Urte arteko KPIa % 2,4raino apaldu da EAEn eta % 2raino Nafarroan, maiatzean
Elikagaien prezioak % 2,5 egin du gora, batez ere, frutaren garestitzeak eraginda. Argazkia: EFE
Prezioek gora egiten jarraitzen dute Euskal Autonomia Erkidegoan (EAE) eta Nafarroan, azken hilabetean igoera apur bat apaldu egin bada ere. Kontsumorako Prezioen Indizearen (KPI) urtebeteko tasa % 2,4raino apaldu da maiatzean EAEn, eta % 2raino Nafarroan, Espainiako Estatistika Institutuak gaur zabaldutako behin betiko datuen arabera.
Urte arteko tasak bi hamarren egin du behera EAEn, % 2,6tik % 2,4ra, eta 3 puntu Nafarroan, % 2,5etik % 2ra. Batez ere, turismo paketeen merkatzeak eta argindarra iaz hilabete berean baino gutxiago garestitu izanak eragin du prezioen apaltzea.
Apiriletik maiatzera, Kontsumorako Prezioen Indizea (KPI) bi hamarren igo da EAEn eta hamarren bat jaitsi, berriz, Nafarroan.
Urtea hasi zenetik, prezioak % 1,5 garestitu dira EAEn, eta % 1,1 Nafarroan.
Araban, Bizkaian eta Gipuzkoan urtebeteko inflazioa % 2,4an kokatu da maiatzean. Azken hilabetean, berriz, prezioak % 0,1 garestitu dira Araban eta Gipuzkoan, eta % 0,3 Bizkaian, apirilarekin alderatuta.
Elikagaiak eta edariak batez beste % 2,9 garestitu dira maiatzean EAEn, aurreko urteko hilabete bereko datuekin alderatuta (apirilean baino zazpi hamarren gutxiago). Nafarroan, aldiz, elikagaiak iaz hilabete berean baino % 3,1 garestiagoak dira (hiru hamarren apalagoak apiriletik).
Espainiako Estatuan, urtebeteko tasa % 2an gelditu da, apiriletik bi hamarren murriztuta. Halaber, iazko urritik izandako tasarik txikiena da, orduan % 1,8koa izan baitzen.
Bestalde, azpiko inflazioa (energia eta elikagai freskoak kontuan hartzen ez dituena) bi hamarren apaldu da maiatzean, % 2,2raino. Hortaz, Espainiako batez besteko inflazio tasaren gainetik kokatu da.
Zure interesekoa izan daiteke
Astearte honetan hasiko da errentaren kanpaina Araban eta autolikidazio proposamenak onartu ahal izango dira
Arabako Foru Aldundiaren aurreikuspenen arabera, aurten 202.576 pertsona inguruk egingo dute errenta aitorpena Araban, eta horietatik % 70 inguru herritarrei dirua itzultzeko izango dira. Kanpaina ekainaren 25ean amaituko da eta gehien erabiliko den modalitatea 'Rentafacil' izango da.
Tubos Reunidoseko enpresa batzordeak "inplikazioa" eskatuko dio Jaurlaritzari, asteazkenean egingo duten bileran
Gorka Abascal ESK sindikatuko ordezkari eta enpresa batzordeko kideak adierazi duenez, bilerara jarrera positibo eta arduratsuarekin joango dira, Eusko Jaurlaritzaren eta Espainiako Gobernuaren arteko negoziazioak nola doazen ezagutzeko asmoz. Enpresak bere zorraren erdia Espainiako Gobernuarekin dauka, zehazki, SEPI Industria Partaidetzarako Espainiako Sozietatearekin.
1.033.410 kotizatzaile zeuden martxoan Euskadin, otsailean baino 5.003 gehiago eta 2025eko martxoan baino 10.971 gehiago
Langabeziari dagokionez, martxoan 107.173 pertsona zeuden Lanbiden erregistratuta, otsailean baino 179 gehiago eta duela urtebete baino 1.141 gutxiago. Nafarroan ere igo egin da afiliazioa, eta langabezia, berriz, jaitsi, eta 2008tik izandako daturik onenak izan dira Foru Erkidegoan.
"Handling" zerbitzuko langileek beste greba egun bat dute gaur, eta 175 hegaldi daude programatuta Loiun
Lanuzteak egingo dituzte txanda guztietan. Joan den astelehenean 90 minuturainoko atzerapenak izan ziren, eta hegaldiren bat bertan behera geratu zen.
Gasteizko Aireportuko aparkalekuak doakoa izateari utziko dio 2027tik aurrera
Aenaren arabera, aireportuaren jarduera "nabarmen" hazi da, eta horren ondorioa izan da erabakia. Ramiro Gonzalez Arabako diputatu nagusiak esan du hedabideen bidez izan duela erabakiaren berri.
Tubos Reunidoseko langileek enplegu-erregulazioko espedientea bertan behera uztea eta erakundeen inplikazioa eskatu dute
Amurrioko lantegiko Tubos Reunidoseko langileek manifestazioa egin dute asteazken honetan, 242 kaleratze proposatzen dituen enplegu-erregulazioko espedientearen aurka. Bilbon egindako mobilizazio batean, sindikatuen ordezkariek gutun bat aurkeztu dute enpresaren bulegoetan, espedientea bertan behera uzteko eskatuz.
Nafarroako Gobernuak Irango gerraren ondorio ekonomikoak arintzeko laguntzak iragarri ditu
Hasiera batean, harmonizazio-dekretu bat onartu dute, estatuko neurriak foru-araudira egokitzeko, baina aurreratu du neurri fiskal propioak lantzen ari dela, hala nola, PFEZren ordainketak atzeratzea.
Etxeko hegaztien ustiategietan ezarritako konfinamendua kendu dute, partzialki
Arrisku eta zaintza bereziko eremuetan mantendu egingo da neurria: Nafarroan, 12 udalerritan jarraituko dute etxaldeetako hegaztiek konfinatuta, eta EAEn, sei herritan.
Aldundiek neurri fiskalak iragarri dituzte Irango gerraren eragina arintzeko
Hartutako neurrien artean daude zerga-zorrak salbuespenen epeak luzatzea, PFEZren ordainketa zatikatuak egitetik salbuestea eta BEZaren itzulketen izapideak azkartzea, enpresei finantzaketa handiagoa eskaintzeko.
EBk telelana sustatzea, abiadura mugak murriztea eta hegazkinez bidaiatzea saihestea proposatu du, erregaia aurrezteko
Dan Jorgensen Energia komisarioak azpimarratu du arreta berezia jarri behar dela garraio sektorean, eta jardunbide onen dekalogo bat proposatu du, energia krisiari aurre egiteko. Esan duenez, Ekialde Hurbileko gatazkaren ondorioek luze joko dute.