Osakidetzako medikuek bi greba egun gehiago egingo dituzte urtarrilaren 14an eta 15ean
Hala jakinarazi du ohar bidez Euskadiko Medikuen Sindikatuak. Bi greba egunak aste honetan bertan egingo dituzte, eta horrekin batera hainbat elkarretaratze antolatu dituzte Bilbon eta Gasteizen.
Abenduko grebaren ondotik, Euskadiko Medikuen Sindikatuak beste bi greba egun deitu ditu aste honetarako, urtarrilaren 14 eta 15erako, hain zuzen ere. Horrez gain, hainbat mobilizazio egingo dituztela ere iragarri dute. Beste hainbat erkidegotan ere antolatu dituzte geldialdiak egun horietan, medikuen estatutu propioa eskatu asmoz.
Ohar baten bidez sindikatuak jakinarazi duenez, greba-egunekin batera elkarretaratze bana egingo dute asteazken eta ostegun honetan, 11:00etan, Gurutzetako ospitalearen (Bilbo) eta Olagibel anbulatorioaren (Gasteiz) atarian.
Joan den abenduan, Osakidetzako medikuek lau eguneko greba egin zuten, Espainiako Osasun Ministerioak onartu nahi duen Esparru Estatutu berriaren zirriborroaren aurka. Medikuek Estatutu marko propioa eskatzen dute eta, batik bat, lan txandak eta guardia orduak murriztea eskatzen dute
Egoera aldatzen ezean, medikuek mahai gainean jarri zuten etorkizun hurbilean greba mugagabe bat egiteko aukera. Oraingoz, baina, bi greba egun deitu dituzte aste honetarako.
Zure interesekoa izan daiteke
Kamioi ilara luzeak AP-8 autobidean Biriatun, A-63 autobidea berriro ireki ostean
Kamioiek eskuineko erreia oztopatzen dute, eta 11 kilometrorainoko kamioi ilarak sortu dira. Ostiraletik errepide bazterretan eta zerbitzuguneetan pilatutako kamioiak errepidera atera dira.
Eusko Jaurlaritzak bertan behera utzi du Lapurdira igaro nahi duten 7,5 tona baino gehiagoko kamioiei ezarritako debekua
Biriatuko muga zabal dute ibilgailu guztientzat, Ipar Euskal Herriko laborariek A-63 autobidea blokeatzeari utzi ostean.
Mugako mobilizazioek bost milioi tona merkantzia kaltetu dituztela ohartarazi du Guitransek
Gipuzkoako elkarteak eta Fitransek ohartarazi dute Biriatuko blokeoak galera handiak eragin dituela garraioaren sektorean, eta ohartarazi dute, luzatzen bada, jarduera industrialari eragin diezaiokeela.
Behargin bat larri zauritu da Urdiaingo tailer batean lan-istripu baten ondorioz
Zortziak pasatxo gertatu da ezberharra Urdianigo lantegi batean; 37 urteko langileari eskua harrapatuta gelditu zaio eta bi hatz galdu ditu. Gainera, beste langile bat zauritu da beste lan-istripu batean, Elizondon.
Nafarroako autoeskolek aztertzaile falta salatu dute berriro
Salatu dute aztertzaile faltak eta DGT Probintzialaren bulegoetan dagoen langile faltak "atzerapen handiak" eragiten dituela "bai azterketa teorikoetan, bai praktikoetan", eta gogorarazi dute azterketa egitea "eskubidea" izan beharko litzatekeela, "ez pribilegioa". Astelehenero manifestatzen jarraituko dute egoera konpondu arte.
Bi urteko geldialdiaren ostean, gaur itzuli dira lanera Balenciaga ontziolako beharginak
Abu Dhabi Ports Arabiako taldearen agindupean arituko da aurrerantzean Zumaiako ontziola. Abenduan itxi zuten langileek eta Arabiako taldeak salmenta. Adostutakoaren arabera, soldatak % 5 jaitsiko dizkiete, eta hiru urtez izango dituzte izoztuta.
ErNEk segurtasunean immobilismoa dagoela eta 2026a herritarrentzat arriskutsua izango dela ohartarazi du
Sindikatuak inbertsio falta, bitarteko zaharkituak eta Ertzaintzan langile saturatuak daudela salatu du.
Ertzaintzak eragotzi egin die nekazariei traktoreekin A-1 autobidean protesta egitea
A-1 autobideko eskuineko erreia hartu nahi zuten Done Roman Millan parean (Araiatik gertu), baina Ertzaintzak ez die autobidean sartzen utzi. Oraingoz, ez dago auto-pilaketarik.
Pirinio Atlantikoetako prefektaren debekua gorabehera, laborariek eutsi egin diete datozen orduetako protestei
Jean-Marie Girier prefetak galarazi egin ditu Ipar Euskal Herrian datozen egunetarako deituta zeuden mobilizazioak.Laborariek, baina, "ahal bezain beste" eusteko asmo erakutsi dute, eta esan beharrekoak zuzenean haiei esateko eskatu diote prefektari.