Langabezia % 1,04 jaitsi da EAEn eta % 0,87 igo Nafarroan azaro bitartean
Gizarte Segurantzan afiliatutako pertsona kopuruak gora egin du bi erkidegoetan (%0,43 EAEn eta %0,12 Nafarroan). Estatuan 18.805 langabe gutxiago daude (-% 0,77).
EAEko langabezia tasak behera egin du azaroan: irailean baino 1.123 pertsona gutxiago izan dira (% 1,04), eta guztira 106.486 lan-eskatzaile daude.
Espainiako Gobernuko Lan eta Gizarte Ekonomia Ministerioak astearte honetan argitaratutako datuen arabera, iazko hilabete beraren aldean 1.408 langabe gutxiago daude, % 1,30 gutxiago.
Nafarroan, berriz, 253 langabe gehiago daude ( % 0,87) aurreko hilaren aldean, baina 971 gutxiago ( % -3,22) 2024aren aldean; guztira 29.212 langabe daude.
Estatuan, 18.805 langabe gutxiago daude (-%0,77), oro har, 2.424 961 langabe Estatu osoan; 2024ko hilabete beraren aldean, berriz, 161.957 langabe gutxiago (-%6,23).
Gizarte Segurantzako afiliazioa
Gizarte Segurantzako afiliazioari dagokionez, Euskadin 1.036.074 afiliatu erregistratu dira azaroan, aurreko hilean baino 4404 gehiago (+%0,43), Gizarteratze, Gizarte Segurantza eta Migrazio Ministerioak astearte honetan argitaratutako datuen arabera.
Bestalde, Nafarroan 382 pertsona gehiago izan dira aurreko hilaren aldean, % 0,12 gehiago, eta 4.913 pertsona gehiago 2024ko hilabete beraren aldean, % 1,57 gehiago.
Jaurlaritzaren balorazioa
Alfonso Gurpegi Eusko Jaurlaritzako Enplegu eta Gizarteratze sailburuordeak EAEko langabeziaren jaitsierari eta Gizarte Segurantzan izandako afiliazio-errekorrari buruzko datuak baloratu ditu, esanez "euskal lan-merkatuaren sendotasuna" islatzen dutela.
Sailburuordeak azpimarratu duenez, datu on horiek agerian uzten dute Euskadik "lan-aukerak sortzen jarraitzeko duen gaitasuna, testuinguru ekonomiko zorrotz batean". "Enpleguaren egonkortasun eta kalitate maila handiagoko" lan-merkatua indartzeko, Ekonomia, Lan eta Enplegu Sailak lanean jarraituko duela gaineratu du sailburuordeak.
Zure interesekoa izan daiteke
Nola eskatu behar ditut orain langabezia- eta familia-prestazioak? Hau da aldatuko dena
Aurten, herritarrek SEPEra jotzen jarraitu beharko dute prestazioa eskatzeko, eta Lanbidera enplegua bilatzeko. 2027ko urtarrilaren 1etik aurrera, baina, 'leihatila bakarra' izango da Lanbiden.
Euskadiko BPG % 2,3 eta enplegua % 1,4 hazi dira 2025ean
14.000 lanpostu inguru sortu ziren iaz, Eustat euskal estatistika erakundeak ostiral honetan argitaratu duen hiruhileroko kontu ekonomikoen aurrerapenean egindako zenbatespenen arabera.
Metal Group enpresak hartzekodunen konkurtsora joko du eta Abadiño eta Legutioko lantegiak itxiko ditu
Konpainiak bi lantoki (Abadiñon eta Legution) eta 183 langile ditu.
Abian dira Adifek, 86 milioi euroren truke, esleitutako AHTaren elektrifikazio lanak
Urrian esleitu zituen Adifek katenaria eraikitzeko lan horiek, 86,5 milioi euroren truke. Aurrekontu horrekin goi tentsioko kableak jarriko dituzte Abiadura Handiko Trenbidearen gainean goi tentsioko linea ezartzeko.
Hainbat enpresak Astore erosteko interesa agertu dute
Arrasateko enpresa erosteko enkantea datorren urtarrilaren 23an izango da eta litekeena da enkantearen ebazpena urtarrila amaitu aurretik ezagutzea. Ternua talde barruan zeuden Loreak Mendian, Ternua eta Lorpen enpresek udazkenean argitu zuten euren bidea, orain Astoreren etorkizuna argituko da.
Sanchezek Espainiako funts subirano bat iragarri du, 10.500 milioikoa, 120.000 milioi mobilizatzeko xedea duena
Funts horren bidez, Espainiako presidenteak eraldaketa energetikoa, trantsizio digitala, giza kapitalaren aldeko apustua eta berrindustrializazioa bultzatu nahi ditu Estatuko lurralde guztietan.
Ministerioak eta medikuek ez dituzte jarrerak hurbildu, eta mobilizatzen jarraituko dute
Bigarren egunez jarraian, Osakidetzako medikuek greba egin dute estatutu propio baten alde. Mobilizazio ugari egin dituzte Hego Euskal Herriko hiriburuetan eta, Eusko Jaurlaritzako Osasun Sailaren arabera, arratsaldeko txandaren jarraipena % 8,2koa izan da, behin behineko datuen arabera; goizekoan, aldiz, % 20,67koa. Medikuek protestekin jarraitzeko asmoa agertu dute, Osasun Ministerioak medikuentzat propio sortutako estatutu markoa onartu arte; ez dute baztertzen greba mugagabea egiteko aukera.
ELAk gizarte-ekimeneko ikastetxeetako langileen greba erregistratu du, eta jarrera aldatzeko eskatu dio Kristau Eskolen zuzendari berriari
Miren Zubizarreta ELAren Hezkuntzako arduradunak gogorarazi du 2024ko otsaileko akordioa 14 eguneko greba egin ondoren iritsi zela, eta, gaur egun, akordio horretan sinatu ziren "eduki garrantzitsuetako" batzuk "patronala ez da betetzen ari". Zubizarretaren ustez, patronala prozesu honetan "fede txarrez eta arduragabekeriaz" jokatzen dabil.
Ilarak sortu dira AP-8 autobidean, nekazari eta abeltzainak Biriatuko ordainlekuan egiten ari diren protestaren ondorioz
EHNE, ENBA eta UAGN sindikatuek deituta, Biriatun elkartu dira EB-Mercosur akordioaren aurka eta dermatosi nodularraren auziaren harira protesta egiteko.
EAEk % 2,9ko inflazioarekin itxi du 2025a, abenduan hiru hamarren jaitsita, eta Nafarroak % 2,6rekin, lau jaitsita
Espainiako Estatistikako Institutuak (INE) ostegun honetan argitaratutako datuen arabera, Euskadin erregistratutako indizea Espainiako batezbestekoaren parekoa da, % 2,9koa, eta Nafarroakoa batezbestekoaren azpitik gelditu da.