Hauek dira Bilbon EHko Itzuliagatik itxiko dituzten errepideak
Aurtengo Euskal Herriko Itzuliko lehen etapa Bilbotik abiatuko da gaur, astelehena; hori dela eta, hiriko zenbait kaletako zirkulazioan eragina izango du, nahiz eta bihar jaieguna izan, gehien bat goizean, eta eragin handiagoa arratsaldean, "zubiaren" itzulerako operaziogatik.
Lasterketak zuzenean eragingo du zenbait auzotan: Abando, Indautxu, Deusto, Castaños, Uribarri, Matiko, Zurbaran, Arabella, Otxarkoaga eta Txurdinaga.
Gainera, Bilbora abiatu aurretik zirkulazio-etenaldiak kontsultatzeko dei egin dute eta, Abandon eta Indautxun bizi direnei Juan de Garaytik sartzea gomendatu diete.
Gainera, bertoko bizilagunek kontuan hartu beharko dute Kale Nagusiko aparkalekua kenduko dutela Moyua Plazaren eta Jesusen Bihotza Plazaren artean, eta horien inguruetan, gaur, igandea, gauerditik aurrera.
Era berean, Bilbobusek ere gorabeherak jasango ditu 23 ibilbidetako ohiko zerbitzuan; geltokietan, www.bilbao.net/Bilbobus 010 telefonoan aldaketon berri emango dute. Hori dela eta, Bilboko Udalak metroa, tranbia eta trena erabiltzea gomendatu du.
Hiriburua egokitzeko lanak gaur bertan hasiko dira: helmuga prestatzeko, Kale Nagusia moztuko dute, Moyua eta Jesusen Bihotzaren artean, asteleheneko 7:00etatik aurrera, egun osoan. Halere, zirkulazioa Iparragirre eta Maximo Agirreren bidegurutzean ibiliko da, 15:30ak arte, gutxi gora behera.
Horrez gain, Anselmo Clave kalea moztuta egongo da 00:00etatik, astelehena, astearteko 12:00ak arte.
Bihar, egun osoan, zirkulazioak etenaldiak izango ditu zenbait puntutan, lasterketaren une batzuetan.
Hala, 09:00etatik 13:00 arte Abandoibarra Etorbidea moztuta izango da, Euskalduna Jauregiaren noranzkoan, Guggenheim Museoaren ondoko biribilgunearen Ramon Rubial kalearen artean, baina bi puntu horiek erabilgarri utziko dituzte.
Irteeran, (13:10-13:45) zirkulazioa erabat etengo dute honako ibilbidean: Abandoibarra Etorbidea- Jesusen Bihotza- Euskalduna Zubia- Botika Zaharra - Unibersitateen Etorbidea- Campo Volantin Pasealekua- Ernesto Erkoreka Plaza- Zumalakarregi Etorbidea-N-634 Etxebarrirako noranzkoan.
Ondoren, Itzulia birritan igaroko da Bilbotik, Santo Domingotik eta Salveko Zubitik sartuta, hortaz, zirkulazioa etenda izango da, lasterketa igaro bitartean.
Helmugara heldu ondoren, aipatutako guneez gain, Rodriguez Arias (Rekalde Zumarkalea eta Sabino Aranaren artean), Areilza Doktorea eta Maria Diaz de Haro (Kale Nagusiaren eta Poza kalearen artean) kaleak ere itxiko dira.
Azkenik, Artxanda-Salven eta Salve tunela-Ugaskon ere etengo dute zirkulazioa, bi noranzkoetan, 15:30eatik 18:00etara.
ik 18:00etara.Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.