ELA, LAB, Steilas, Hiru eta Etxalde sindikatuek martxoaren 17ko greba erregistratu dute, Euskadi eta Nafarroarako LGS propioaren alde
Eusko Jaurlaritzaren egoitzan ofizialki erregistratu ondoren, sindikatuek lanuztearekin bat egiteko eskatu dute, "lan baldintzek okerrera egiten dutenean eta bizitzaren kostua etengabe handitzen denean erantzun kolektiboa emateko".
Sindikatuen ordezkariak, gaur. Argazkia: ELA.
ELA, LAB, Steilas, Hiru eta Etxalde sindikatuek martxoaren 17rako greba orokorraren deialdia erregistratu dute. 'Gutxieneko soldata hemen erabaki. LGS 1.500€. Soldatak hobetu aberastasuna banatzeko' leloa izango du greba horrek.
Eusko Jaurlaritzaren egoitzan Erregistro ofiziala egin ondoren, sindikatuek lanuztearekin bat egiteko eskatu dute, "lan baldintzek okerrera egiten dutenean eta bizitzaren kostua etengabe handitzen denean erantzun kolektiboa emateko".
Testuinguru horretan, "gutxieneko soldata duin baten beharra premiazkoa" dela azpimarratu dute, eta "1.500 euroko gutxieneko soldata propioa" beharrezkoa dela adierazi dute, "hemen erabakitakoa, eta bertako errealitate sozioekonomikora egokitua".
SInidkatu horien ustez, proposamenak "zuzenean 167.000 langileren egoera hobetuko luke Hego Euskal Herrian". Gaineratu dutenez, "LGSa altuagoa izateak negoziazio kolektiboa baldintzatzen du soldata igoera handiagoak adostu daitezen".
Halaber, sindikatuek gogorarazi dutenez, "gutxieneko soldataren inguruko erabakiak Euskal Herritik urrun hartzen dira gaur egun, langileen eguneroko beharretatik eta gure herriaren ezaugarrietatik aldenduta". Horren aurrean, erabakitzeko ahalmena hemen izatea funtsezkoa dela defendatu dute, lan-harremanetan burujabetzaren bidean urratsak emateko helburuz.
Egungo eskumenen barruan LGS propioa lortzeko aukera aurkeztu dute, patronalekin negoziazio mahai bat irekitzen saiatzeko; bestetik "eskumenak lortzeko bidean Euskal Autonomia Erkidegoan eta Nafarroan Lanbidearteko Gutxieneko Soldata propioa ezartzeko" aukera aurkeztu dute.
Hala ere, deitoratu dutenez "patronalak eta harekin bat egin duten alderdi politikoek bi bideak blokeatu dituzte".
Horregatik, "beharrezkotzat" jo dute "hirugarren bide bat irekitzea", eta "ezinbestekotzat" jo dute gutxieneko soldataren auzia "funtsezko aldarrikapen gisa kokatzea estatus juridiko-politikoaren berrikuntzan".
Martxoaren 17ko greba orokorraren bidez, sindikatuek "soldatak hobetzea eta aberastasunaren banaketa bidezkoagoa exijituko dute, azken urteetan enpresen eta kapitalaren irabaziak handitu diren arren, langileek erosteko ahalmena galdu dutela salatzeko".
Bere aldetik, MIkel Torres bigarren lehendakariorde eta Ekonomia, Lan eta Enplegu sailburuak berretsi du Eusko Jaurlaritzak ez duela eskumenik Euskadin Lanbidearteko Gutxieneko Soldata (LGS) ezartzeko, eta grebarako eskubidea errespetatzen duela adierazi du, baina dio ez datorrela bat sindikatu abertzaleen deialdiaren arrazoiarekin.
Torresek gogorarazi du bere sailak gutxieneko soldatari buruzko azterlan bat egin zuela, eta defendatu du hazkunde ekonomikoak soldatak hobetzea ekarriko duela. Patronalaren eta sindikatuen arteko elkarrizketarako deia egin du berriro, akordioak lortzeko bidea hori dela iritzita.
Zure interesekoa izan daiteke
Martinezek ziurtatu du medikuen sindikatuarekin lortutako akordioa ez dela baztertzailea
Eusko Jaurlaritzako Osasun sailburuaren hitzetan, Osakidetzako gainerako kolektibo profesional guztiekin hitz egiten jarraituko du. Iraileko mahai sektorialeko bilerara joateko deia egin die sindikatuen ordezkariei.
Langabeziak behera egin du Euskadin eta Nafarroan bigarren hiruhilekoan, eta bi erkidegoetan Estatuko batezbestekoaren azpiko tasak daude
Euskal Autonomia Erkidegoan 12.400 langabe gutxiago daude, eta tasa % 7,11koa da; Nafarroan, berriz, 3.300 langabe gutxiago daude, % 8,07ko indizearekin.
39 urteko gizon bat larri zauritu da Iruñean lan-istripuz
Presiozko mahuka batek buruan jo du baratzean ari zela.
Alokairuen prezioa % 3 eta % 4 artean jaitsi zen Donostian, Irunen eta Errenterian 2025eko azken hiruhilekoan
2025ean 86.522 alokairu-kontratu sinatu ziren Euskadin, serie historikoko bolumenik handiena. Alokairuen prezioei gehien eusten dion lurraldea Araba da.
Papresak aro berria hasi du, CL Group Industrial taldeak paper fabrika erosi baitu
Gaurtik CL Group Industrial taldeak bere gain hartu du Errenteriako paper fabrikaren ekoizpena.
CCOOk euskara ikasteko denbora eta baliabideak eskatu ditu eta euskarafobia dagoela ukatu du
Euskadi Irratian egin dioten elkarrizketan, Iñigo Garduño CCOOren komunikazio idazkariak langileak auzitegietan defenditzeko egindako bidea azpimarratu du. Halaber, adierazi du ez direla aritu euskararen kontra, euskara ikasteko baliabideak eskatzen baizik.
EAEko arrantzaleek antxoa-kuota ia osoa agortu dute eta hegaluzearen kosteraren buru dira
Esleitutako antxoa-kuotaren % 98,4 harrapatu dute dagoeneko. Euskal ontziek harrapatu dituzte Estatuan arrantzatutako hegaluzearen hamar kilotik sei.
Azkoyen enpresa erosteko 244,5 milioi euroko eskaintza egin du Ohmnia taldeak
Eskaintzaren sustatzaileen ustez, operazioa ezagutza partekatzeko eta industria-irtenbide aurreratuagoak eta balio erantsi handiagokoak garatzen laguntzeko aukera bat da.
ELAk mobilizazioak iragarri ditu udazkenerako, Osakidetzako kolektibo guztien lan-baldintzak negoziatzeko
Sindikatuak 17 urte baino gehiago dituen Lan Baldintzak Arautzeko Akordio zaharkitua berritzeko exijitu du, eta diskriminaziorik gabe negoziazioak hasteko deia egin du.
Guardiak turismo tasari buruzko lehen ordenantza onartu du Euskadin
Arabako udalerriak foru arauak aurreikusitako tarteen erdi-goiko mailan kokatutako zenbatekoa aplikatuko du.