Hiru gizon atxilotuta indarkeria matxistagatik Gasteizen, egun berean
Hiru gizonezko atxilotu dituzte 24 ordu baino gutxiagoan Gasteizen, haien bikotekide eta bikotekide ohien kontrako indarkeria delituak egitea egotzita.
Lehenengo atxiloketa goizaldeko hirurak jotzear zirenean gertatu zen, Judizmendi inguruan, Udaltzaingoak eraso baten abisua jaso eta gero, ohar baten bidez zabaldu dutenez.
Bertara heldutakoan, agenteek ustezko erasotzailea topatu zuten, etxetik alde egitera zihoanean, emakumeak etxebizitzako beste gela batean zegoela.
Emakumearen arabera, gizonezkoak (38 urte) aurpegian jo zion; hori dela eta, zantzuak konprobatu ostean, poliziek ustezko erasotzailea atxilotu zuten, genero indarkeria egitea leporatuta.
Halaber, atzo, 15:00ak aldera, 38 urteko beste gizon bat atxilotu zuten, haren bikotekideak salaketa jarri ostean, Udaltzaingoaren polizia-etxean. Emaztearen bertsioaren arabera, gizonezkoak haien etxebizitzan eraso egin zion, Arriaga inguruan.
Ustezko erasotzailea aurkitu eta gero, Astegietan, agenteek atxilotu egin zuten, genero indarkeria delitua egotzita.
Azkenik, 21:30ean, emakumeak Poliziara deitu zuen, oso urduri, abisatzeko bere bikotekide ohia etxean agertu eta, eraso egin eta gero, leihotik botatzearekin mehatxatu zuela.
Lekuko baten testigantza eta biktimaren bertsioa ezagutu eta gero, agenteek gizona (52 urte) atxilotu zuten, etxean jarraitzen baitzuen.
Gizartea
Indarkeria matxista
Drama amaigabea: gutxienez 48 emakume hil dituzte aurten Estatuan
Erredakzioa
2014/12/09
Atzo bi emakume eta gizon bat hil zituzten Valladoliden eta Paternan, eta beste emakume bat zauritu zuten Bilbon.
- Partekatu
- Bidali
Albisteak (3)
Informazio gehiago (1)
- Tratu txarrak pairatzen dituzten emakumeentzako gida
Gutxienez 48 emakume hil dituzte aurten Espainiako Estatuan bikotekideek edo bikotekide ohiek, indarkeria matxista arazo estrukturala den erakusle.
Atzo, 24 orduan, bi emakume eta gizon bat hil zituzten Valladoliden (Gaztela eta Leon) eta Paternan (Valentzia). Gainera, Bilbon, emakumezko bat arma zuriz zauritu zuten, lepoan.
Aurten Katalunian izan dira krimen matxista gehien, 12 emakume hil baitituzte bertan. Zerrenda beltz horretan, Andaluzia dago bigarren (10 emakume hil dituzte bertan), eta Galizia (6), Madril (5), Valentzia (5), Balearrak (3), Gaztela eta Leon (3), Melilla (2), EAE (1) eta Kanariar Uharteak (1) daude ondoren.
Biktimetako 34k espainiar herritartasuna zuten, eta 13 atzerritarrak ziren. 30 biktima ustezko hiltzailearekin bizi ziren, eta 17 ez.
Adinari dagokionez, hamabost biktima 41 eta 50 urte artekoak ziren, hamalau 31 eta 40 urte artekoak, zortzi 51 eta 64 artekoak, lau 75 eta 84 artekoak, bost 19 eta 30 artekoak, bat 65 eta 74 artekoa eta beste bat 85 urtetik gorakoa.
Hamasei emakumek salaketa aurkeztu zuten, baina bik kendu egin zituzten ondoren. Zortziri babes-neurriak ezarri zizkieten, baina hiru kasutan amaitu egin ziren.
Hilabete guztietan izan da hilketaren bat: zazpi, urtarrilean; lau, otsailean; bederatzi, martxoan; lau, apirilean; bi, maiatzean; hiruna, ekainean eta uztailean; zortzi, abuztuan; bana, irailean eta urrian, eta hiru, azaroan.
Bestalde, indarkeria matxistak 35 adingabe umezurtz utzi ditu.
_____________
Tratu txarrak pairatzen badituzu edo biktimaren bat ezagutzen baduzu, kontuan hartu gida honetako aholkuak edota deitu 016 telefono-zenbakira (doakoa da eta ez du arrastorik uzten fakturan).
