Erresuma Batuko haurrak, tabakoaren ketik libre autoetan
Haurrak dauden auto barruan erretzaileei zigarro bat piztea debekatzen dien legea sartuko da indarrean gaur Erresuma Batuan, umeak erretzaile pasibo bihur daitezen saihesteko asmoz.
Araudi horrek ibilgailu pribatu guztiei eragiten die, eta araua betetzen ez duen orori (gidaria zein edozein bidaiari barne) 50 librako isuna (67 euro) ezarriko dio.
Halaber, zigortu egingo dituzte ere aparkatuta dauden ibilgailuetan edota kabriolet gisako autoetan erretzen daudenak, nahiz eta zigarroa erretzeko unean kapota kenduta izan.
Aipatutako neurriaren helburua da 18 urte bete ez duten gazteak tabakoaren kea jasotzetik babestuta egotea, gaixotasun ugari eragiten baititu, minbizia kasu.
Britainia Handiko Biriken Fundazioaren (BLF) esanetan, 430.000 ume baino gehiago daude auto barruan kea modu pasiboan arnasteko arriskuan astero.
Lege horrek bat egiten du azken urteetan Erresuma Batuak tabakoaren aurkako borrokan hartu dituen beste erabaki batzuekin: besteak beste, lanpostuetan edo itxita dauden toki publikoetan erretzea galaraztea, eta saltzeko makinetan zigarroak ezin saltzea.
Tabakoaren eraginari buruzko ikerketa
Aipatutako egoeran erretzaile pasibo batengan tabakoak duen eragina aztertzen duen ikerlana eman dute argitara gaur, Newcastle Unibertsitateko ikerlari talde batek egindakoa.
Erretzaile boluntarioek parte hartu zuten esperimentuan, 20 minutuko ibilbideetan. Esperimentuan neurtu zutena hauxe izan zen: haur batek arnasten dituen substantzia kimiko kaltegarrien kopurua, leihatila jaitsita edota igota izanda.
Ikerlariek aurkitu zutenaren arabera, tabakoaren substantzia toxikoen eragina osasunaren babeserako jarraibideek gomendatzen dutena baino ehun aldiz handiagoa da, nahiz eta leihatila jaitsita egon.
Zure interesekoa izan daiteke
Lekuko batek Maialenen ustezko hiltzailea “noraezean zebilen” pertsona gisa deskribatu du, eta biktimari “familia bere aurka jartzea" leporatzen ziola
Maialenen hilketaren epaiketaren bigarren egunean, hainbat lekukok deklaratu dute. Maialen maiatzaren 27an hil zuen omen bikotekideak, Gasteizko hotel batean, 13 labankada emanda. Akusazioek diote hiltzeko asmoz jardun zuela, eta 45 urteko espetxe-zigorra eskatu dute. Defentsak, berriz, "errealitatetik deskonektaturik" zegoela alegatzen du.
Epaileak ikertu gisa deitu du El Bocaleko pasabidearen diseinatzailea
Egitura diseinu eta eraikuntza akatsen ondorioz erori izana posible dela adierazi du epaileak bere autoan. Ingeniariak ekainaren 5ean deklaratuko du.
OMEk baieztatu egin du bi hantabirus kasu izan direla gurutzaontzian, eta zazpi kasu aztertzen ari dira
Hiru bidaiari hil dira hantabirusak jota, eta laugarren bat zainketa intentsiboetan dago. 23 nazionalitatetako 149 lagun (88 bidaiari) zeramatzan itsasontzia Argentinatik irten zen martxoaren 20an, Cabo Verderantz. Egun, han jarraitzen du, Kanaria Handian edo Tenerifen lehorreratzeko zain. Infekzioa ontzitik kanpo dagoela uste du OMEk.
Zer da hantabirusa, karraskariek transmititzen duten eta gaixotasun larriak eragin ditzakeen birusa?
Martxoaren 20an Ushuaiatik (Argentina) abiatu zen gurutzaontzi batean agerraldi bat izan da, eta dagoeneko hainbat hildako utzi ditu. Agerraldiak gaixotasun zoonotiko horren gainera eraman du fokua.
Pertsona bat zauritu da BI-10 errepidean, Bilbon, istripu baten ondorioz
Ezbeharra Errekalde parean gertatu da, Galdakaorako noranzkoan, eta hiru erreietako bi itxi dituzte. Hala ere, 07:00ak aldera errepidea erabat zabaldu dute.
Hiru pertsona hil dira, ustez hantabirusak jota, gurutzaontzi batean
Osasunaren Mundu Erakundeak (OME) adierazi duenez, "kutsatze-arriskuak txikia izaten jarraitzen du" eta "ez dago izutzeko arrazoirik". MV Hondius gurutzaontzia lehorreratzeko portu bila ari da, Cabo Verdek baimena ukatu baitio. Ontzian doazen 149 lagunetatik 14k Espainiako nazionalitatea dute.
Eric Courdyren heriotzagatik auzipetutako boxeolari ohiak barkamena eskatu eta bere gain hartu du hilketa
"Egindakoa onartzen dut eta barkamena eskatzen diot biktimaren familiari", esan du lehen saioan. 09:00etan hasi dira Verin epaitzen, hilketa gertatu zenetik ia bi urtera.
Bikotekideak 13 labankada eman zizkion Maialen Mazoni, "hiltzeko asmoarekin", fiskalaren arabera
Fiskaltzak hiltzaileak 45 urteko espetxe zigorra bete dezala eskatu du, Zigor Kodeak baimentzen duen handiena. Zehazki, 25 urte azpikeriaz eta ankerkeriaz egindako hilketagatik (emakumea labankadaz hil zuen), 16 urte bi abortu delituengatik eta 4 urte adingabea (onik atera zen 2 urteko alaba) abandonatzeagatik.
34 urteko gizon bat atxilotu dute Iruñean, sexu-erasoa egotzita
Atxiloketa Nafarroako hiriburuko Udaltzaingoak egin zuen, igandeko lehen orduan.
Datorren ikasturtean Lanbide Heziketako 74.963 plaza eskainiko dira EAEn, inoiz baino gehiago
Berrikuntza gisa, Lanbide Heziketako plazen % 50 emakumeentzat gordeko dira 2026-2027 ikasturtetik aurrera.