Hodeiek eklipsea estali dute Euskal Herrian
Eguraldi kaskarrak galarazi egin du eguzki eklipse partziala Euskal Herian ikustea, hasiera batean euskal hiriburu guztietatik ikusi ahalko zela zabaldu arren.
Ilargia Lur planetaren eta Eguzkiaren artean kokatzen denean gertatzen da eguzki eklipsea. Euskal Herrian ikusgai izango dena, baina, ez da eklipse osoa izango, ilargiak ez baitu gurean erabat estaliko eguzkia.
Fenomenoa 09:09an hasi da Euskal Herrian, eta 11:25ean bukatu. Eklipsearen une gorena 10:14an izan da.
Hasiera batean, hainbat ekitaldi antolatuta zeuden Bilbon, Donostian eta Iruñean, fenomenoa ikusteko, baina, azkenean, ezin.
2026ko abuztuaren 12ra arte ez da Euskadin eguzki eklipse bat ikusteko aukerarik izango, nahiz eta urtero-urtero eklipse partzial batzuk izaten diren (lau eta zazpi artean).
"Eklipse oso bat ikustea zaila da oso, Lurrean proiektatzen den Ilargiaren itzala oso fina baita”, azaldu du Agustin Sanchez Lavega EHUko Ingeniaritza Eskolako Espazio Gelako irakasleak.
Eklipsea Milanen (Italia). EFE
Non ikusi dute eklipsea?
Badira, hala ere, eklipsea modu partzialean ikusi ahal izan dutenak: Europan, Afrika iparraldean eta Asia iparraldean, gehien bat.
Eguzkia oso-osorik Ilargiaren atzean ezkutatuta, Feroe Irletan besterik ez dute ikusi. Svalbardeko artxipelagoan ere modu horretan ikusi dute.
Guztira, lau ordu iraun ditu fenomeno honek: Atlantikotik hasi, Afrikako kostaldean, eta Krasnoyarsk Errusiako ekialdean amaitu da.
Eklipse osoa Svalbarden (Norvegia). EFE
Nola ikusi eklipse bat
Adituen esanetan, eklipsea ezin da zuzenean begiratu, eguzki izpiek lesioak eta erredurak egin baititzakete begietan.
Horrenbestez, betaurreko berezi homologatuak erabili behar dira. Hala ere, eklipseari begiratzen hasi eta gero, ikusmena 30-40 segundo pausatu beharra dago minutu bakoitzeko.
Bestalde, eguzkira begiratzeko, material hauek ez direla erabili behar ohartarazi dute adituek: erradiografiak, kristalak, DVDak, aluminio papera eta betaurreko ilunak. Izan ere, ez dute ondo iragazten erradiazioa.
Zure interesekoa izan daiteke
Melanomaren aurkako lehen txertoak 3. fasea gainditu du eskala handiko saiakuntza kliniko batean
Moderna eta Merck farmazia-enpresek RNA mezularia daraman txerto pertsonalizatu horrek immunoterapia-tratamenduarekin batera emanda izan duen arrakastaren berri eman dute. Burtsetan gorakada nabarmena izan dute bi enpresen akzioek.
Erasoen aurkako dispositiboa aktibatuko dute Bilbon larunbatean Aste Nagusirako
Udalak eta Bilboko Konpartsek, batera, eraso matxistentzako protokolo espezifikoa berritu dute.
Granada lurrikara-multzo batean murgilduta dago abuztuaren 14tik
Granadak lo egin ezinean igaro du beste gau bat, erreplikak zenbatuz, atzo probintzia astindu zuen 4,8 graduko lurrikararen ostean. Adituek baieztatu dutenez, bai probintzia eta bai metropoli-eremua abuztuaren 14tik daude multzo sismiko batean bete-betean sartuta: antzeko potentzia duten lurrazaleko lurrikaren segida bat, asteak edo hilabeteak iraun ditzakeena.
Ceutara iritsitako ehunka emakume migranteek egoera bereziki lazgarrian jarraitzen dute
Marokotik Ceutara iritsi ziren ehunka emakumeek egoera bereziki lazgarrian jarraitzen dute. Jada egoera larrian badaude ere, gainerako gizonezko migranteen hitzek, jokaerek eta ekintzek babes falta areagotzen dute. UNICEF gertutik ari da krisia bizitzen: polizia nahikorik ez dagoela eta dauden agenteek ezin dietela lagundu salatu dute.
Europa lehorte larrian dago
Euri-faltak eta ondoz ondoko bero-boladek ibaien emaria murrizten dute, eta eragina dute nekazaritzan, garraioan eta ur-horniduran.
Minutu bateko isilunea egin dute Espinosa de los Monterosen, harrapaketa batean hildako Bizkaiko haurra gogoratzeko
Espinosa de los Monteros herriko Udalak (Burgos) minutu bateko isilunea egin du astelehen honetan Gurutzetako ospitalean larunbat gauean traktore batek harrapatuta hil den 10 urteko haurraren omenez.
Etxera itzul daitezke jada Rigloseko sutearen ondorioz hustutako zazpi herritako 500 bizilagun inguru
Sutearen bilakaera ona den arren, eta ezker hegaleko sektorean perimetroa egonkortzeko bidean aurrera egin den arren, Santa Cruz de la Seros eta San Juan de la Peña inguruetan "puntu bero asko daude oraindik, erre gabe, zuhaitz-eremuetan", eta lanean jarraitzen dute hor Infoarreko brigadek eta Larrialdietarako Unitate Militarra (UME).
Iruñeko gizon batenak dira Esako urtegian aurkitutako gorpuzkiak, eta homizidio gisa ikertzen ari dira
Ikerketa Zaragozako Guardia Zibilak hartu du bere gain, Foruzaingoarekin eta Iruñeko Udaltzaingoarekin elkarlanean. Gorpuzkiak urtegiaren ertz batean agertu ziren abuztuaren 4an, lehortearen ondorioz uraren maila jaisten hasi zenean.
Gidarien % 35ek positibo eman dute EAEko errepideetako droga kontroletan
Ertzaintzak urteko lehen bost hilabeteetan egindako 2.809 probetan 982 gidarik droga kontsumitzeagatik positibo eman dute, hau da, iazko epe berarekin alderatuta positibo-tasa 0,7 puntu jaitsi da.
Alhambrak kalte arinak ditu, Alcazaban batez ere, baina ez egiturazkoak
Astearte arratsaldetik itxita egon ostean, monumentu-multzoa berriro ireki dute asteazken honetan, ohiko ibilbide guztiarekin, Alcazabako pasabidea izan ezik. Gainera, bisitarien segurtasuna bermatzeko, Nazaretar Jauregietatik eta Generalifetik igarotzen diren ibilbideak egokitu egin dituzte.