ELA, LAB, Steilas, Hiru eta Etxalde sindikatuek martxoaren 17ko greba erregistratu dute, Euskadi eta Nafarroarako LGS propioaren alde
Eusko Jaurlaritzaren egoitzan ofizialki erregistratu ondoren, sindikatuek lanuztearekin bat egiteko eskatu dute, "lan baldintzek okerrera egiten dutenean eta bizitzaren kostua etengabe handitzen denean erantzun kolektiboa emateko".
Sindikatuen ordezkariak, gaur. Argazkia: ELA.
ELA, LAB, Steilas, Hiru eta Etxalde sindikatuek martxoaren 17rako greba orokorraren deialdia erregistratu dute. 'Gutxieneko soldata hemen erabaki. LGS 1.500€. Soldatak hobetu aberastasuna banatzeko' leloa izango du greba horrek.
Eusko Jaurlaritzaren egoitzan Erregistro ofiziala egin ondoren, sindikatuek lanuztearekin bat egiteko eskatu dute, "lan baldintzek okerrera egiten dutenean eta bizitzaren kostua etengabe handitzen denean erantzun kolektiboa emateko".
Testuinguru horretan, "gutxieneko soldata duin baten beharra premiazkoa" dela azpimarratu dute, eta "1.500 euroko gutxieneko soldata propioa" beharrezkoa dela adierazi dute, "hemen erabakitakoa, eta bertako errealitate sozioekonomikora egokitua".
SInidkatu horien ustez, proposamenak "zuzenean 167.000 langileren egoera hobetuko luke Hego Euskal Herrian". Gaineratu dutenez, "LGSa altuagoa izateak negoziazio kolektiboa baldintzatzen du soldata igoera handiagoak adostu daitezen".
Halaber, sindikatuek gogorarazi dutenez, "gutxieneko soldataren inguruko erabakiak Euskal Herritik urrun hartzen dira gaur egun, langileen eguneroko beharretatik eta gure herriaren ezaugarrietatik aldenduta". Horren aurrean, erabakitzeko ahalmena hemen izatea funtsezkoa dela defendatu dute, lan-harremanetan burujabetzaren bidean urratsak emateko helburuz.
Egungo eskumenen barruan LGS propioa lortzeko aukera aurkeztu dute, patronalekin negoziazio mahai bat irekitzen saiatzeko; bestetik "eskumenak lortzeko bidean Euskal Autonomia Erkidegoan eta Nafarroan Lanbidearteko Gutxieneko Soldata propioa ezartzeko" aukera aurkeztu dute.
Hala ere, deitoratu dutenez "patronalak eta harekin bat egin duten alderdi politikoek bi bideak blokeatu dituzte".
Horregatik, "beharrezkotzat" jo dute "hirugarren bide bat irekitzea", eta "ezinbestekotzat" jo dute gutxieneko soldataren auzia "funtsezko aldarrikapen gisa kokatzea estatus juridiko-politikoaren berrikuntzan".
Martxoaren 17ko greba orokorraren bidez, sindikatuek "soldatak hobetzea eta aberastasunaren banaketa bidezkoagoa exijituko dute, azken urteetan enpresen eta kapitalaren irabaziak handitu diren arren, langileek erosteko ahalmena galdu dutela salatzeko".
Bere aldetik, MIkel Torres bigarren lehendakariorde eta Ekonomia, Lan eta Enplegu sailburuak berretsi du Eusko Jaurlaritzak ez duela eskumenik Euskadin Lanbidearteko Gutxieneko Soldata (LGS) ezartzeko, eta grebarako eskubidea errespetatzen duela adierazi du, baina dio ez datorrela bat sindikatu abertzaleen deialdiaren arrazoiarekin.
Torresek gogorarazi du bere sailak gutxieneko soldatari buruzko azterlan bat egin zuela, eta defendatu du hazkunde ekonomikoak soldatak hobetzea ekarriko duela. Patronalaren eta sindikatuen arteko elkarrizketarako deia egin du berriro, akordioak lortzeko bidea hori dela iritzita.
