Tubos Reunidoseko konkurtso-administratzaile izateko hautagaitzak aurkezteko epea
Gasteizko epaitegi batek Tubos Reunidos taldeko zazpi sozietate hartzekodunen borondatezko konkurtsoan deklaratu zituen joan den asteartean, eta PKF-Attest Concursal izendatu zuen horien konkurtso-administratzaile.