Eskizofreniari aurre egiteko sendagaia garatu dute
Iproteos institutu bioteknologikoak (Bartzelona) zuzendutako partzuergo publiko eta pribatuak "Spark" proiektua abiarazi du, burua babesteko botika berri bat sortzeko lanetan aurrera egiteko, eskizofreniari eta buruko beste arazo batzuei lotutako gabezia kognitiboak tratatzeko.
Euskal Herriko Unibertsitateak (EHU), Bartzelonako Ikerketa Biomedikoko Institutuak (IRB), Erregulazio Genomikoko Zentroak eta Ascil-Biopharma enpresa biofarmazeutikoak parte hartzen dute partzuergoan.
"Spark" proiektuak 500.000 euroko laguntza jaso du Espainiako Gobernuko Ekonomia eta Lehiakortasuna Ministerioaren eskutik, 2014ko deialdian Gizartearen Erronketara Bideratutako I+G+B Estatuko Programak "Ikerketa erronkak" bultzatzeko bideratutako laguntzetatik.
Botika bihurtzeko hautagaia IPR019 delakoa da,"hirugarren belaunaldiko" osagaien familiakoa, Iproteosek sortu eta patentatutakoa. Horren jarduera terapeutikoaren oinarria gabezia kognitiboarekin lotuta dagoen burmuineko proteina blokeatzea da. "Gure botikak jarduera mekanismo berri baten bidez dihardu. Orain arte ez da aztertu eskizofrenia tratatzeko, eta, beraz, first-in-class bat da", azaldu du Teresa Tarragó Iproteosko CEO eta IRB Barcelona enpresako ikertzaileak.
IPR019a peptido (proteina txikia) eratorri bat da, eta gai da hesi hematoentzefalikoa (burmuina babesten duen horma, merkatuko farmako gehienek zeharkatu ezin dutena) zeharkatzeko. Gainera, izaki bizidunekin egindako probetan eraginkorra izan da kognizioaren indargarri gisa. Zientzialariek hobekuntza nabarmena lortu dute ikasteko eta memoria hobetzeko gaitasunari dagokionez, eta horrek tratamendu iraultzailea izatea dakar, nerbio sistema zentraleko gaixotasunei dagokienez: halakoetan, gaitasun kognitiboak larriki aldatzen dira.
Iproteos institutu bioteknologikoak, proiektuaren koordinatzaileak, osagai hautagaien metabolismoa eta toxikotasuna ebaluatuko du, eta horien jarduera ere bai, animalia ereduei ahotik eta larruazalpetik eman ondoren. IRB Barcelonako Peptido eta Proteinen Laborategia (Ernest Giralt du buru, eta Teresa Tarragó ikertzaile elkartu gisa ari da bertan lanean) arduratuko da osagaiak sintetizatzeaz.
Bestalde, Erregulazio Genomikoko Zentroko Proteomika Unitateak (Eduard Sabidó du buru) proteomika azterketak egingo ditu, osagaiekin tratamendua eman ondoren zeluletan gertatutako aldaketak ebaluatzeko.
Zure interesekoa izan daiteke
Kataluniak 10 mila euroko isuna jarri dio higiezinen agentzia bati arrazakeriagatik
Hamidek eta bere familiak hainbat saiakera egin zituzten Mataron etxebizitza bat alokatzeko. Baldintzak bete arren, beti ezezkoa jasotzen zuten. Diskriminazio tratua 13 aldiz salatu zuen Hamidek erakundeen aurrean.
Eusko Legebiltzarrak Korrikarekin bat egin du
Euskararen eta AEKren aldeko lasterketa martxoaren 27an iritsiko da Gasteizera eta, egun horretan ikusiko ditugu korrika legebiltzarkideak. Erakundearen izenean, Bakartxo Tejeria presidenteak eramango du lekukoa.
Lau adingabe ikertzen ari dira, Lasarte-Orian, bi gazte jipoitzea egotzita
Biktimak, 20 eta 17 urtekoak, Lasarte-Oriako ikastetxe bateko patioan zeuden eta zazpi gazteko talde bat hurbildu zitzaien zigarro bat eskatuz. Ezetz erantzun ondoren, horietako lau ukabilkadak ematen hasi zitzaizkien eta ospitalean artatu behar izan zituzten.
Gizon baten gorpua aurkitu dute Eskoriatzan, ibaian flotatzen
Herritar batek eman du abisua, 09:15 aldera. Deba ibaian hilotz bat ikusi du, udalerriko Aingeru Guarda auzoaren parean.
Iragarki faltsuen bidez iruzur egiten zuen talde kriminal bat desegin dute Bizkaian
Bost pertsona ikertzen ari dira, eta 'Negare' polizia operazioak zabalik jarraitzen du. Oraingoz, 28 kaltetu identifikatu dituzte, batzuk Araban (1), Gipuzkoan (1) eta Nafarroan.
Duela 4.000 urteko bisonte baten hezurdura topatu dute, ia osorik, Urbasan, eta Iberiar penintsulan dokumentatutako lehen bisonte europarra izan daiteke
Maria Chivite presidenteak eta Rebeca Esnaola Kultura eta Kirol kontseilariak "garrantzi zientifiko handiko" aurkikuntza aurkeztu dute astelehen honetan. Aurkikuntza “bakarra” da Iberiar penintsulan, eta Arrafela leizean egin zen, Kultura Departamentuak sustatutako esku-hartze arkeologiko batean, Euskal Herriko Unibertsitatearen eta Madrilgo Historia Naturalaren Museoaren parte-hartzearekin, besteak beste.
Donostiako Udalak atxilotuen jatorriaren berri emango du aurrerantzean
Bilbok eta Gasteizek ez bezala, Donostiak bat egin du Eusko Jaurlaritzako Segurtasun Sailak ezarritako irizpidearekin. Aurrerantzean, Donostiako Udaltzaingoak atxilotuen jatorria jakinaraziko du, hedabideek zein herritarrek eskatuta edo "egoerak hala eskatzen duenean".
Goiz korapilatsua Bilbo inguruko errepide nagusietan
Istripu bat izan da Barakaldon, Ansioko bihurguneetan, Donostiarako noranzkoan, eta pertsona bat ospitalera eraman dute, zauriturik. Bestalde, lau ibilgailuk talka egin dute Zamudion, Txorierrin, eta auto-ilarak izan dira goizean goiz.
Setenil herrira doazen turisten jarioa ez da eten, kalteak handiak izanik ere
Cadizko herririk bisitatuenetako bat da Setenil, herrixka zurien ibilbidean baitago. Setenilgo alkateak bisita gidaturik ez antolatzeko eskatu die turismo enpresei.
Euriari aurre eginez, Donostiako kaleak girotu ditu inude eta artzainen konpartsak
Ospakizun eguna dute gaurkoa Donostiako Parte Zaharrean. Azken 49 urteetan bezala, inauteri aurreko igandean, Kresala elkartearen konpartsa desfilean atera da, antzinako inauterietako pertsonaiak gorpuztuta. Sarriegiren doinuak lagun, zortziko, fandango eta arin-arinen erritmoek hartu dituzte Donostiako kaleak.