Zure interesekoa izan daiteke
1932an Eibarrek Niceto Alcala Zamorari oparitutako pistola berreskuratu dute Frantzian
Pistola 1931 eta 1936 artean II. Errepublikako presidente izan zen Alcala Zamorari oparitu zioten Eibarko elkarte errepublikarreko emakume talde batek. Frantziako poliziak urtarrilean berreskuratu zuen legez kanpo bildumagile frantziarren eskuetan zegoen arma.
Aita Marik 56 pertsona erreskatatu ditu 2025eko azken misioan
Erreskatea gaur goizean egin dute, Lampedusatik 34 mila nautika hegoekialdera. Erreskatatutakoen artean 7 haurtxo eta 16 adingabe daude. Bi hilabeteko haurra eta bere gurasoak Aita Maritik eraman behar izan dituzte haurrak muturreko desnutrizioa eta deshidratazioa zituelako.
Iruñeko Irabia ikastetxeko ikasle ohi batek salatu du Opus Deiko apaiz batek sexu erasoak egin zizkiola nerabezaroan
Opus Deik, bere aldetik, gertatutakoa onartu du, bai eta Donostian eta Madrilen ere antzeko bi kasu izan zirela argitu ere. Lehenengoa, adingabe batekin jazo zen; bigarrena, berriz, 45 urteko emakume batekin.
VacaPop, ganadua erosi eta saltzeko aplikazioa: “Edadekoak ere hasi dira, pixkanaka, erabiltzen”
Inora joan beharrik gabe abereak saldu eta erosteko helburuarekin sortu da VacaPop mugikorrerako aplikazioa. Azoken zain egon barik, Internet bidez behiak, zaldiak, ahuntzak, landako makinaria eta bazka saldu eta erostea posible da honezkero. Oier Aizpuru eta Aitzol Gorospe abeltzain gazteek adierazi dutenez, oso erraza eta azkarra da. Nabarmendu dute, halaber, tratuak era tradizionalean ixten direla, alegia, aurrez aurre.
“Gure hezkuntza, euskalduna” lelopean, milaka ikasle kalera atera dira
Hego Euskal Herriko ikasleriak bat egin du Ikamak deituriko greba egunarekin. Manifestazio jendetsuak egin dira Iruñean, Gasteizen, Bilbon eta Donostian. Euskara oldarraldi judizial eta politiko bat jasaten ari dela eta indarrean dagoen hezkuntza ereduak euskara mesprexatzen duela salatu dute.
Euskal Autonomia Erkidegoa da Europako zientzia-funtsen bilketaren buru: 10 urtean 1.300 milioi bildu ditu
Espainiako Estatu osoan ere liderra da I+Gko inbertsioan, 2.000 milioi euro baino gehiagorekin, bere BPGaren % 2,35.
Xuhar Pazosen kasua berriro artxibatu du epaileak, ertzainen jokabidea "beharrezkoa eta neurrizkoa" izan zela argudiatuta
Villabonako gazteak begi bateko ikusmena galdu zuen, Ertzaintzaren foam jaurtigai batek jo ondoren, iaz Tolosako inauterietan izandako istiluetan. Epaileak iritzi dio agenteek protokoloa bete zutela, eta Pazosen lesioa "halabeharrezkoa" izan zela.
Bilboko 76. San Tomas Azokak 243 etxola eta 166 postu hartuko ditu, Areatzan
BBKk antolatuta, tradizioa, elkartasuna eta jasangarritasuna batuko ditu eta 100.000 pertsona inguru biltzea espero da, 09:00etatik 20:00etara. Aurten, 4.500 babarrun anoa banatuko dira Bizkaiko Sukaldarien Bilkura Fundazioaren (Bisubi) eskutik.
Gizon batek sexu-erasoa egin dio adingabe bati, kontaktu-aplikazio baten bidez hitzordua lortu ostean, Aian
Ertzaintzak goizaldean atxilotu du 25 urteko gizona, eta polizia-bulegoetara eraman dute.
Etxebizitza arloko Premiazko Neurrien Legearen aurkako protesta, Eusko Legebiltzarrean
Etxebizitza Sindikatu Sozialistak deituta, talde bat Eusko Legebiltzarraren aurrean bildu da Gasteizen, Etxebizitzaren arloko Premiazko Neurrien Legea gaitzesteko. Deitzaileen arabera, legeak "eraikuntza ziklo berri bat abiatzea du helburu", eta "proletarioei murrizketak eta jabedun aberatsei baliabide gehiago ekarriko dizkie".