Angula-arrantza denboraldia hastear, Bizkaiko eta Gipuzkoako arrantzaleak lehorrean
Eusko Jaurlaritzak bertan behera utzi du aurtengo angularen arrantza-kanpaina, espeziea galtzear dagoela argudiatuta. Hala, urtebetean, gutxienez, ezingo da angularik harrapatu Bizkaiko eta Gipuzkoako ibaietan. Euskadiko Anguleroen Elkarteak salatu du Europa osoan arrantzatuko dutela angula, Euskal Autonomia Erkidegoan izan ezik.
Angulak arrantzatzen eskarmentua dute euskal arrantzaleek, baina aurten lehorrean geratu beharko dute; izan ere, urtebetean, gutxienez, ezingo da angularik harrapatu Bizkaiko eta Gipuzkoako ibaietan. Hori erabaki du Eusko Jaurlaritzak, espeziea galtzeko dagoen arriskuagatik.
Agindu horrek, baina, soilik Euskal Autonomia Erkidegoari eragingo dio, eta, ondorioz, Espainiako estatuko gainerako tokietan, Galizian, Asturiasen eta Kantabrian, kasu, angula arrantzatzen jarraituko dute, baita Ipar Euskal Herrian ere.
Jaurlaritzako Elikadura, Landa Garapen, Nekazaritza eta Arrantza Saila hainbat txosten izan ditu oinarri erabaki hori hartzeko. Espainiak Europako Batzordeari Angularen Kudeaketa Planaren ebaluazioari buruz egindakoa da horietako bat. Txosten horren arabera, Bizkaiko eta Gipuzkoako ibaietako angula kopuruak nabarmen egin du behera: 70eko hamarkadako kopuruarekin alderatuta, angulen % 7 baino ez dira heltzen EAEko kostaldera.
Ildo beretik doaz AZTIren txostenaren ondorioak ere, eta espeziea lehengoratzen ari den zantzurik ez dagoela azaldu du zentro zientifikoak.
Afera hori, baina, ez da berria. Urteak daramatzate erakundeek neurriak hartzen, adibidez, arrantza jarduera mugatuz. Duela urte batzuk Europako Batasunak debekatu egin zuen angularen kirol arrantza, baina Eusko Jaurlaritzak eta Euskadiko Anguleroen Elkarteak aurkitu zuten irtenbide bat angularen arrantzarekin jarraitu ahal izateko: sektorea profesionalizatzea.
Orain, ordea, hainbat aditu eta ekologistaren iritziak aintzat hartu ditu Jaurlaritzak, eta ondorioztatu du neurri horiek ez direla nahikoa izan angularen egoera hobetzeko. Horren aurrean, 2025-2026ko kanpaina bertan behera uztea erabaki du, eta azpimarratu du espeziea lehengoratzeko lanean jarraituko duela.
Angulazaleak, kexu
Espeziearen egoera oso larria dela argudiatuta, urteak daramatzate zientzialariek arrantza gelditzeko eskatzen, eta, horixe da, hain justu, Euskadiko Anguleroen Elkarteak (EAE) salatu duena, alegia, anguleroak ibaietatik kanpo nahi dituztela.
Unai Eizagirre elkartearen lehendakariak kritikatu du Kantauri itsasaldeko beste autonomia erkidegoetan, Asturiasen, Kantabrian eta Galizian, baita Ipar Euskal Herrian ere, angula arrantzatzen dauden bitartean, Euskal Autonomia Erkidegoan geldirik daudela. "Europa osoa dabil arrantzan, gu izan ezik; hori ez dugu ulertzen", esan du Eizagirrek, eta kritikatu du Jaurlaritzak erabakia "aldebakarrez" hartu izana.
Elkartearen lehendakariak esan duenez, angula desagertzearen arrazoia habitataren galera da, ur-jauziek eta bestelako oztopoek eraginda, eta haren ustez, hortik abiatuta hartu behar dira neurriak. Hala, Frantziako eredua jarri du mahai gainean.
Eizagirrek onartu du angularen egoera ez dela ona, baina arazoa konpontzeko "soluzioaren parte" direla azpimarratu du. Era berean, salatu du Arrantza Sailak 2024an sinatutako dekretua urratu duela.
