Bizkaian aurkeztutako hamar errenta aitorpenetik zazpik diru-itzulketa jaso dute
Batez beste, 1.201 euro ordaindu zaizkie zergadunei, iaz baino 94 euro gehiago. Ordaindu beharreko aitorpena duten zergadunek, berriz, 2.653 euro ordaindu behar izan dituzte, batez beste.
Zergadun bat, Bizkaiko Ogasunean errenta-aitorpena egin ondoren. Artxiboko argazkia: EITB Media
Bizkaiak itxi du 2024ko Errentaren kanpaina, 675.000 aitorpen aurkeztuta; horietatik 498.431 dirua itzultzekoak izan dira, hau da, % 73,84, nahiz eta aurreko urtean baino 5.210 gutxiago izan diren.
Itxaso Berrojalbiz Bizkaiko Ogasun eta Finantzen foru-diputatuak apirilaren 10etik ekainaren 30era bitartean egindako kanpainaren irakurketa egin du, eta azaldu du itzuli beharreko aitorpena duten zergadunen kopurua jaitsi bada ere, Ogasunak guztira 598.698.193 euro ordaindu dizkiela, aurreko ekitaldian baino 41 milioi gehiago. Horrela, batez beste 1.201 euro ordaindu dizkiete zergadunei, iaz baino 94 euro gehiago.
Aldiz, 176.543 zergadunek (% 26,16k, 2023an baino ia 10.000 gehiago) 2.653 euro ordaindu behar izan dituzte batez beste, eta guztira 468.386.837 euro jaso dituzte Ogasunean, 2023an baino 40 milioi gehiago.
Kanpainaren kopuru orokorra, hau da, Ogasunak sartutakoaren eta itzulitakoaren arteko aldea, "130,3 milioi eurokoa da Bizkaiko zergadunen alde", nabarmendu du diputatuak.
Aurkeztutako 675.000 aitorpenak 2023an baino 5.000 gehiago dira, eta Berrojalbizek "Ogasuneko profesionalen lan handiarekin" lotu du, 788.000 aitorpen-zirriborro egin baitzituzten, aitorpenen aurkezpena errazteko asmoz.
Gainera, aitorpenek gora egin dute, lurraldeko enplegu-tasaren bilakaera positiboagatik, inflazioari eusteko ezarritako neurrien eragin positiboagatik, batez ere egoera ahulenean dauden pertsonen kasuan, eta 1979. urtea baino lehen mutualitate batean kotizatu zuten 110.757.000 zergadunen gaineko murrizketen zirriborroak sartu direlako, 107 milioi euro itzultzera eraman dutenak.
Bizkaiko zergadunek 750.107.602 euroko kenkariak aplikatu dituzte PFEZaren aitorpenetan. Gehien erabilitako kenkaria ondorengoena izan da (22.000 kasutan), eta, jarraian, ohiko etxebizitzan egindako inbertsioa (ia 192.000 eurokoa).
Alokairuagatiko kenkaria beste 59 000 pertsonak erabili dute, batez beste 1.115 euroko zenbatekoarekin, eta desgaitasunagatiko edo mendetasunagatiko kenkaria da itzultzeko batez besteko zenbateko handiena izan duena, 1.199 eurorekin.
Diru-iItzulketa zuten zergadunei, Ogasunak "hiru egun baino gutxiagoan ordaindu zien, zazpi eguneko epean baino lehen gauzatzeko emandako hitza baino askoz ere azkarrago", baloratu du diputatuak.
Ohikoa denez, zergadunek hiru modu izan dituzte aitorpena aurkezteko: digitala, telefono bidezkoa eta aurrez aurrekoa. Digitala da oraindik ere aukeratuena. Zehazki, hamar aurkezpenetik zortzitan (% 77,53) aukeratu da; telefonoz aurkezpenen % 16,63 jaso dira, eta bulegoetan, berriz, % 5,84 egin dira. Hiru modu horien bidez aurkeztutako aitorpen horiez gain, dirua itzultzeko emaitza izan duten beste 27.237 aitorpen izapidetu ditu Foru Ogasunak automatikoki; hortaz, zergadunek ez dute ezer egin behar izan.
