Nafarroan, 2026an ere beherapenak izango dituzte hiri barruko eta hiriarteko garraio publikoaren erabiltzaileek
Datorren urtean ere Foru Gobernuak eta Iruñerriko Mankomunitateak bere horretan mantenduko dituzte Espainiako Gobernuaren garraio publikorako laguntzak.
Artxiboko argazkia. Autobus bat, Iruñean
Nafarroako herritarrek hiri barruko eta hiriarteko garraio beherapenak izango dituzte 2026an ere. Lurralde Kohesiorako Departamentuak, Garraio eta Mugikortasun Jasangarriaren Zuzendaritza Nagusiaren bitartez, datorren urtean hiri barruko eta hiriarteko garraio publikorako laguntzen sistema % 20ko beherapenarekin osatzea erabaki du. Azken Ministro Kontseiluan onartu da neurria.
Erabaki horren bidez, Foru Gobernuak bidaia anitzeko txartelen (bonua eta txanpon-txartela) eta garraio-abonuen prezioa murriztu nahi du, garraio publiko iraunkorraren erabilera sustatzeko eta eguneroko mugikortasunaren kostua murrizteko.
Berta Miranda Garraio eta Mugikortasun Jasangarriko zuzendari nagusiak ziurtatu du “autonomia-erkidegoek arduraz lan egin behar dutela herritarrek garraio eta mugikortasun zerbitzu jasangarriak bermatuta izan ditzaten eta klima aldaketaren aurka borrokatzeko, Nafarroako Gobernuak 2022ko irailean laguntza lerro hori hasi zuenetik egin duen moduan”.
Era berean, nabarmendu du politika horiek “lurralde kohesioa hobetzea ahalbidetzen dutela eta beste zerbitzu publiko batzuetarako sarbidea errazten dutela, hala nola osasun zerbitzuetara, hiribururako eta beste udalerri batzuetarako garraioa merkatzen baitute”.
Laguntzen lerroa
Neurriak urtarrilaren 28ko 1/2025 Errege Lege Dekretuan onartutako laguntzen bideari jarraitzen dio, eta bere horretan mantentzen du 0-14 urte bitartekoek garraio publikoa doan erabiltzea ahabidetzen duen neurria. Era berean, % 50eko deskontua egingo zaie garraio-abonu eta bidaia anitzeko txarteletan 15 eta 30 urte bitarteko erabiltzaileei, eta % 20ko deskontua gainerakoetan, joan-etorriko txartel sinpleak eta txartel turistikoak salbu.
30 urtetik gorakoek tarifa arruntaren gaineko % 40ko deskontua izango dute. Nafarroako Gobernuak neurri hori babestuko du hiriarteko garraio publikoan ere, Iruñerriko garraio publikoaren zerbitzurako % 20ko dirulaguntzaren bidez. Neurri hori Iruñerriko Mankomunitatearekin adostu da.
Zure interesekoa izan daiteke
Zumarragako Ospitaleko medikuek ez dute arratsaldetan aparteko ordurik egingo apirilaren 27tik aurrera
"Presio-neurri" berri bat da, Medicos Unidos por sus Derechos (MUD) erakundeak sustatua, eta medikuek hilero egiten duten grebari gehitzen zaio, esparru-estatutu bat lortzeko eta, aldi berean, autonomia-erkidegoek jada ezar ditzaketen hobekuntzak egiteko helburuarekin.
Inbertsioak eskatu dituzte Bilbon eta Gasteizen, osasun publikoa desegin ez dadin
Osasun publikoaren aldeko 68 erakundek manifestazioak egin dituzte Bilbon eta Gasteizen, EH Bildu, Podemos eta Sumar alderdien eta hainbat sindikaturen babesarekin. Protesta horietan, Alberto Martinez Osasun sailburuaren dimisioa ere eskatu dute.
ELA, LAB eta ESK sindikatuek Tubos Reunidosen enplegu-erregulazioko espedientea inpugnatuko dute
Beste ostiral batean, Tubos Reunidoseko langileek manifestazioa egin dute Amurrion, eta enpresa-batzordeko kideek azaldu dute etsituta hartu dutela Lan Ikuskaritzaren ebazpena. Hiru sindikatuk, ELAk, LABek eta ESK-k, dagoeneko iragarri dute enplegu-erregulazioko espedientea inpugnatuko dutela datorren astean.
Euskadiko BPGk urteko % 2,2ko hazkundea izan du lehen hiruhilekoan, eta % 0,5 igo da aurrekoaren aldean
Euskal ekonomiak hazkunde-erritmoari eutsi dio 2026an, eraikuntzak eta zerbitzuek bultzatuta.
Eusko Jaurlaritzak "nolabaiteko erosotasuna" ikusten du osasun arloko negoziazioan, eta asistentzian izan dezakeen ondorioen beldur da
Alberto Martínez Osasun sailburuak egoerak paziente eta herritarrentzat sortzen dituen zailtasunez ohartarazi du, eta erantzukizun handiagoa eskatu die inplikatutako aldeei. Onartu du ez duela informaziorik eta ez dela parte hartzen abian dagoen negoziazioan, eta, ohartarazi duenez, egoera hori ziurgabetasuna eta zailtasunak sortzen ari da pazienteentzat eta asistentzia-sistemarentzat. Martinezek kezka hori helarazi du Lurralde arteko Kontseiluan, eta inplikatutako alderdien erantzukizuna eskatu du.
Medikuek beste urrats bat eman dute beren aldarrikapenetan, eta aparteko orduak egiteari uzten hasi dira zenbait
Osakidetzako eta Osasunbideko medikuak beren nagusiei jakinarazten ari zaizkie ez dituztela egingo medikuek arratsaldez egiten dituzten eta itxaron-zerrendak murrizten laguntzen duten borondatezko aparteko orduak, "peonadak" izenekoak. Horrek, besteak beste, arratsaldean egiten diren kirurgiak murriztea ekarriko du.
Sindikatuek eta Jaurlaritzak talka egin dute Tubos Reunidosen etorkizunaren inguruan, argitasun faltagatik
LAB eta ESK sindikatuek Eusko Jaurlaritzaren zeregin aktiboagoa eskatu dute, eta enplegu industrialaren defentsan irmo jardutea eta abian dauden negoziazioen gardentasun handiagoa eskatu diote. Jaurlaritzak berretsi du pilatutako zor handia dela Tubos Reunidosen arazo nagusia.
Energia Agentziak ohartarazi du Europak hegazkinentzako erregai eskasia izan dezakeela sei astean
Ekialde Hurbiletik zetorren hornidura Europako hegazkinetarako erregai-inportazio garbien % 75 zen orain arte.
Babes zabala jaso du osasun publikoaren aldeko plataformek larunbaterako deitutako protestak
60 taldek baino gehiagok egin dute bat deialdiarekin. Manifestazioak 12:00etan abiatuko dira Bilbon (Jesusen Bihotza plazatik) eta Gasteizen (Bilbo plazatik), eta 17:00etan, Donostian (Boulevardetik).
Lan Ikuskaritzak ondorioztatu du Tubos Reunidoseko enplegu-erregulazioko espedienteak legea betetzen duela eta arrazoi ekonomikoak daudela
Espedienteak 240 langileri eragiten die: 177, Amurrioko lantegian, eta 63, Trapagaranen.