Zure interesekoa izan daiteke
Bateriekin izandako intzidentzia batek auto elektrikoen ekoizpena geldiarazi du Nafarroako Volkswagenen
Hornitzaileak arazoa konpondu du eta normaltasunez ekoizten ari da; hortaz, Nafarroako Volkswagenek jarduerari "berehala" ekitea espero du.
CCOOk Pradalesi hainbat eskumenen aurrean dituen "zuhurtziak" azaldu dizkio, langile askori eragiten dietelako
CCOO Euskadiko idazkari nagusi Santiago Martinezek Gernikako Estatutua oso-osorik betetzearen alde egin du lehendakariaren aurrean, baina "zuhurtzia" agertu du eskumen-transferentzia batzuen aurrean, hala nola FOGASAren edo pentsioen ingurukoen aurrean; izan ere, langile askori eragiten diete, eta, azpimarratu duenez, "ondo egin behar dira".
UGTk enpresen irabaziak soldatetara bideratzeko eskatu dio Pradalesi
UGT Euskadiko batzorde kudeatzaileko presidente Jose Manuel «Tximi» Lopezek enpresa handien irabaziak langileen soldatetan islatu behar direla defendatu du Imanol Pradales lehendakariaren aurrean, eta Eusko Jaurlaritzari eskatu dio bitartekari lanak egin ditzala euskal patronala hitzarmenen bidezko gutxieneko soldata interprofesionala negoziatzera esertzeko.
Ondarroako arraste flota: "Gasolioaren prezioarekin itsasora irteteak diru galera dakar"
Gasolio profesionala % 227 garestitu da otsailetik, eta Ondarroako Alturako Arrantza Ekoizleen Elkarteak salatu duenez, igoera hori arrantzaleek asumitu behar dute, handizkariak finkatzen duelako arrainaren erosketa-prezioa.
Gazteentzako hipotekak: zer hartu kontuan sinatu aurretik eta zer dira Gazteaval laguntzak?
EKA kontsumitzaileen elkarteak gutxienez hiru edo lau banketxeren eskaintzak alderatzea, presarik ez izatea eta Urteko Tasa Baliokideari, lotutako produktuei eta benetako ordainketa-ahalmenari erreparatzea gomendatzen du. Gazteaval programari esker, gainera, zenbait kasutan etxebizitzaren balioaren % 80tik gorako finantzaketa lor daiteke.
Bizkaiko Foru Aldundiak arau fiskal berriaren proiektua onartu du, EAJren botoekin eta PSE-EEren abstentzioarekin
Foru erakundearen arabera, EAJk eta PSE-EEk "gutxieneko akordioa" lortu dute, eta testua Batzar Nagusietara bidaliko dute, Legebiltzarrean izapidetzen hasteko.
Hipotekak 600 euro baino gehiago garestituko dira urtean, maileguan hartutako 100.000 euro bakoitzeko
ASUFINen arabera, euriborra % 3,2an kokatuko da irailean, eta tasa aldakorreko hipotekak garestituko ditu.
EBZk tasak % 2,5era igo ditu eta inflazioak epe luzean altu jarraituko duela ohartarazi du
Erakundeak hiru tasa ofizialak 25 oinarri-puntutan igo ditu, urteko bigarren igoeran, prezioen gorakadaren ondorioz.
"Eusko Jaurlaritzak ez du Osakidetzaren kolektibo guztien egoera hobetzeko borondaterik"
SATSE, ELA, LAB, CCOO eta UGT sindikatuek bost greba egun iragarri dituzte urritik abendura bitartean, Osakidetzako kolektibo guztientzako lan-baldintza hobeak eta "benetako edukiak dituen benetako negoziazioa" aldarrikatzeko.
2.000 pertsonak baino gehiagok eman dute izena Osakidetzaren Bizi programan, suizidioa prebenitzeko
Osasun Sailak ekimen berriak jarri ditu martxan Euskadin suizidioaren aurrean, hala nola familiei eta irakasleei zuzendutako online prestakuntza bat, alerta-seinaleak garaiz detektatzeko. Suizidio-saiakera berrien jarraipen-protokoloak, berriz, 4.000 pertsona inguru artatu ditu jada.