Langabeziak gora egin du urtarrilean Hego Euskal Herrian: 108.140 langabe EAEn eta 29.614 Foru Erkidegoan

706 lagun gehiago daude langabezian Euskadin, eta 131 gehiago Nafarroan, abenduarekin alderatuta, nahiz eta bi erkidegoek urtearteko beherakadari eutsi dioten.

SAN SEBASTIÁN, 02/09/2025.- Una panadera trabaja en San Sebastián este martes, en el que Ministerio de Trabajo publica los datos del paro correspondientes a agosto. El paro registrado en Euskadi ha subido en 4.178 personas en agosto con respecto a julio, un 3,98 %, lo que la sitúa como la comunidad con el mayor ascenso del desempleo en un mes tradicionalmente malo para el empleo, hasta situar la cifra total en 109.169 demandantes de trabajo.EFE/Javier Etxezarreta

Agentziak | EITB

2026/02/03 - 09:38

Azken eguneratzea

2026/02/03 - 09:38

Urtarrilean, Euskadin 108.140 pertsona daude langabe moduan erregistraturik, abenduan baino 706 lagun gehiago (+ %0,66), Lan eta Gizarte Ekonomiako Ministerioak eta Eusko Jaurlaritzak astearte honetan argitaratutako datuen arabera.

Hileko igoera hori gorabehera, Euskal Autonomia Erkidegoko langabeziaren urtearteko bilakaerak positiboa izaten jarraitzen du. Izan ere, 2025eko urtarrilarekin alderatuta, 1.221 pertsona gutxiago dago lanik gabe, % 1,12ko jaitsiera.

Bestalde, Nafarroan, urtarrilaren amaieran 29.614 langabe zenbatu dira, abenduan baino 131 gehiago, hau da, % 0,44ko igoera, Estatuko Enplegu Zerbitzu Publikoak (SEPE) emandako datuen arabera.

Iazko urtarrilarekin alderatuta, Nafarroako Foru Erkidegokoan 1.062 pertsona gutxiag dago langabezian, - % 3,46. Urtarrileko ohiko igoera estazionala izan arren, Nafarroak langabe kopuru txikiena duten erkidegoen artean jarraitzen du, eta urte arteko bilakaera alde du, nahiz eta Estatuko batezbestekoa baino apalagoa izan.

Estatuan ere gora egin du langabeziak urtarrilean, eta enplegu bulegoetan 30.392 gehiagok eman dute izena (+ % 1,26). Urtearteko bilakaerari begiratuta, ordea, lan gabe 160.381 pertsona gutxiago dago (- % 6,17), eta, guztira, 2.439.062 langabe zenbatu dira.