Lau lagun atxilotu dituzte zor batengatik gazte bat atxikitzeagatik
18 eta 25 urte bitarteko lau lagun atxilotu dituzte Erandion eta Leioan, ustez 19 urteko gazte bat legez aurka atxiki, mehatxu bidez lapurtu eta zauriak eragiteagatik. 500 euroko zor bat eskatzen zioten, Segurtasun Sailak jakinarazi duenez.
Igandean, 21:00ak inguruan, 19 urteko gazte bati bere etxe inguruan bi ezagun hurbildu zitzaizkion eta, beste bi lagunekin batera, furgoneta batean sartu zuten, eta Erandioko Goikolanda parkera eraman zuten. Bertan, ibilgailutik jaitsarazi zuten eta ukabilkada bat eta ostikada bat eman zizkioten aurpegian, eta 500 euroko zor bati aurre egiteko eskatu. Gainera, MP4 bat eta kaskoak hartu zizkioten, plastikozko dokumentuak eramateko gailu batekin batera.
Ondoren, erasotzaileek Leioara eraman zuten, eta biktima metroan sartu zen, senide baten etxera joateko, Getxora. Bertara iritsitakoan, ospitalera eraman zuten, anbulantziaz, buruan eta aurpegian zituen zauriak aztertzera.
Salaketa jarri ostean, Ertzaintzak ikerketa jarri zuen martxan, eta atzo arratsaldean bertan atxilotu zituzten ustezko erasotzaileak, bat Leioan eta beste hirurak Erandion.
Lau atxilotuak epailearengana eraman dituzte, Getxoko Guardiako Epaitegira.
Zure interesekoa izan daiteke
Eric Courdyren heriotzagatik auzipetutako boxeolari ohiak barkamena eskatu eta bere gain hartu du hilketa
"Egindakoa onartzen dut eta barkamena eskatzen diot biktimaren familiari", esan du lehen saioan. 09:00etan hasi dira Verin epaitzen, hilketa gertatu zenetik ia bi urtera.
34 urteko gizon bat atxilotu dute Iruñean, sexu-erasoa egotzita
Atxiloketa Nafarroako hiriburuko Udaltzaingoak egin zuen, igandeko lehen orduan.
Maialen Mazonen hilketaren epaiketa martxan da, herri-epaimahaia hautatuta
Akusazioek 45 urteko kartzela zigorra eskatzen dute ustezko hiltzailearentzat, Zigor Kodeak baimentzen duen zigorrik handiena. Zehazki, 25 urte azpikeriaz eta ankerkeriaz egindako hilketagatik, hamasei urte bi abortu delituengatik (bikiez haurdun zegoen, zortzina urteko zigorra ezarri nahi diote) eta 4 urte adingabea abandonatzeagatik.
Datorren ikasturtean Lanbide Heziketako 74.963 plaza eskainiko dira EAEn, inoiz baino gehiago
Berrikuntza gisa, Lanbide Heziketako plazen % 50 emakumeentzat gordeko dira 2026-2027 ikasturtetik aurrera.
Lehiaren Euskal Agintaritzak isunak jarri dizkie eskola garraioko 31 enpresari, Hezkuntza Sailari boikota egiteagatik
2023-2024 ikasturterako lehiaketan, Gipuzkoako ibilbideak baino ez ziren esleitu. Horregatik, Eusko Jaurlaritzak agindu bat argitaratu zuen, aurretik Bizkaian eta Araban esleipendun izan ziren enpresak zerbitzua betetzera behartzeko.
Aldentze aginduen inguruan zeukan protokoloa aldarazi zion Ertzaintzari Maialen Mazonen hilketak
Maialen "arrisku handiko" biktima zen indarkeria matxistarekin lotutako kasuak aztertzen dituen Estatuko VioGen sistemaren arabera. Ertzaintzak, ordea, "arrisku txikiko" biktimatzat jo zuen. Antza denez, Polizia Nazionalaren VioGen sistemako eta Ertzaintzaren EVA sistemako artxiboak ez zetozen bat. Bestalde, Ertzaintzak berak kasuaren inguruan egindako balorazioak ere huts egin zuen.
2025ean 13.297 haur jaio ziren EAEn, 2024an baino %2,8 gehiago
2025eko azken hiruhilekoan, 3.438 jaiotza izan ziren Euskal Autonomia Erkidegoan, hau da, iazko aldi berean baino % 6,1 gehiago, Eustaten datuen arabera.
Bi pertsona atxilotu dituzte Donostiako Herrera auzoko pabiloi batean izandako suteagatik
Sua goizaldean piztu da, Zardoya fabrika zaharreko gela batean. Ondorioz, lau pertsona zauritu dira eta horietako bat Donostia Ospitalera eraman dute. Hiru lagun tokian bertan artatu dituzte, kea arnasteagatik. Lehen ikerketen arabera, sutea nahita piztu dute.
Leioak gauerdira arte luzatu du TAOaren ordutegia
Udalbatzak erabaki hori hartu du arratsalde-gauean Leioako hiru TAO guneetan (Pinueta, Lamiako eta Ibaiondo) aparkatzeko arazoak izaten direlako, Getxoko bizilagun askok hor uzten dutelako autoa.
Auto-ilarak AP-8 autobidean, Basaurin, Donostiarako noranzkoan, istripu baten ondorioz
Ezbeharrak trafiko-arazoak sortu ditu AP-8ko hainbat puntutan, bereziki Malmasingo tuneletan.