LAB sindikatuak lan-gatazkak direla eta 204 prozesu abiatu ditu 2024-2025 lan-urtean; 75, greben bidez
Sindikatuak aurkeztutako ekintza sindikalaren urteko txostenaren arabera, gatazken % 61ek negoziazio kolektiboa eta zerbitzu publikoen defentsa izan dute ardatz gisa. Lurraldeei erreparatuta, prozesu gehienak Bizkaian izan dira, baina langile kopuruari dagokionez, Araban izan esku-hartze gehienak.
2024-2025 lan-urtean zehar LAB sindikatuak lan-gatazkak direla eta 204 prozesu abiatu ditu, eta horietatik 75etan greba erabili du mobilizazio-tresna gisa, astelehen honetan sindikatuak aurkeztutako ekintza sindikalaren urteko txostenaren arabera.
Gatazken % 61ek negoziazio kolektiboa eta zerbitzu publikoen defentsa izan dute ardatz gisa; % 31, ordea, patronalak edo Administrazioak eragindako eskubide murrizketek eraginda izan dira, LABek ohar bidez jakitera eman duenez.
Gatazka "potoloenak" alor publikoan izan dira. Prozesuen % 74 zerbitzu publikoen eta negoziazio kolektiboa defendatzeko aktibatu dira. Gatazka guztien % 43 sektore feminizatuetan jazo dira.
Alor industrialari dagokionez, gatazken % 55 langileak kaleratu edo lantegiak itxi nahi izan direlako abiatu dira; % 40, berriz, lan-hitzarmenaren negoziazioarekin eta lan-baldintzak hobetzearekin lotuta egon dira.
Zerbitzuen sektore pribatuan, ordea, negoziazio kolektiboa nagusitu da (gatazken % 62).
Lurraldeei erreparatuta, gatazka kopuru gehienak Bizkaian izan dira, baina langile kopuruari dagokionez, Araban gertatu dira borroka gehienak.
LABek oharrean azpimarratu duenez, lan-urte honetan zehar hainbat ekimen landu dira beste sindikatuekin, gutxieneko euskal soldata dela eta, hala nola egungo eskumenen barruko lanbidearteko akordioa eta legegintzako herri-ekimen baten bidez eskumen berriak lortzea.
Zure interesekoa izan daiteke
Euroguneko inflazioa % 3,2ra igo zen abuztuan, aurreikusitakoa baino hamarren bat gutxiago
Argindarraren prezioak gora egin du iraileko lehen hamabostaldian, eta baliteke 2022tik izan den ordainagiririk altuena izatea
Euskadik 25 milioi euro inguru bideratuko ditu altzairuaren eta metalen erabilera zirkularra sustatzera
Brent upelaren prezioa apaldu egin da 108 dolarreraino
Testa funtsak 500 familia kalean utzi nahi dituela salatzeko manifestazioa deitu dute Iruñean
497 milioi euro bideratuko dituzte Loiu, Foronda, Hondarribia eta Noaingo aireportuak berritzera
Confebaskek ituna eskatu du Euskadiko lehiakortasuna hobetzeko
Sarriguren handitzeko planak 6.000 etxebizitza aurreikusten ditu, horietatik % 70 eta % 80 bitartean babestuak
Donostiako Udalak eguzki planta berri bat eraikiko du Martutenen, 11 udal eraikin hornitzeko
