'Ez dut uste infanta akusatuen eserlekuan izango denik', esan du Rocak
Miquel Roca abokatuak baieztatu egin du gaur, asteazkena, Jose Castro Noos auziaren instrukzio-epaileak egindako autoaren kontrako helegitea aurkeztuko duela. Cristina infanta delitu fiskalak eta dirua zuritzea egotzita epaitu behar zutela ebatzi zuen Castrok.
Hedabideei bere bulegoaren atarian egindako adierazpenetan, Rocak ez ditu defentsaren ildoak zehaztu, baina horren edukiak "ez du inor harrituko", esan du; izan ere, "ondo arrazoitutako argudio sendoak" izango ditu, "egin diren jardunekin eta horietan infantak izan ahal izan duen parte-hartzearekin bat datozen ildo doktrinal, juridiko eta prozesalaren araberakoak".
Helegitearen ebazpenaren inguruan baikor edo ezkor dagoen galdetuta, "kontua ez da baikor edo ezkor izatea" erantzun du Rocak. "Gu erabat sinetsita gaude gure bezeroa errugabea dela, eta seguru gaude Auzitegiak guk egokitzat jotzen dugun erabakia hartuko duela, baina ikusteko dago", gaineratu du.
"Oso-osoan sinetsiko ez banu gure bezeroak arrazoi osoa duela, gaizki defendatuko nuke", gaineratu du Rocak, eta Justiziari "presiorik ez egitea" eskatu du, "bere erritmoa, jarraibideak eta prozesuak baititu; independentziarekin lan egiten utzi behar diegu".
Horren ildotik, "Auzitegiak jakingo du denbora kudeatzen" helegite honen eta beste batzuen gainean ebazteko, esan du. "Nik ez dut inor estutuko ez zaidalako zuzena iruditzen. Ez dugu auziaren konplexutasuna ezagutzen. Denak behar du bere denbora eta denak du bere erritmoa. Egin dezatela lan lasai".
Cristina infanta akusatuen aulkian ikusteko aukeraz galdetuta, berriz, aukera hori ez darabilela buruan erantsi du.
Urdangarinek ere bai
Iñaki Urdangarinek, bere emazteak egin bezala, helegitea aurkeztu du ustelkeriako zenbait delitu egozten dizkion Jose Castro Noos auziko epailearen ebazpenaren kontra.
Erregearen arrebak helegitea aurkeztu eta minutu gutxira, Urdangarinen ordezkariek Castroren argudioen kontra egiten duten errekurtsoa erregistratu dute Palmako 3 zenbakiko Instrukzio Auzitegian, Probintzia Auzitegira zuzendutakoa.
Zure interesekoa izan daiteke
Albiste izango dira: Maialen Mazonen ustezko hiltzailearen aurkako epaiketa, Zubietako espetxearen gaineko eskumena aldatzea eta Ekain Ricori elkarrizketa Radio Euskadin
Gaurkoan Orain-en albiste izango direnen laburpena, bi hitzetan.
Gaur goizean hasiko da Maialen Mazonen ustezko hiltzailearen aurkako epaiketa
Hilaren 15era arte dago programatuta, eta herri epaimahaia osatuko duten herritarrak aukeratuta hasiko da. Akusazioek 45 urteko kartzela zigorra eskatzen dute ustezko hiltzailearentzat, Zigor Kodeak baimentzen duen zigorrik handiena.
Gorpu bat agertu da Zaratamoko Arkotxa auzoan, errepide ondoan
Igande arratsaldean aurkitu dute gorpua, abandonatutako hainbat industria-pabiloiren ondoan. Ertzaintzak ikerketa abiatu du gertatutakoa argitzeko.
Israelek "nazioarteko zuzenbidea urratu" duela salatu dute Iruñean
Elkarretaratzean, atxilotutako bi ekintzaileak askatzeko eta ontziei Gazara iristen eta laguntza humanitarioa ematen uzteko eskatu dute, besteak beste.
Putzu handiak egin dira Jundizko industrialdean euriteen ondorioz eta urak trenbidea zein errepideak hartu ditu
Iluntzean Gasteizen bota duen erauntsiak putzu ikaragarriak sortu ditu Jundizko industrialdean. Irun eta Madril lotzen dituen trenbideko zati bat urak hartu du. Industrialdeko errepideak ere hartu ditu urak, eta ibilgailuak kontu handiz igaro behar izan dute bertatik.
1.500 emakumek erasoak jasan dituzte Euskadin martxora arte, % 69,4k bikotekideek edo bikotekide ohiek eragindakoak
Delitu motaren arabera sailkatuta, ugaritu egin da familia barruko indarkeria —ez ditu bikotekideak edo bikotekide ohiak kontuan hartzen—. Guztira, 298 biktima izan dira martxora arte, hau da, aurreko urtean baino % 11,6 gehiago, Emakumearen Euskal Erakundeak (Emakunde) bildutako datuen arabera.
Astelehenean epaituko dute Baionako bestetan Eric Courdyren hilketagatik auzipetutako Jerome Verin boxeolari ohia
2024ko uztailaren 11n, Baionako bestetan, Eric Courdyri eraso egin zion Jerome Verin boxeolari ohiak, eztabaida baten ostean, autobus geraleku batean. Sei egun koman eman ondoren hil zen Courdy.
Foruzaingoak aisiarako bederatzi lokal erregistratu ditu Iruñerriko bost udalerritan
Operazioan, 20 akta ireki dituzte, drogak konfiskatzeagatik, eta hiru pertsona salatu dituzte, erresistentzia eta desobedientzia egotzita, eta beste bi, debekatutako armak eramateagatik.
Muskizen piztutako sutearen ondorioz 40 familia urik eta gasik gabe daude
Udalak behin-behineko komun batzuk jarri dizkie kalean, eta kiroldegira joan behar dute garbitasunetarako. Oinarrizko zerbitzu horiek lehenbailehen berreskuratzeko, buru-belarri ari dira lanean. Sua garajean hasi zen, eta Ertzaintzak gertatukoa ikertzen jarraitzen du.
Leon XIV.a aita santuak lehendakaria hartuko du Vatikanoan maiatzaren 13an
Egun horretan egingo den audientzia orokorrera gonbidatu du. Eusko Jaurlaritzaren arabera, balio handiko topaketa izango da, eta Euskadik nazioartean duen presentzia instituzionala indartuko du.