Nafarroak C hepatitisaren sendagaia bermatzea eskatu dio Gobernuari
Nafarroako Parlamentuko Bozeramaileen Mahaiak eta Batzordeak adierazpen instituzionala onartu dute, Nafarroako Gobernuari C hepatitisa duten nafarrei sendagaia berma diezaien eskatzeko.
PSN, Bildu, Aralar-NaBai, I-E eta Geroa Bai alderdiek egindako proposamena da, eta UPNren botoa ere jaso du, puntu batean abstenitu bada ere. PPN puntu guztietan abstenitu da.
Gaur onartu dutenaren arabera, “premiazkoa eta erabat beharrezkoa” da C hepatitisaren kontrako txertoaren inguruko protokolo bat zehaztea, sendagaien kostua “tratamendua jasotzeko oztopo izan ez dadin”.
Carlos Garcia Adanero UPNren bozeramailearen iritzian, “tamalgarria” da gaia politika egiteko erabiltzea, eta “sendagairen bat behar duen edozein pertsonak jasotzeko oztopo ekonomikorik ez izatearen alde” agertu da.
Gainera, UPNren bozeramaileak kritikatu egin du Osasun alorreko eta Osasunbidea-Nafarroako Osasun Zerbitzuko arduradunek gai horren inguruan agerraldia egin behar duten egun berean egin izana proposamena. “Komeni da lehenengo entzutea” eta, gero, behar beste egiten ez dela baieztatuz gero, adierazpena proposatzea, esan du.
Ana Beltran PPNren bozeramailearen ustez, gai horrekin ez da politikarik egin behar, eta Espainiako Gobernuari “hori lortzea eta horren meritua” aitortu behar zaizkiola nabarmendu du, horren moduko sendagaiak osasun publikoan sartzen “aitzindaria” izan baita.
Zure interesekoa izan daiteke
Hainbat edukiontzik su hartu dute Algortan, Gabon Zahar gaueko pirotekniagatik
Suhiltzaileek Algortan (Bizkaia) esku hartu dute gaur goizaldean, Gabon Zahar gauean material piroteknikoa erabiltzeagatik hainbat edukiontzitan piztutako sutea itzaltzeko.
24 urteko gazte bat hil da Hernanin, motor batek eta auto batek talka eginda
Istripua gaueko bederatziak baino lehentxeago gertatu da, GI-2132 errepidean, Hernani parean. Oraindik argitzeke dauden arrazoiak tarteko, bi ibilgailuek talka egin dute.
Ailany da Euskadiko 2026ko lehen haurra, 00:29an Basurtuko Ospitalean jaioa
Bigarren haurtxoa Libe da, 02:43an jaiotakoa, Mendaroko Ospitalean (Gipuzkoa). Arabako lehena neskatoa ere izan da: Ainhoa, Txagorritxuko Ospitalean 03:17an jaioa.
Jende askok agurtzen du urtea Gorbeian eta Pagasarrin gailurra eginez
Tradizioz edo gustu hutsez, jende askok erabaki du urtea mendian agurtzea. Gorbeia, 1.482 metrorekin, jende gehien biltzen duen tokietako bat izan da berriro, eta 2026rako agur eta zorionak emateko irudiak iritsi dira bertatik. Eta hain gora igo beharrik gabe, Pagasarrikoa bezalako ibilaldi irisgarriagoak Gabonetako erromesaldi gune bihurtu dira aurten ere.
Gizon bat hil da Legution, auto batek eta furgoneta batek talka eginda
Istripua errepideko 22. kilometroan gertatu da, Barazar mendaterantz doan errepidean, auto batek eta furgoneta batek talka egin dutenean.
Mahatsik gabe eta gominolekin: Haurrak protagonista, Basaurik eguerdian 2025ari agur esan dio
Eguerdiko 12:00etan kanpaien hotsarekin 2025ari agur esan diote Basaurin, haurrek urte-aldaketa giro onean eta ordutegi egokian ospatu dezaten. Gauerdira arte itxaron gabe, merkatari elkarteak antolatzen duen festa urtez urte sendotzen doa; gero eta familia gehiagok parte-hartzen dute. Arizgoitiko plazan bildu dira ume eta guraso ugari, jai giroan. Kanpaiekin batera, mahatsak beharrean, 12 gominola jan dituzte.
Zer egin behar dugu eta zer ez Gabon zaharreko afarian norbait mahatsekin trabatzen bada?
Gurutze gorriak gogorarazi du nola jokatu behar den Gabonetako otorduetako larrialdi kasuen aurrean, bideo baten bitartez.
41 pertsona hil dira aurten trafiko istripuz Euskal Autonomia Erkidegoan, iaz baino lau gehiago
Heriotza kopuruak nabarmen gora egin du Araban (16), zazpi hildako gehiagorekin, aldiz jaitsi egin da Gipuzkoan (16) eta mantendu, berriz, Bizkaian (9).
San Silvestre lasterketak: urtea korrika eta festa giroan amaitzeko aukera ezin hobea
Hego Euskal Herriko hiriburuei dagokienez, San Silvestre lasterketa 12:30ean hasiko da Gasteizen, 16:30ean Bilbon eta 16:45ean Iruñean.
Mahatsak zuritu eta luzeka lau zatitan mozteak eztarria trabatzea saihets dezake 5 urtetik beherakoetan
Adituek argi diote ahal den heinean saihestu egin behar dela haur txikiek mahats osoak, fruitu lehorrak edo gozoki gogorrak jatea, eta janez gero, beti heldu bat ondoan dutela egin behar dutela. Gainera, eztarrian geldituz gero nola jokatu azaldu dute.