Stephen Hawking: 'Ez dago zerurik, ipuin bat besterik ez da'
Stephen Hawking zientzialari, kosmologo, fisikari eta dibulgatzaileak berriro errefusatu du Jainkoa existitzen dela eta zeruaren ideia erlijiosoa kritikatu du.
Hawkingek, The Guardian egunkarian egin dioten elkarrizketa batean, ukatu egin du, berriro, heriotzaren ondoren zerbait dagoela. Bere ustez, "jendea heriotzaren beldur izateko ipuina besterik ez" da hori.
Zientzialari ezagunak azpimarratu du burmuinak azken astindua egiten duenean amaitzen dela dena, ez dagoela ezer haratago.
Hawkingi esklerosia diagnostikatu zioten 21 urte zituenean eta horrek heriotzaren inguruan gogoeta sakonak egitera eta horren inguruan idaztera eraman du. "Heriotza azkar iritsiko zaidala pentsatuz bizi izan naiz azken 49 urteetan. Ez naiz heriotzaren beldur, baina ez dut hiltzeko presarik. Gauza asko ditut egiteko hil aurretik", zientzialariak azaldu duenez.
"Burmuina ordenagailu baten berdina dela uste dut eta bere osagaiak gelditzen direnean amaituko dela dena, uste dut ez dagoela ez zerurik ez ezer haratago. Jendea heriotzaren beldur izateko ipuin bat besterik ez dela uste dut", adierazi du Hawkingek egunkari britainiarrean egin dioten elkarrizketan.
2010ean The Grand Design liburua kaleratu zuenean esan zuen unibertsoa ez zuela Jainkoak sortu, eta horrek polemika handia sortu zuen eta buruzagi erlijioso askok teoria horiek salatu zituzten eta gogor jo zuten zientzialariaren kontra.
"Zientziak dio unibertsoak bat-batean sortzen direla ezerezetik. Zoriaren kontu bat da gu bizi garen unibertsoa", esan zuen orduan.
Hawkingek 69 urte ditu eta ezaguna da zulo beltzen, kosmologiaren eta grabitazio kuantikoaren inguruan egin dituen ikerketengatik. 1974tik fisika modernoaren bi oinarriak, Einsteinen erlatibitatearen teoria eta teoria kuantikoa, uztartzeko lanean dihardu.
Zure interesekoa izan daiteke
Baso-suteei aurre egiteko larrialdi-faseko 1. egoera ezarri du Segurtasun Sailak
Eusko Jaurlaritzak arreta handiz jokatzeko eta suteak eragin ditzakeen edozein jarduera saihesteko eskatu die herritarrei, batez ere landa-eremuetan, basoetan edo landaredi lehorretik gertu.
Baso-sutea piztu da Aizkorri-Aratz natura parkean
Baso sutea piztu da Aizkorri-Aratz parkean. Dirudienez, ostiralean sortu zen sute txiki baten berpiztea da eta urrutitik da ikusgai.
Auto-ilarak BI-30 errepidean, Barakaldon, 8. kilometroan izandako istripu baten ondorioz
BI-30 errepidean, Barakaldo parean, izandako istripu baten ondorioz, auto-ilarak sortu dira Galdakaorako noranzkoan, errei bat itxi ostean.
Musikenek "arretaz" ikertuko du harpa irakasle batek ikasleei emandako tratua
Musikeneko Zuzendaritzak "kaltetua izan daitekeen edonori" jakinarazi dio "zentroaren arreta osoa" izango duela, eta, horretarako, ikastetxeak "eskura dituen bideen bidez harremanetan jartzeko" eskatu du.
San Joan surik piztuko ez den herrien zerrenda
Nafarroako Gobernuak San Joan surik ez egiteko gomendatu du. Eusko Jaurlaritzak ez du gomendio orokorrik eman eta herri bakoitza bere erabakiak hartzen ari da. Hala, Iruñean, Barakaldon, Urretxun, Zumarragan, Sopelan, Berangon, Gernikan eta Muxikan, besteak beste, ez da surik piztuko.
EHUko errektoreak ohartarazi duenez, kalifikazioak "ezin dira presio sozial, politiko edo mediatikoagatik zehaztu"
Joxerramon Bengoetxea EHUko errektoreak adierazi du kalifikazioak ezin direla zehaztu "presio sozial, politiko edo mediatikoagatik". Horrekin batera, USaPeko euskara azterketetan izandako zenbait notek eragindako polemikaren harira, esan du ikasleen eskubideak defendatzeak "ebaluazio-sistemaren inpendendentzia defendatzea" dakarrela.
Pedrosa sailburuak jakinarazi duenez, USaPeko euskara azterketan zeroen % 47 ebaluatzaile berak jarri zituen
Azterketa horretan jarritako 168 zeroetatik 108, 11. eta 12. epaimahaiek zuzendutako azterketei dagozkie; guztien % 64,3.
Berrikuspenaren ondoren, euskara azterketako zeroak murriztu egin dira, baina "igoera esanguratsurik gabe" kasu gehienetan
Unibertsitatera sartzeko proben behin betiko kalifikazioak argitaratu dituzte eta EHUko errektoreak balorazioa egin du: ebaluazio- eta berrikuspen-sistemaren alde egin du.
Haur-eskolak 13:00etan itxiko dira gaurtik aurrera, muturreko beroagatik
Haurreskolen Partzuergoak bere eskolak ohi baino goizago ixtea aurreratzea erabaki du, tenperatura altuak direla eta. Neurria datozen egunetan egongo da indarrean, kontrakoa erabaki arte.
Bi pertsona atxilotu dituzte Plentziako hondartzan, lapurretetan ari zirela eta udaltzainei erasotzeagatik
Halaber, Ertzaintza bi adingabe ikertzen ari da, igande honetan Plentziako hondartzan izandako gertakarietan parte hartu zutelakoan, hainbat lapurretarekin lotutako polizia-operazio batean.