ELA sindikatuak ohartarazi du 57 langile hil direla lan-istripuetan Hego Euskal Herrian 2025ean, horietatik 35 Nafarroan
Bestalde, LABek 74 hildakora igo du kopurua, atzerrian hildako euskal langileak kontuan hartuz. Nolanahi ere, lanarekin lotutako heriotzek beste gorakada bat izan dute aurten ere.
Urtea amaitu eta egun gutxira, sindikatuek Euskal Herriko lan-istripuen balantzea egin dute, eta lanarekin lotutako heriotzen gorakada salatu dute.
ELAren datuen arabera, Hego Euskal Herrian 57 langile hil dira aurten lan-istripuetan; horietatik, 35 Nafarroan. LABek, ordea, 74 hildako zenbatu ditu, atzerrian hildako euskal langileak kontuan hartuz; hau da, iaz baino hamar gehiago.
Azken bi heriotzak abenduaren 29an gertatu ziren: Bata, garraiolari autonomo baten heriotza ez-traumatikoa, Laudioko (Araba) merkataritza-gune batean;eta, bestea, berriz, Azagrako (Nafarroa) etxebizitza batera zihoan langile batena.
Hain zuzen ere, azken kasu hori salatu du CCOOk. Sindikatuak ohartarazi du kolektibo horrek, etxeko arreta zerbitzuak, lan-prekaritatea pairatzen duela. Izan ere, presio handiak jasaten dituela eta langileek errepidean duten arriskuan azpimarratu du CCOOk.
Horrenbestez, Comisiones Obrerasek arrisku-osagarri bat ordaintzea eskatu du, baita Nafarroako Gobernuak finantzaketa-gehigarriak betetzea ere. Gainera, sindikatuak salatu du Nafarroa lan-istripuen tasarik altuena duen lurraldeen artean dagoela.
Premiazko neurriak
Sindikatuek enpresen eta administrazio publikoen erantzukizuna azpimarratu dute. LABek adierazi du lan-istripuak, traumatikoak, ez traumatikoak edo in itinere-ak, ez direla halabeharraren ondorio, baizik eta prekarizazioaren, azpikontratazioaren eta egungo lan-harremanen ondorio.
ELAk eta LABek arreta jarri dute lan-ikuskaritzarako baliabide faltan. Zehazki, 54 ikuskatzaile daude Euskal Autonomia Erkidegoan. Nafarroan, ordea, 13 bakarrik, Europako batez bestekotik oso urrun.
Bi sindikatuek azpimarratu dute erabaki politikoa dela ikuskatzaileen kopurua handitzea, eta langileen bizitza eta osasuna lan-politiken erdigunean jarriko dituzten premiazko neurriak eskatu dituzte.
Zure interesekoa izan daiteke
Lekeitioko arrantzale bat hil da Senegalgo uretan
Bermeoko ATUNSA enpresako langilea zen. LAB sindikatuaren esanetan, "heriotza ez traumatiko" gisa sailkatu dute, eta enpresa horretan aurten izan den bigarren heriotza ez traumatikoa izan dela salatu du.
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.