Zure interesekoa izan daiteke
Sindikatuek salatu dute iaz Hego Euskal Herrian 84 lan heriotza jazo zirela
Osalanek, berriz, heriotza 42 zenbatu ditu azarora arte. Sindikatuen arabera, Eusko Jaurlaritzaren zenbaketak ez ditu garraiolarien heriotzak, heriotza ez-traumatikoak edo 'in itinere' gertatzen direnak kontuan hartzen.
Ertzain izateko hautagaien % 59k gainditu du psikoteknikoa, baremazioa aldatu ondoren
Zupiria sailburuak berretsi du kopuruak aurreko deialdietan baino txikiagoa izaten jarraitzen duela. Halaber, barkamena eskatu du joan den larunbateko proben hasieran izandako atzerapenagatik, eta prozesuak "segurtasun berme guztiak" bete zituela ziurtatu du.
Pradales lehendakariak "norabide berean arraun egiteko" eskatu die eragile guztiei, Tubos Reunidosi laguntzeko
Imanol Pradales lehendakariak Tubos Reunidos "erreferentziazko" enpresatzat jo du, besteak beste, ekonomiaren deskarbonizazioan eta trantsizio energetikoan giltzarri baita, eta azpimarratu du etorkizunean ere hala izaten jarraitu behar duela. "Egoerari aurre egiteko, denok norabide berean arraun egin behar dugu: zuzendaritza, langileak, hornitzaileak, hartzekodunak eta erakundeak", gaineratu du.
Osakidetzako LEPen filtrazioengatik ahozko epaiketa egitea agindu du Gasteizko epaile batek
2018ko maiatzaren 20an egin zen Kirurgia Plastiko, Estetiko eta Konpontzaileen espezialitateko azterketarekin lotutako bi pertsona eseriko dira akusatuen aulkian.
"Muga-zergak gorabehera, urte ona izan da makina-erremintarentzat"
Xabier Ortueta AFM clusterraren zuzendariak adierazi duenez, "aurten, eskarietan, AEB gure lehen merkatua izan da. Eskarien % 22 handik jaso ditugu". "Egoera kudeatzako zaila da, baina ondo manejatu gara makina-erremintaren behar handia dutelako", gaineratu du Ortuetak.
Cebeken ustez, greba mugagabea "ez da irtenbidea" eta Tubos Reunidosen "akabua" izango litzateke
Cebeken presidente Guillermo Bucesek gogorarazi duenez, Bizkaiko patronalak ohartarazi zuen TRk "bere ekoizpenaren zati oso handi bat Amerikako merkatura bideratuta" duela, "% 45 edo % 50 inguru", eta "merkatu hori, % 50eko muga-zerga ezartzeagatik, bat-batean desagertzen bazaizu, lantegien bideragarritasuna kolokan jartzeko moduko arazo bat duzu".
Tubos Reunidoseko langileek batzarra egingo dute arratsaldean, hurrengo zer pauso eman erabakitzeko
Goizean langileen batzordea osatzen duten ordezkariek bilera egingo dute, arratsaldeko batzarra prestatzeko. Zuzendaritzak 301 langile kaleratzeko (274 Amurrion eta 27 Trapagaranen) eta Amurrioko altzairutegia ixteko asmoa agertu die langileei.
ELAk eta LABek greba deitu dute otsailaren 24, 25 eta 26rako EAEko ikastetxe publikoetako jantokietan
Bi sindikatuek greba deialdi ezberdinak antolatu dituzte. Salatu dutenez, negoziazio kolektiboa blokeatuta dago, dagoeneko indarrean beharko luketen soldata-igoerak ez dira ordaindu eta ez da aurrerapausorik eman ratioetan, funtzioetan eta lanaldietan. Egoera hori jasanezina da, sindikatuen ustez, eta zerbitzuaren kalitateari kalte egiten dio.
Trenbideen sektorean gutxiengoa duten sindikatuek grebari eutsi diote eta gutxieneko zerbitzuak ematen ari dira
CGT, SF-Intersindical eta Alferro sindikatuek asteazkenera arte eutsi diote grebari. Semaf, CCOO eta UGT sindikatu nagusiek, bere aldetik, greba deialdia bertan behera utzi dute, Garraio Ministerioarekin segurtasunean inbertsio handiak egiteko akordioa sinatu baitute.
Albiste izango dira: Enplegu erregulazio espedientea Tubos Reunidosen, Athletic eta Realaren arteko Kopako finalerdiak zuzenean EITBn, eta 'Karmele' Primeran plataforman
Gaurkoan Orain-en albiste izango direnen laburpena, bi hitzetan.