Dagoeneko bederatzi dira txerri-izurriak jotako basurdeak Bartzelonan
Txerri-haztegien egoerari dagokionez, Espainiako Gobernuak baieztatu du, oraingoz, horietan ez dela txerri-izurri kasurik antzeman.
Txerri-izurriak, dagoeneko, bederatzi basurde hil ditu Batzelonako Cerdanyola del Valles herrian, gaitzaren lehen agerraldia atzeman zuten lekuan. Hala baieztatu du Espainiako Gobernuko Nekazaritza, Arrantza eta Elikadura Ministerioak, astearte honetan zabaldutako agiri batean.
Lehendik baieztatuta zeuden bi kasuei, beraz, beste zazpi gehitu zaizkie orain. Aipatutako iturrien arabera, Algeteko (Madril) Albaitaritza Laborategi Nagusian baieztatu dira kasuak, eta informazio guztia Europako Batzordeari eta Animalien Osasunaren Munduko Erakundeari igorri zaio.
Txerri-haztegien jarduera ere aztertu du Gobernu espainiarrak, eta horietan, oraingoz, ez da txerri-izurri kasurik atzeman.
Garbiketa neurriak zorroztea eskatu dute Eusko Jaurlaritzak eta Nafarroako Gobernuak
Katalunian antzemandako txerri-izurritearen aurrean, Eusko Jaurlaritzak eta Nafarroako Gobernuak kontu handiz ibiltzeko eskatu dute. Lehenengoak garbiketa eta kontrol protokoloak zorrotz betetzeko eskatu die abeltzain eta banatzaileei, eta bigarrenak, berriz, biosegurtasun neurriak zorrozteko eta mendietako zaintza areagotzeko eskatu du.
Izan ere, txerrien sektoreak pisua du Hego Euskal Herrian, batez ere Nafarroan. Guztira, 1.200 txerri-ustiategi daude, eta horietatik 1.080 foru-lurraldean daude, 827.000 abelburu baino gehiagorekin.
Euskal Autonomia Erkidegoan, bestalde, 120 ustiategi daude, ia 30.000 txerrirekin. Horietatik 20.800 Araban daude; 5.800, Gipuzkoan, eta 3.000, Bizkaian.
TXERRI-IZURRIA
Txerri-izurriaren egoera, Europako herrialde kaltetuenetan
Milaka txerri sakrifikatu dituzte eta milioi asko galdu dira EBn. Gaixotasunaren hedapenaren ondorioz, kontrolak gogortu eta murrizketa-guneak mantendu behar izan dituzte hamahiru herrialdetan.
Zure interesekoa izan daiteke
OCUk adierazi du txerrikia hartzea ez dela osasunerako kaltegarria, eta prezioak behera egin dezakeela ohartarazi du
Kontsumitzaileen eta Erabiltzaileen Erakundeak gogorarazi duenez, txerri-izurria 1995ean desagerrarazi zen Espainian, nahiz eta Europa Ekialdeko eta Hegoaldeko herrialdeetan kasuak izaten jarraitzen duten; basurdeak kutsatzen dira, batik bat.
Espainiako Gobernuak onartu du funtzionarioen soldatak igotzea: % 2,5, 2025erako, eta % 1,5, 2026rako
Aurtengo igoera ordainketa bakarrean ordainduko da, eta atzeraeraginezko ondorioak izango ditu urtarrilaren 1etik aurrera; 2026koak, berriz, % 1,5eko igoera finkoa izango du, eta horri % 0,5 gehituko zaio 2027an, inflazioaren arabera.
Black Friday sasoiak kontsumoa hauspotu zuen EAEn: eguneko batez besteko gastua % 76 handitu zen
Kutxabankek emandako datuen arabera, EAEn 65,7 milioi euro baino gehiago gastatu ziren Black Friday astean, iazko sasoi berean baino % 4 gehiago.
EAEko irakaskuntza publikoko irakasleek Espainiako soldata altuenak jasotzen dituzte
UGTren ikerketa baten arabera, EAEko irakasleek Espainiako soldata altuenak jasotzen dituzte hezkuntza-etapa guztietan, eta Asturiasen daude ordainsaririk baxuenak. Bien arteko aldea 800 eurotik gorakoa da.
Txerri-izurriaren egoera, Europako herrialde kaltetuenetan
Milaka txerri sakrifikatu dituzte eta milioi asko galdu dira EBn. Gaixotasunaren hedapenaren ondorioz, kontrolak gogortu eta murrizketa-guneak mantendu behar izan dituzte hamahiru herrialdetan.
Langabezia % 1,04 jaitsi da EAEn eta % 0,87 igo Nafarroan azaro bitartean
Gizarte Segurantzan afiliatutako pertsona kopuruak gora egin du bi erkidegoetan (%0,43 EAEn eta %0,12 Nafarroan). Estatuan 18.805 langabe gutxiago daude (-% 0,77).
Txerri-izurriaren agerraldiaren fokua ogitarteko kutsatu bat izan daitekeela eta, sutan da Kataluniako garraio-sektorea
Oscar Ordeig kontseilariak Afrikako txerri-izurria errepidez irits zitekeela iradoki zuen, kamioiak ibiltzen diren gune batean botatako hestebete kutsatu baten bidez, eta Salgaien Garraioaren Espainiako Konfederazioak (CETM) haserre erantzun du. Gidarien profesionaltasuna defendatu dute, eta zuhurtzia eta zorroztasuna eskatu dute.
Planas ministroak baieztatu du Txinak eskualde-banaketa akordioak aplikatuko dituela txerrikien esportazioak salbatzeko
Luis Planasek azaldu duenez, Bartzelonako probintzian murrizketak ezarriko dira, eta Estatuko gainerako lurraldeetatik Asiako herrialdera egiten diren esportazioek bere horretan jarraituko dute. Horrek esan nahi du EBtik kanpoko esportazio guztien % 41,74 "salbu" daudela.
?fmt=png-alpha&qlt=80)
Txerri ustiategiak garbitzeko neurriak zorroztea eskatu dute Eusko Jaurlaritzak eta Nafarroako Gobernuak
Guztira, 1.200 txerri-haztegi daude Hegoaldean. Gehienak Nafarroan daude, izan ere, bertan, 800.000 txerri baino gehiago hazten dituzte.