Betetzeko zailak diren Lehen Arretako 173 plaza eskainiko ditu Osakidetzak, aurreikusitakoa baino 30 gehiago
Osasun Sailak jakitera eman duenez, hautaketa-prozesua uztailean ebatziko da, "profesionalak ahalik eta azkarren has daitezen lanean osasun-zentroetan".
Betetzeko zailak diren 173 plaza eskainiko ditu Osakidetzak Lehen Arretako azken Enplegu Eskaintza Publikoan (EPE), hasieran aurreikusitakoa baino 30 gehiago. Helburua da "osasun-zentroen langile eskasiaren arazoa konpontzen laguntzea".
Hala jakinarazi du Eusko Jaurlaritzako Osasun Sailak, gaur zabaldutako ohar batean. Bertan, zehaztu duenez, erabakia Osakidetzaren Mahai Sektorialean onartuta geratu da, SATSE eta Medikuen Sindikatuaren babesarekin. Halaber, EPE eredu berria ere onartu bileran.
Eskainiko diren 173 plazen banaketa:
- Familiako Medikuntzan, 133
- Pediatrian, 22
- Psikiatrian, 12
- Haur Psikiatrian, 6
Hainbat arrazoirengatik profesionalentzat hain erakargarriak ez diren lanpostuak dira betetzeko zailak direnak, eta, ondorioz, ohiko hautaketa-prozesuetan esleitzea kosta egiten direnak.
Besteak beste, arratsaldeko txandak dituzten lanpostuak, goizeko txanda aldakorrak dituztenak edota Etengabeko Arreta Guneei (EAG), kontsultategiei, espetxeetako unitateei eta lantoki bati baino gehiagori atxikitako plazak dira horiek.
800 izen-emate baino gehiago
Oharraren arabera, 800 pertsonak baino gehiagok eman dute izena lan-eskaintza honetan. Osakidetzak uztailean ebaztea aurreikusten du, "profesionalak ahalik eta lasterren has daitezen lanean osasun-zentroetan".
Osasun Sailarentzat "betetzeko zailak diren lanpostu espezifikoak kontratatzea da Osasun Sailaren eta Osakidetzaren lehentasun handienetako bat" dela dio agiriak.
Bestalde, SATSErekin eta Sindikatu Medikoarekin adostutako azterketa eredu berria hurrengo urtean egingo diren hautaketa-prozesuetan ezarriko da. Prozesu horiek "arintzea" da asmoa, eta neurri nagusien artean aukera hauek jasotzen ditu: azterketa bakarra egitea, galdera-sortaren formularen bidez, eta EPE deialdia egitea hiru urtean behin, epe horretan izangaien rankinga mantenduta, urtero sortzen diren lanpostuak hurrenkera horretan esleitu daitezen.
Ekonomiari buruzko albiste gehiago
Espainiako Gobernuak baztertu du aireportuen kudeaketa Euskadira transferitzea
Diario Vasco egunkariak argitaratu duenez, Eusko Jaurlaritzak erabaki estrategikoetan iritzia eman ahal izatea proposatu du Espainiako Gobernuak, baina eskualdatzea baztertu du, Estatuaren eskumen esklusiboa delako.
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.