Zure interesekoa izan daiteke
Garraio publikorako deskontuak 2026ko otsailaren 20ra arte mantentzea aurreikusi du Bizkaiko Aldundiak
Ahaldun nagusiak iragarri du hobaria zabaltzeko izapideak hasiko dituela, eta Espainiako Gobernuari datorren urterako dituen asmoak argitzeko eskatu dio.
EHUko errektoreak adierazi du Jaurlaritzak aurkeztutako aurrekontu-proiektuak Unibertsitatea paralisira eramango duela
Sailak % 6,3 handitu du unibertsitate publikorako diru-partida (19 milioi euro). Errektorearen arabera, zenbateko horrek urtea galerarik gabe ixteko baino ez du balioko. Joxerramon Bengoetxeak aurrekontuen proiektua berrikusteko eskatu dio Eusko Jaurlaritzari.
Garrido: "Aurrekontu kontinuistak izango dira, eta politikak ez badira aldatzen, emaitzak berdinak izango dira"
Laura Garrido PPk Eusko Legebiltzarrean duen bozeramaileak azaldu duenez, astearte honetan onartu den 2026rako aurrekontu proiektua "kontinuista" izango da, eta "ez da eraginkorra" izango.
Tolosako Asuncion klinikako langileek subrogazioa eskatu dute "% 100 publikoa" izango den ospitalean
Osasun sailburuari eskatu diote Onkologikoan erabili duten ereduari jarraitzeko eta klinikako 350 langileak subrogatzeko. Azaroaren 22an manifestazioa egingo dute Tolosan.
Eusko Jaurlaritzak Talgo operazioaren alde egiten jarraitzen du, Jainagaren gaineko ikerketa gorabehera
Sidenorrek Talgoren akzioen zati bat erosteko prozesuaren alde egiten jarraitzen du Eusko Jaurlaritzak, nahiz eta Auzitegi Nazionalak Jose Antonio Jainaga presidentearen gaineko ikerketa abiatu, "bi gauza ezberdin" direlako.
Asensio: "Itsaraz parke eolikoaren proiektuak ez zituen beharrezko ingurumen-baldintzak betetzen"
Norvegiako Statkraft enpresak Aramaion eta Eskoriatzan eraikitzeko asmoa zuen proiektua baztertzeko Espainiako Gobernuak hartutako behin betiko erabakia "bat dator" Eusko Jaurlaritzaren irizpidearekin, Gipuzkoako ahaldun nagusiorde eta Jasangarritasun diputatuaren esanetan.
Nöel d'Anjou: "Aurrekontu hauek eraldaketarako, babeserako eta aurrera egiteko tresna dira"
Ogasun eta Finantza sailburuak adierazi du gaur aurkeztu duen aurrekontu proiektuak hiru objektibori erantzuten diela: zerbitzu publikoak sendotzea eta kontsolidatzea, herritarren kezkei erantzuna ematea eta etorkizuneko eraldaketeta eta erronkei aurre egiteko prestatzea.
-5?fmt=webp-alpha&qlt=80)
Eusko Jaurlaritzak 16.378 milioiko aurrekontu-proiektua onartu du 2026rako, eta Etxebizitzara eta zerbitzu publikoetara gehiago bideratuko du
Proiektuak % 4,1 handitu du gastu arrunta eta Osasuna, Hezkuntza, Etxebizitza eta Segurtasun arloak indartu ditu, Euskadi Eraldatuz 2030 eraldaketa-planerako 935 milioi gehitzeaz gain. Jaurlaritzak 1.801 milioi bideratu ditu gazteentzat eta familientzat, eta 1.730 milioira igo du inbertsio publiko propioa.
Iberdrolak 5.307 milioi euro irabazi ditu irailera arte, iaz baino % 3 gutxiago aurretiko gainbalioagatik
Urteko lehen bederatzi hilabeteetan % 4 handitu ditu inbertsioak, 8.964 milioi euroraino. Horietatik % 60 baino gehiago Erresuma Batuan eta AEBn egin dira eta horien % 55 sareen negoziora bideratu dira. Iberdrolak gutxienez 0,25 euroko dibidendu "errekorra" proposatuko du akzioko, 2024ko lehen bederatzi hilabeteetan baino % 8,2 gehiago, alegia.
Amazonek 30.000 langile kaleratuko ditu astearte honetatik aurrera
Negozio-lerro guztietan izango du eragina erabakiak. Azken hiru urteetan multinazionalak 27.000 lanpostu inguru suntsitu ditu, modu progresiboan.