Deskargako harri-jauzia konpontzeko lanak abiarazi dituzte
Gipuzkoako Foru Aldundiko Bide Azpiegituretako Departamentua karga zelulak jartzeko lanekin hasi da, GI-632 errepideko Antzuola-Bergara zatian duela urtebete gertatu zen harri jauzia konpontzeko. Uztailaren 15ean ekin zitzaien lan horiei, eta abuztuan bertan hasiko da hegala egonkortzeko jarduketarekin.
Departamentuak egin dituen aurreikuspenen arabera, obraren iraupena sei hilabetekoa izango da; hori amaitzean, azkenik, Deskargako autobidea eraiki ahal izango da, Beasain eta Bergara lotzeko.
Bilduk geldiarazi zituen autobidearen lanak. Aldiz, Gipuzkoako Foru Aldundiak adierazi du "erabateko lehentasuna" duela obra honek, eta hala berretsi du Aintzane Oiarbidek Bide Azpiegituretako diputatuak, gogorarazi baitu lan hauei presa ematea izan zela Foru Gobernura iritsi eta hartu zuten lehenengo erabakia.
Zehazki, agindu zen karga zelulak jartzea, harri jauzia gertatu zen hegalean, Bergaran, ezpondaren egoera zein zen neurtzeko eta, horrela, konpontzeko lanei ekin eta erabiltzaileen segurtasuna bermatzeko. Proiektuaren xedea da lerratu ez den ezponda zatia sendotzea, jauzitako materiala kentzea eta lurra egonkortzea.
Lan horiek egiteko gehieneko aurrekontua 2,2 milioikoa (BEZa kanpo), eta epea, berriz, sei hilabetekoa. Deskarga lanak amaitu ondoren, Beasain-Durango autobidea eraikitzeari ekingo zaio; aurreko foru gobernuak ez zion heldu proiektu honi, baina gobernu berriarentzat lehentasunezkoa da. Horregatik, Bide Azpiegituretako Departamentua tramiteak egiten ari da, iraila hasierarako proiektu berriaren idazketa esleitzeko.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.