Garraioko txartel bakarra Bilboko tranbian erabiltzen hasi dira
Eusko Jaurlaritzak, Araba, Bizkaia eta Gipuzkoako aldundiek eta garraioko euskal agintaritzek (Euskadiko Garraio Agintaritza, Gipuzkoako Garraio Agintaritza, Bizkaiko Garraio Partzuergoa eta Arabako Bat Txartelaren erakunde kudeatzailea) Euskadiko Txartel Bakarraren proiektuko beste urrats bat aurkeztu dute gaur Bilbon: Arabako Bat eta Gipuzkoako Mugi txartelak Bilboko tranbia zerbitzuetan erabiltzen hasteko aukera.
San Mameseko nasetan egin dute agerraldia Antonio Aiz Eusko Jaurlaritzako Garraioko sailburuordeak, Izaskun Iriarte Lurralde Politikako sailburuordeak, Itziar Garamendi eta Larraitz Ugarte foru diputatuak, Manuel Tejada Bizkaiko Garraio Partzuergoaren zuzendariak eta Bilboko Udaleko zein Euskadiko Garraio Agintaritzako ordezkariek.
Proba pilotuaren bidez, txartel bakoitzaren berezko lurraldetik kanpo erabiltzeko aukerari dagokionez zeuden arazo zehatzak konpondu dira, besteak beste, txartelen diru poltsa kargatzea, bidaia balioztatzea, saldoaren kontsulta eta bestelako funtzioak.
Alderdi teknologikoari dagokionez, beharrezko doikuntza guztiak egin dituzte azken hilabeteetan proiektu pilotua hasi ahal izateko. Horrez gain, Bizkaiko Barik eta Gipuzkoako Mugi txartelen probak hasiko dira Gasteizko tranbian zein Dbus hiri autobusetan 2014. urtea baino lehen.
Eusko Jaurlaritza da ekimenaren buru, eta herritarrek Bat, Barik eta Mugi txartelak EAEko hiru lurraldeetan erabili ahal izateko oinarria ezarriko du.
Modu honetan, lehen aplikazio teknikoen azken probak hasi dituzte gaur Bilbon edozein txartel erabili ahal izateko Bilboko zein Gasteizko tranbian. Lehen fasean, Bat eta Mugi txartelen funtzionamendua probatuko da Bilbon, eta ondoren, 2014 bukatu aurretik, Barik eta Mugi txartelena Gasteizen.
Zure interesekoa izan daiteke
Leon XIV.a aita santuak lehendakaria hartuko du Vatikanoan maiatzaren 13an
Egun horretan egingo den audientzia orokorrera gonbidatu du. Eusko Jaurlaritzaren arabera, balio handiko topaketa izango da, eta Euskadik nazioartean duen presentzia instituzionala indartuko du.
72 urteko mendizale bat hil da Serantesen
Bizkaiko mendiaren hegal batean aurkitu zuten hilda, hainbat orduz haren bila aritu ondoren.
Komunean kaka egiterakoan jarrera hobetzeko gailu bat diseinatu dute Iturgoiengo lau bizilagunek
Osasuna eta ergonomia uztartzen dituen ekimen berritzaile horren atzean Asier eta Iñigo Arabaolaza, Joseba Imaz eta Jose Antonio Lazcano daude; 'Naturpos' gailuaren sortzaileak. Oso sistema erraza erabiltzen du gailuak. Hankak altxarazten dizkio erabiltzaileari, nolabait gorputzaren jarrera naturala har dezan.
Hiru pertsona zauritu dira Arrigorriagan, autobus baten eta auto baten arteko istripuan
17:00ak pasatxo gertatu da ezbeharra, eta, ondorioz, errepidea itxita dago eta ibilgailuen zirkulazioa AP-68ra desbideratzen ari dira.
Maleta susmagarri bat leherrarazi du Poliziak Iruñean
Iruñean, Espainiako gobernu-ordezkaritzaren egoitza aurrean norbaitek utzitako maleta batek susmo txarra eragin du, eta gune osoa itxi dute. Merindadeen plazako autobus markesina batean aurkitu dute maleta susmagarria.
Donostian emakume bat hiltzen saiatu zen gizona espetxeratzeko agindua eman du epaileak
Hilketa saiakera egotzita, 26 urteko gizona kartzelan sartzeko agindua eman du epaileak.
Gizon batek emakume bat hil du Esplugues de Llobregateko kale batean
Erasoaren ondoren, gizonak ihes egin du, baina handik gutxira aurkitu dute Mossoek, eta atxilotu egin dute. Indarkeria matxista gisa ari dira ikertzen hilketa.
Gazte bat atxilotu dute Metro Bilbaoko segurtasun-zaintzaile bati eraso egiteagatik
17:30 aldera jazo da erasoa, Abandoko geltokian, atxilotuak trenbidea gurutzatu duenean, batetik bestera. Segurtasuneko langileak bertaratu direnean, egindakoa aurpegiratu diote eta gazteak eraso egin dio horietako bati.
Irungo Belaskoenea auzoan su armaz egindako hilketagatik atxilotutako gizona espetxeratu dute
Gaur goizean utzi dute atxilotua epailearen esku, eta arratsaldean eman du magistratuak Martuteneko espetxera bidaltzeko agindua.
Arzakek salatu du bere marka ordeztu dutela, online bidezko erreserbetan iruzurrak egiteko
3 Michelin izar dituen jatetxeak bere webgune ofiziala imitatzen duten iruzurrezko orriak daudela ohartarazi, eta polizia-etxean salaketa jarri dutela iragarri du.