'Fracking'a ez da debekatuta egongo Euskadin
Euskal Herriko Natura Babesteko 16/1994 Legearen moldaketa onartu du ostegun honetan Eusko Legebiltzarrak, eta, ondorioz, 'fracking'a ez da berariaz debekatuta egongo Euskadin, baina ''ingurumenaren baloreekin'' bateraezinak diren jarduerei betoa jarriko die araudi berriak.
Hala, babestutako espazio horien arduradunen esku uzten du legeak haustura hidraulikoa balore horiekin bateragarria den ala ez erabakitzea.
Babestutako espazio naturaletan, gainazalean zein lur azpian, hidrokarburoen esplotaziorako haustura hidraulikoaren teknika erabiltzeko debekua ezartzea eskatu zuten Arabako Batzar Orokorrek.
EAJ, PSE-EE, PP eta UPyD alderdien baiezko botoekin aurrera egin duen testuan, baina, ez da berariazko debekurik ezartzen. Hala, babestutako espazio naturaletan eta horien eraginpean dauden inguruetan bertan babesten dituzten ingurumen baloreekin bateraezinak diren teknikak debekatuko dira.
Testuak zehazten duenez, babestutako espazio natural bakoitzaren kudeaketa edo planifikazio arduradunek erabakiko dute bateragarritasun maila.
Halaber, teknika horiek ingurumen baloreekin bateragarriak diren kasuetan, proiektuak ingurumen mailan izango lukeen inpaktua aztertzeko ebaluaketa egitea beharrezkoa izango da.
EH Bildu, kontra
EH Bildu izan da legearen moldaketa horren kontra bozkatu duen talde bakarra.
Dani Maezturen hitzetan, onartutako testuak espazio naturaletan frackinga erabiltzeko aukerari ateak zabalik uzten dizkio. Nafarroan, Errioxan eta Kantabrian frackinga debekatu dutela gogoratu die gainerako taldeei, eta ''energia 'lobby'-en interes ekonomia babesten'' aritzea egotzi die.
''Jurisprudentziaren kontrakoa''
Luis Javier Telleria EAJko ordezkariak azpimarratu duenez, onartutako testuak ''ingurumen baloreekin bateragarriak ez diren jarduera eta teknika guztiak debekatzen ditu''.
Natalia Rojok (PSE-EE), Mari Carmen Lopez de Ocarizek (PP) eta Gorka Maneirok (UPyD), bestalde, Arabako Batzar Orokorrek aurkeztutako proposamena ''jurisprudentziaren kontrakoa'' dela argudiatu dute.
"Fracking Ez Araba"
Bozketa bukatuta, agerraldia egin dute "Fracking Ez Araba" taldeko ordezkariek, eta onartutako moldaketak berariazko debekatua ez jasotzea salatu dute.
Zure interesekoa izan daiteke
Albiste izango dira: Espainiako eta Frantziako suteak, sexu-erasoak Bilbon eta Tuteran, eta Donostiako Aste Nagusiko programazioaren aurkezpena
Gaurkoan Orain-en albiste izango direnen laburpena, bi hitzetan.
Madril, Avila eta Toledoko suek zertxobait hobera egin dute meteorologiari esker
Suteek 77.000 hektarea kiskali dituzte jada: 47.000 Burgoondon (Avila), 27.000 hektarea Madrilgo mendilerroan eta 2.000 hektarea Toledon. 90.000 pertsona inguru daude ebakuatuta edo konfinatuta.
Euskal Encounter topaketa amaitu da BECen, 5.000 parte-hartzaile eta bisitarien bikoitzarekin
Antolatzaileek prestakuntza- eta dibulgazio-jardueren harrera ona nabarmendu dute, gizartea eraldatzen ari diren teknologiak ulertzeko gero eta interes handiagoa dagoela berretsi baitute.
Tuterako jaietan adingabe baten bortxaketa ikertzen ari dira
Ustezko erasotzailea atxilotu egin dute. Tuterako Udaleko taldeek adierazpen instituzionala onartu dute, erasoaren aurrean "erabateko gaitzespena eta gaitzespena" adierazteko.
Vall d'Uixoko (Castello) suteak kontrolik gabe jarraitzen du, eta 6500 hektarea kiskali ditu jada
Larunbatean sutea piztu zenetik 15 udalerritako 16.000 pertsona baino gehiago ebakuatu dituzte. Hainbat erakundetako 450 profesional baino gehiago ari dira sua itzaltzeko lanetan.
63 urteko gipuzkoar bat hil da Ordesako naturgunean erorita
Gertaera 11:15 aldera jazo da. Harri batek mendizalea jo du, bi lagunekin zihoala. Ondorioz, malda handiko mendi-mazela batetik behera erori da.
Gorpu bat aurkitu dute Pasaiako portuko uretan
Herritar batek 16:00ak aldera ohartarazi du gorpu bat zegoela uretan, eta Ertzaintzak atera du bertatik. Biktima ez dute oraindik identifikatu.
Bederatzi pertsona artatu dituzte Arrasaten, eraikin bateko etxabean piztu den sutearen ondorioz
Gazteak batu ohi diren inguru batean, sua hartu du erosketa-orga batek eta, beroaren eraginez, lokal baten sarrera lehertu da. Ikerketa abiatu da gertatutakoa argitzeko.
Berpiztu da ostiralean Castejonen piztutako sutea
Castejon Villa hotelaren inguruan berpiztutako sua itzaltzeko lanean ari dira suhiltzaileak, eta ez da inor zauritu.
Ikuspenik gabe eta garrez inguratuta ibili da suhiltzaileen kamioi bat Madrilen
Kamioi batean zihoazen suhiltzaileak arriskuaz ohartarazi dira, eta aurrera egiteko bidea aurkitzeko kezka agertu dute. Egoera zail eta arriskutsu horren aurrean bideoan entzun daitezkeen esaldietako batzuk hauek dira: "Ez dugu ezer ikusten", "Hau oso arriskutsua da" eta "Kamioia hemen gelditzen bada, flipatu egingo dugu" .