BBVAk bere eskaintzari eutsi eta aurrera jarraitzen du Sabadell erosteko ahaleginean
Sabadelleko akziodunek ia aho batez TSB Erresuma Batuko filiala Santander bankuari saltzea onartu eta astebetera hartu du Carlos Torres buru duen konpainiak erosketa eskaintzari eusteko erabakia.
BBVAk aurrera jarraitzen du Sabadell bankua erosteko eskaintzarekin, eta irailean Kataluniako erakundeko akziodunek onartu ahal izatea espero du, Balore Merkatuen Batzorde Nazionalak gaur jakitera eman duenez.
Horrela, BBVAk azken asteetako zalantza argitu du: eskaintza atzera bota, ez zegoelako hobetzeko prest, edo eskaintzari eutsi, nahiz eta Sabadelleko akziodunek trukearekin dirua galtzen jarraitzen duten, % 6 inguru.
Sabadell bankuko akziodunek ia aho batez onartu zuten TSB Erresuma Batuko filiala Santander bankuari saltzea, eta operazioa ixtean 2.500 milioi euroko dibidendua banatzea.
Horrela, BBVAk eskaintzaren inguruko informazio garrantzitsu guztia eguneratu eta argitaratuko du, baliteke irailaren hasieran, Balore Merkatuaren Batzorde Nazionalak operazioa onartzea aurreikusten denean. Halaber, espero da une horretan bankuak Sabadellentzako dituen egitasmoen berri emango duela.
Onur Genç BBVAko kontseilari delegatuak uztailaren amaieran esan zuen erakundearen xedea balioa sortzea dela, eta nabarmendu zuen kapitala inbertitzen dutela soilik balioa sortzeko ikuspegi horretatik zentzua badu.
Hala ere, bankariak aitortu zuen orduan ez zegoela eskaintzarekin aurrera egingo zuten bermerik, eta joan den asteko Sabadell bankuaren batzarren ostean eskaintza atzera botatzeko atea zabalik utzi zuen.
Bere hitzaldian argi utzi zuena da ez zutela eskaintza hobetzeko asmorik, bi erakundeen kotizazioa ikusita merkatuak une hartan eskatzen bide zuen bezala, ezta erosketa onartzeko akziodunen ehunekoa jaistea ere, kapitalaren % 50ean baitago, BBVAk erakundearen kontrola bereganatzea bilatzen baitu.
Azkenik, BBVAk beste behin ere aurrera jarraitzea erabaki du, nahiz eta Sabadelleko akziodunek ia aho batez TSBren salmentaren alde egin eta 2.500 milioiko ezohiko dibidendua banatu. Espainiako Gobernuak operazioa burutzeko baldintzak ezarri zituenean erabaki berdina hartu zuen BBVAk.
Pedro Sanchezen Gobernuak erabaki zuen bi bankuek, operazioarekin aurrera eginez gero, hiru urtez eutsi beharko diotela independentziari (bost izan daitezke), eta horrek zaildu egiten du operazioa, sinergiak lortzeko eta kostuak aurrezteko aukera atzeratzen duelako.
Ekonomiari buruzko albiste gehiago
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.
CAFeko langileek ordu bateko lanuztea egin dute Jerusalemgo tranbiaren inguruan zuzendaritzak duen jarrera salatzeko
Ordubeteko lanuztearekin bat egin duten langileek elkarretaratzea egin dute CAFen bulego nagusien atarian. Enpresa Batzordeak enpresaren "zinismoa" salatu du Jerusalem tranbiaren proiektuaren inguruan duen jarreragatik, eta zuzendaritzari "NBEren argudioei aurre eginez bere irudia zuritzea" eta Israelen "tesiak onartzea" leporatu dio.
ELAk lanuztea deitu du urriaren 15erako enpresei, Eusko Jaurlaritzari eta Nafarroako zein Espainiako gobernuei Israelekin harremanak etetea eskatzeko
LAB, CCOO, Steilas, Solidari, Etxalde eta Hiru sindikatuek ere lanuzte orokorrak deitu dituzte Hego Euskal Herrian egun horretarako.
Donostian, 60 metro koadroko pisu baten alokairua 800 eurokoa izango da gehienez jota
Gipuzkoako erreferentziazko prezioen indizea Estatuko Aldizkari Ofizialean argitaratu ondoren, asteazken honetan indarrean sartuko da Gipuzkoako udalerri tentsionatuetan alokairuen prezioa mugatzeko aukera ematen duen araua. Irunen, 60 metro koadroko etxebizitza bat alokatzeko ezingo da 624 euro baino gehiago eskatu.
Jaurlaritzak hamarren bat igo ditu hazkunde-aurreikuspenak: % 2,2koa izango da aurten, eta % 1,9koa 2026an
Mikel Torres lehendakariorde eta Ekonomia, Lan eta Enplegu sailburuak adierazi duenez, Euskadik "ekonomia indartsua du, etorkizuneko erronkei aurre egiteko prest dago, eta nazioarteko edozein ziurgabetasunen aurrean egokitzeko gaitasuna du". Hazkunde horren gakoa barne-eskaria izango da.
Gipuzkoako erreferentziazko prezioen indizea argitaratu dute, asteazkenetik aurrera alokairuak mugatzeko
Donostian, Irunen, Errenterian, Lasarte-Orian eta Zumaian izango du eragina. Hileko errenta zehazteko, hainbat datu sartu beharko dira, hala nola katastroko erreferentzia eta higiezinaren helbidea, energia-ziurtagiria, planta eta kontserbazio-egoera. Horrela, higiezin horri aplikatu beharreko alokairu-prezioen tarte objektibo bat lortuko da.
BBVAk iragarri du azaroan akzio bakoitzeko 0,32 euroko dibidendua emango duela
Erakundearen "historiako dibidendu altuena" da, eta akzioen trukean parte hartuko duten Sabadell bankuko akziodunek ere jasoko dutela ziurtatu du bankuak.