Nafarroako medikuek greba mugagabea deitu dute arratsaldeetarako, uztailaren 1etik aurrera
Nafarroako Medikuen Sindikatuak "zentzugabetzat" jo du Osasun Departamentuaren eskaintza, eta greba hori Estatuan erabakitzen diren mobilizazioei gehituko zaiela adierazi du.
Nafarroako Osasunbideko mediku eta fakultatiboek greba mugagabea hasiko dute uztailaren 1ean, arratsaldez. Nafarroako Medikuen Sindikatuko kide diren medikuek "zentzugabetzat" jo dute Foru Gobernuko Osasun Departamentuak beren lan-baldintzak hobetzeko egindako eskaintza.
Nafarroako Medikuen Sindikatuak (SMN) hainbat batzar egin ditu asteazkenean eta ostegunean Tuterako eta Lizarrako ospitaleetan eta Nafarroako Unibertsitate Ospitalean. Sindikatuko iturrien arabera, guztietan "izugarrizko haserrea eta ezinegona" agertu dute profesionalek, eta "adarra jotzen ari zaizkigunaren sentsazioa" orokortzen ari da.
Fernando Dominguez kontseilariak zuzentzen duen Osasun Departamentuak egindako eskaintza beste autonomia erkidego batzuetako eskaintzekin alderatu dute medikuek eta, haien ustetan, Nafarroaren proposamena "zentzugabea" da.
Ondorioz, uztailaren 1etik aurrera greba mugagabeari ekitea erabaki dute arratsaldeko txandan.
Peonadak egin gabe jarraituko dute
Lanuzte horrek batez ere peonada deitzen direnei eragingo die, hau da, itxaron zerrendak murrizteko helburuarekin arratsaldeetan egiten diren aparteko orduei. Mediku askok uko egin diote orain arte aparteko ordu horiek egiteari. Duela aste batzuk, Medikuen Sindikatuen Espainiako Konfederazioak mobilizazioen etenaldia egingo zuela udan iragarri zuen baina, greba mugagabearen deialdi honekin, medikuek aparteko ordu horiek ez egiten jarraitu ahal izango dute.
Nafarroako Medikuen Sindikatutik azpimarratzen dute iragarri berri duten hori "greba autonomikoa" dela, eta estatuko Greba Batzordean ordezkatuta dauden sindikatu eta taldeak deitu dezaketen gainerako mobilizazioei gehituko zaiela. Beraz, datorren asterako -ekainaren 15etik 19ra bitarteko- greba deialdiari eusten diote.
Greba mugagabea hasteko aukera gero eta gehiago entzuten da. Medikuen Mugimendu Bateratua (MUD) ere aukera hori aztertzen ari da, adibidez.
Zure interesekoa izan daiteke
?fmt=webp-alpha&qlt=80)
Tubos Reunidoseko lan-egutegiak legezko prozedura jarraitu gabe aldatzen saiatzea salatu du ESK sindikatuak
Horren arabera, altzairutegian aritzen diren beharginek arratsaldez edota gauez bakarrik lan egin beharko lukete. ESK sindikatuak uste du neurri horrek eragin negatiboa izango lukeela kaltetutako langileen atsedenean zein osasunean.
Zarauzko eta Bergarako IAT zentroetako langileek greba mugagabea iragarri dute astelehenetik aurrera
Gipuzkoako gainerako IAT lantegietako lan-baldintzak eskatzen dituzte beharginek. Urtean 133 ordu gehiago egiten dituzte lan, eta 2.000 eta 8.000 euro artean gutxiago kobratzen dute.
Jaurlaritzak uko egin dio Osasun Kohesiorako Funtsari 51 milioi ordaintzeari, "neurriz kanpoko" kopurua dela iritzita
Alberto Martinez Osasun sailburuak egungo konpentsazio-sistema berrikustea eskatu du. "Arau argiak, babes nahikoa eta irizpide homogeneoak lurralde guztientzat", esan du.
Volkswagenek bere modelo sorta erdira murriztuko du "segmentu errentagarrienetan" kontzentratzeko
Konpainiak neurri sorta bat iragarri du, bere eskaintzaren konplexutasuna % 75 murriztea eta ibilgailuen urteko ekoizpena hamar milioitik bederatzira jaistea aurreikusten duena.
25 urteko langile bat larri zauritu da Azkoienen, eskailera batetik erorita
Baratze batean ari zen lanean, eta erorikoaren ondorioz, buruan kolpe larria hartu du. Helikoptero medikalizatuan eraman dute Nafarroako Unibertsitate Ospitalera.
ENBAk neurriak eskatu ditu Eusko Label haragiaren "sektorearen egoera kezkagarriaren aurrean"
Azken bost urteotan, Eusko Label behi-azienden ustiategien kopurua % 25 jaitsi da. Haragi ekoizleek ohartarazi dute kostuen igoerak eta errentagarritasunaren jaitsierak arriskuan jartzen dutela sektorearen etorkizuna. Izan ere, ekoizpenean gehitutako kostuen ondorioz, abeltzain askok Euskaditik kanpo saldu behar dute haragia.
Etxebizitza babestuen % 30 errenta ertainentzat gordeko du Eusko Jaurlaritzak
Urtean 20.000 eta 46 000 euro bitarteko diru sarrerak dituzten bizikidetza unitateek etxebizitza babesturako sarbidea izango dute.
Bajen inguruko polemikari datuak erantsi dizkio PPk: "Astelehenetan, 1.700.000 pertsona ez dira lanera joaten"
Juan Bravo PPko Ogasun, Etxebizitza eta Azpiegitura idazkariordeak azaldu duenez, bajan egonda soldata gutxiago kobratzearen aukera Feijook mahai gainean jarri zuenean, "iruzur kasuei" buruz ari zen.
Aranburuk (LAB) "indarrak batzea" eta "neurri sakonagoak" eskatu ditu, ELAk euskararen inguruan egindako proposamenaren aurrean
Garbiñe Aranburu LAB sindikatuko koordinatzaile nagusiak txalotu egin du ELAren proposamena, eta adierazi du hobetzera datozen ekimen guztiak "ongietorriak" izango direla. Hala ere, ohartarazi du egungo negoziazio kolektiboak "euskara gehiago" behar duela eta, oldarraldi judizial eta politikoaren aurrean, "neurri sakonagoak" behar direla.
Lan Harremanen Kontseiluak nabarmendu du negoziazioak euskaraz izateak "ez duela zertan eragozpen izan"
Emilia Malaga Pérez Lan Harremanen Kontseiluko (LHK) presidenteak nabarmendu duenez, "ez dugu inolako aukerarik jakiteko batzordeetan parte hartzen duten pertsonen hizkuntza gaitasuna zein den".