Ustekabea eta poza euskal jesuiten artean, aita santu berriarekin
Loiolako probintziako jesuitek harriduraz baina pozez hartu dute Jorge Mario Bergoglioren izendapena. Aita santu berriak Jesusen Lagundiaren nortasuna eta izaera Elizan txertatzen lagunduko duela espero dute.
Loiolako jesuiten buruak, Juan Jose Etxeberriak, izendapenaren albisteak ezustean harrapatu dituela aitortu du, aurretik inoiz ez baita Erromako gotzaina jesuita izan. Baina, aldi berean, Etxeberriak lagundiko anaien poza adierazi du, nahiz eta aurrean lana zaila duen jakitun izan.
"Oso une zaila egokitu zaio. Ikuspuntu politiko, ekonomiko eta sozialetik, urrean
dituen erronkak ez dira nolanahikoak. Gaur egun aita santu izatea lan itzela da", adierazi dio EiTBri.
Zer-nolako tokitan geratuko da Jesusen Lagundia, kide bat Eliza Katolikoaren gailurrera iritsi ondoren? "Ikusiko dugu", esan du Etxeberriak. "Egoera guztiz berria da denontzat, bai aita santuarentzat, baita Jesusen Lagundia osatzen dugun guztiontzat ere", gaineratu du.
"Gure nortasuna, gure karisma eta espiritualtasuna izan litezke bere ekarpenak. Eta agian hori lagungarri izango zaio", azaldu du Etxeberriak.
Jesuiten lekua indartuko ote den edo ez galdetuta, Benedikto XVI.ak 2008an jesuitei "mugan" lan egiteko eskaera eta agindua eman ziela ekarri du gogora Loiolako probintziaburuak.
"Hori oso garrantzitsua izan zen guretzat, Elizaren lehen mailan jarri gintuelako berriz ere. Orduz geroztik, muga horien bila gabiltza: elizaren barruko mugetan, beste erlijioekin elkarrizketan, txirotasunean, marjinazioan eta bidegabekerietan... Hortxe kokatu gara azken urte hauetan", azpimarratu du.
Jorge Bergoglio jesuitek Eliza Katolikoan egun zuten kardinal bakarra zela esan du, "eta Elizaren zerbitzurako eskaini dugu". Argentinako bizitzan "guztiz murgildutako gizona da, jendearekin konpromiso estua izan duena". Berarekin Alcalá de Henaresen formakuntzan parte hartu duten lagundiko beste anaia batzuek pertsona "gertuko" bezala gogoratzen dute. Hori dela eta, aita santu berriak Eliza barruan elkarrizketa bultzatzea espero du Juan Jose Etxeberriak.
Aurrean dituen erronkei aurre egin eta helduko diela sinetsita dago Jesusen Lagundiko Euskal Herriko burua, baina zuhurtziaz hitz egin du haren ibilbidea zein izango den aurreratzeko garaian.
"Ikusi beharko dugu", esan du.
Zure interesekoa izan daiteke
Hantabirusaren agerraldia "kontrolatuta " dagoela uste du Rafael Bengoak: "Orain kasu positiboen jarraipena egin behar da"
Radio Euskadiko Boulevard saioan egin dioten elkarrizketan Rafael Bengoa Osasun Publikoko adituak azaldu duenez, hantabirusak sortutako egoera "kontrolpean" dago, eta, horren esanetan, kasu positiboen jarraipen zuzena egitea da orain garrantzitsuena. Bestalde, hantabirusaren infekzio ahalmena txikia dela eta sintomak dituztenek kutsatzen dutela azpimarratu du.
Lekukoen deklarazioen txanda, Lukas Agirreren heriotzaren epaiketan
Fiskalak 22 urteko kartzela-zigorra eskatu du 2022ko Gabonetan gaztea labankadaz hiltzeagatik akusatutako hiru lagunetako birentzat.
Kamioi batek istripua izan du eta bi errei itxi dituzte AP-68 autobidean, Zuia parean, Gasteizerako noranzkoan
Istripuaren ondorioz, kamioiak zama galdu du, eta gidaria Txagorritxu Ospitalera eraman dute. Errei bakarra dago irekita, eta, ondorioz, auto-ilarak sortu dira.
Albiste izango dira: hantabirusaren azken ordua, AEBk errefusatu egin du Iranen erantzuna eta Alejandro Gonzalez-Iñarritu Bilbon
Gaurkoan Orain-en albiste izango direnen laburpena, bi hitzetan.
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.