Grebari eutsi diote Gasteizko lorazainek, bigarren bileran adostasunik ez dutelako lortu
Gasteizko lorezaintza zerbitzuko langileek ia 80 egun daramatzate greban, eta Enviser enpresarekin, Gasteizko parkeak eta lorategiak mantentzeko enpresa emakidadunarekin, duten lan-gatazka bizirik dirau gaur gaurkoz. Asteazken honetan bigarren bilera bat egin dute Precon, (Lan Harremanen Kontseiluaren zerbitzu publikoan), baina ez da aurrerapausorik eman.
Enviser enpresak Jaurlaritzari eskatu zion esku-hartu zezala, lan-gatazkari konponbidea emateko. Pasaden astean, ostegunean, egin zuten lehen bilera, eta bigarrena gaur egin dute. Dena dela, enpresaren eta sindikatuen artean ez dira jarrerak gerturatu, ELAk eta LABek adierazi dutenez.
ELAk zehaztu duenez, Precoren beste bilera bat eskatu dute, baina oraingo honetan Udaleko ordezkariek ere bertan parte hartzea eskatu dutela jakinarazi du. Orain arte enpresak eta sindikatuek bakarrik hartu dute parte bilerotan.
Gasteizko lorazainek martxoaren 26an ekin zioten grebari, hitzarmen propio bat eskatu eta lan-baldintzak hobetu asmoz.
Udalak uko egin dio udal igerilekuetako abonuaren zati bat itzultzeari
Grebaren eragina agerikoa da Arabako hiriburuan, eta landaredia kontrolik gabe hazten ari da hiriko parke eta lorategietan. Gamarrako eta Mendizorrotzako igerilekuetan, adibidez, belarra metro batera iritsi da.
Hala ere, Gasteizko Udalak asteazken honetan jakinarazi du ez dietela abonatuei kirol instalazioen kuotaren zatirik itzuluko, nahiz eta ingurua belarrez josita egon baldintzak kaskarrak izan.
Gutxienek zerbitzuak
Bestalde, Eusko Jaurlaritzak erabakitzeke du enpresan gutxieneko zerbitzuak ezarri behar ote dituen. Gasteizko Udalak gutxieneko zerbitzuak ezartzeko eskatu dizkio, eta sindikatuek, berriz, baztertu egin dute aukera hori.
Zure interesekoa izan daiteke
Brent petrolio gordinaren prezioak 105 dolarren langa gainditu du
Iranen aurka AEBk eta Israelek egindako erasoaren aurretik, petrolio upelak 72 dolar balio zituen. Aliatuek Ormuzeko itsasartea berriz irekitzen laguntzen ez badute, NATOk "etorkizun txarra" izango duela ohartarazi du AEBko presidenteak.
Greba mugagabea hasi dute Tubos Reunidosek Amurrion duen lantegian, lan-erregulazioko espedientearen aurka
Gaueko txandan abiatu dute Tubos Reunidoseko Amurrioko langileek greba mugagabea, ostiralean lan-erregulazioko espedientearen kontsulta-aldia akordiorik gabe amaituta.
Medikuek bigarren greba astea hasi dute, estatutu propioa eskatzeko
Horien ordezkarien arabera, otsailean lanuzteak izan zirenetik "ez da harreman formalik izan" greba batzordearen eta Espainiako Osasun Ministerioaren artean.
Etxeko langileek bat egingo dute astearteko grebarekin, beren lan-baldintzak hobetzearen alde
Greba eskubidea bermatuta ez duten arren, etxeko langileen kolektiboek bat egingo dute astearteko mobilizazioekin. Grebarekin bat datozela adierazteko, besoko laranja bat eramango dute egun horretan, lanean dauden bitartean.
Greba mugagabea hasiko dute igande honetan Amurrioko Tubos Reunidos lantegian
Gaueko txandan hasiko da greba (22:00etan), baina aldez aurretik lau orduko lanuztea deituta dagoenez; benetan, 18:00etatik aurrera hasiko dira lanuzteak.
Petrolioaren erosketa kostuak bikoiztu diren honetan, gasolindegietako jabeek zergak jaisteko eskatzen dute
Alaitz Goñi Getxogas gasolindegiko jabearekin izan da ETB, petrolioaren kostuaren gorakadak euren jardunean izan duen eragina aztertzeko. Bizkaian %25 jaitsi omen da bezeroen mugimendua prezioen igoeragatik eta zergak jaisteko eskatzen diote Espainiako Gobernuari.
Ekialde Hurbileko gerrak eragina izango du Bilboko Portuan, baina aukera ere bihur liteke
Arku Atlantikoko portu komertzial handiena da Bilboko Portua, trafikoari, azpiegiturei eta ematen dituen zerbitzuei dagokienez. Azken zabalkundea 2027ko lehen hiruhilekoan burutuko du, kai-mutur nagusiko lanak amaitzen direnean.
ELAren arabera, Trapagarango Tubos Reunidoseko delegatuek "jada ez dute sindikatua ordezkatzen"
Amurrioko eta Trapagarango lantegietan ordezkaritza duten sindikatuek erreakzio ezberdinak izan dituzte enplegu-erregulazoko espedientea atzera bota ondoren. ELA eta LAB langileekin harro agertu dira, eta borrokan jarraitzen dutela adierazi dute, "enplegua defendatuz". CCOO sindikatuaren hitzetan, "ziurgabetasuna" zabaldu da, eta UGTren esanetan, berriz, euren delegatuek "era kontsekuentean" jokatu dute.
Tubos Reunidosek esan du enplegu-erregulazioko espedientea ezarri behar duela, eta etorkizuna zalantzaz beteta dagoela
Enpresako zuzendaritzak aukera guztiak aztertuko ditu, eta datozen egunotan jakinaraziko die bere erabakia negoziazio batzordeari eta lan agintaritzari. Ez da baztertzen enpresak hartzekodunen konkurtsoa eskatzea.
Martxoaren 17ko greba orokorra "arrakastatsua" izatea aurreikusten dute sindikatu deitzaileek
ELA, LAB, Steilas, Hiru eta Etxalde sindikatuek adierazi dutenez, grebaren aldeko atxikimendua "oso zabala" izaten ari da eta dagoeneko 1.750 enpresatako lan batzordeek eta ehunka gizarte eragilek egin dute bat 24 orduko lanuztearekin.