Akordioa lortu dute Maderas de Llodion eta 260 eguneko grebari amaiera eman diote
Joan zen irailetik egon dira greban 35 langile kaleratu zituen LEEaren aurka eta ekoizpen osoa Laudion mantendu dadin eskatzeko. Hurrengo egunetan jakinaraziko dituzte akordioaren xehetasunak.
Maderas de Llodio enpresako langileek bertan behera utzi dute orain dela 260 egun hasi zuten greba mugagabea, gaur goizean egindako batzar batean Garnica multinazionalak, enpresako matrizeak, egindako azken proposamena onartu ostean.
Langileen ordezkaritza organoak iragarri duenez, datozen egunetan jakinaraziko ditu akordioaren xehetasunak horretarako deitutako prentsaurreko baten bidez.
Joan zen irailean lan erregulazio espedientea (LEE) planteatu zuen Garnicak Maderas de Llodion; 151 langileko plantillatik 39 kaleratze iragarri zituen. Une hartan greba mugagabea hasi zuten langileek, enpresak ekoizpenaren % 40 beste lantegi batzuetara eramateko asmoa zuela argudiatuta, eta sindikatuek LEEaren aurkako demandak jarri zituzten.
Alabaina, urrian LEEa gauzatu zen. Azkenean, 35 langileri eragin zien. Enpresa utzi behar izan zuten eta kalte-ordainak jaso zituzten. 2026ko otsailean, ordea, EAEko Auzitegi Nagusiak partzialki onartu zituen sindikatuek jarri zituzten demandak eta kaleratzeak bidegabetzat jo zituen.
Epailearen erabakiaren ostean, zuzendaritza eta sindikatuak negoziazio-mahaira itzuli ziren. Duela egun batzuk, enpresak "azken eskaintza" bat egin zuen eta hori da astelehen honetan langileek onartu dutena.
"Oraingoz, langileek mahai gainean dagoen azken proposamena onartzea erabaki dutela baino ezin dugu jakinarazi”, esan du enpresa-batzordeak ohar bidez, eta gehitu du proposamen hori “hilabete hauetan egindako mobilizazioen ondorio zuzena” dela. "Gaur mahai gainean dauden neurriak eta konpromisoak beren lanpostuak eta etorkizuna defendatu dutenen borrokaren, batasunaren eta konpromisoaren emaitza dira", adierazi du.
Batzordeak azpimarratu duenez, "borroka hori ez zen soilik Maderasen aldekoa, baizik eta Aiarako eskualde oso bateko enpleguaren, industriaren eta etorkizunaren aldekoa".
Zure interesekoa izan daiteke
Donostiako Topoaren trenbideko obra bukatutzat eman dute, Kontxako geltokia amaituta
Datozen hilabeteetan, trenen zirkulazioa arautzen duten instalazio elektrikoetan, aireztapenean, seinaleztapenean eta komunikazioetan ardaztuko du lana ETSk, baita urbanizazioko jardun eta sarbide jakin batzuetan ere.
Etxebizitzaren prezioa %10,3 igo da Euskadin, Estatuko igoerarik txikiena
Astelehen honetan argitaratutako datuen arabera, urteko lehen hiruhilekoan, % 4,9 igo da EAEko etxebizitza berrien prezioa; bigarren eskukoena, berriz, % 11,4.
Torresek espero du UCOk Tubos Reunidosen gainean hasitako ikerketak enpresaren hartzekodunen korkurtsoan ez eragitea
Mikel Torres Eusko Jaurlaritzako bigarren lehendakariorde eta Ekonomia, Lan eta Enplegu sailburuak espero du SEPIk Tubos Reunidosi emandako dirulaguntzen inguruan UCOk zabaldutako ikerketak "eraginik ez izatea" enpresaren hartzekodunen konkurtsoan. Hala ere, argi du arren "lagundu ez" duela lagunduko. "Espero dut prozesua garbia eta legezkoa izatea", zehaztu du.
Eusko Jaurlaritzak gune tentsionatu izendatu du Basauri
Basauriko Udalak 2025ean egin zuen eskaera, alokairuen kostuak familien hileko diru-sarreren % 30 gainditzen duela argudiatuz.
Oxium talde errioxarrak Astore erosi du 60.000 euroren truke
Erosketa horrekin, Ternua Groupen lau zatien salmenta itxiko da, Loreak Mendian, Ternua eta Lorpen konglomeratuek osatzen zutena.
EAEko ekonomia % 2,2 hazi da iazko martxotik aurtengora, zerbitzuek eta eraikuntzak bultzatuta
12.434 lanpostu sortu dira urtebetean Euskal Autonomia Erkidegoan. Enpleguaren urte arteko bilakaera positiboa izan da eraikuntzan (% 1,2) eta zerbitzuetan; aitzitik, % 0,2 egin du atzera industrian eta lehen sektorean.
Mondragonek 11.322 milioiko salmentak izan ditu 2025ean, eta % 2,9ko igoera espero du aurten
Nazioarteko gatazkek sortzen duten ezegonkortasuna dela eta, 2026rako hazkunde aurreikuspenak “nahiko moderatuak” direla dio korporazioak.
DHL Express-ek etorkizuneko hangarraren lehen harria jarri du Gasteizko aireportuan
Konpainiak urrats erraldoia eman nahi du, 6.600 metro koadroko nabe batekin, eta, horrekin batera, 13.000 metro koadro baino gehiagoko instalazioak izango ditu kanpoaldean. Europako kontinentean DHLk duen bigarren hangarrik handiena izango da.
Katean osorik ekoitzitako lehen auto elektrikoa atera da Volkswagen multinazionalak Landabenen duen lantegitik
Škoda Epiq modeloa da Iruñean osorik ekoitzitako lehen auto elektrikoa. Horrez gain, konbustioko T-Cross eta Taigo modeloak egiten jarraituko du Nafarroako Volkswagenek.