233 saltoki Donostian, San Tomas azoka girotzeko
Konstituzio Plazan ikusgai izango den 'Engraxi' txerria eta euskal baserritarren eta ekoizleen jaki goxoak eskainiko dituzten 233 postu edo saltokiak. Horiexek izan dira Donostian aurtengo San Tomas azokaren protagonistetako batzuk.
Azokaren egitaraua eta abenduaren 21erako jarriko dituzten bitartekoak aurkeztu dituzte gaur prentsaurrekoan. Alfonso Gurpegui Festa Jardueretako zinegotziak azaldu duenez, 233 postuetako 54tan txistorra salduko dute; 16tan, taloa, eta beste hainbeste izango dira gozogintzari eta gaztagintzari eskainita.
Gipuzkoa, Sarriegi, Konstituzio eta Okendo plazetan eta Elkano eta Txurruka kaleetan paratuko dituzte postuak.
Landa sektoreari eta euskal kulturari eskainitako ekitaldi ugari ere izango dira, besteak beste, kontzertuak, haurrentzako tailerrak eta hainbat lehiaketa (txistor, ezti, txorimalo eta fruta eta barazki lehiaketak, esaterako).
Zirkulazioa eta hondakinak
Astelehenean, eta azoka dela eta, hiriko autobus batzuen ibilbidea aldatu eta Gipuzkoa plazako geltokiak kenduko dituzte. Dena dela, garraio publikoa erabilita, jai-giroaren erdigunera (Boulevard) hurbildu ahalko dira bizilagun eta bisitariak.
Horrez gain, eta San Tomas jasangarriagoa egin nahian, 45.000 edalontzi berrerabilgarri banatuko dituzte postuetan.
Zure interesekoa izan daiteke
Emakunderen ikerketa baten arabera, bakarrik bizitzea "ikasketa bat da, aukera bat" adineko emakume askorentzat
'Euskal Autonomia Erkidegoan bakarrik bizi diren adineko emakumeak: emandako gizarte-baimena?' txostenaren arabera, bizilagunik ez izateak du esan nahi bakarrik sentitzen direla, gizarteak adineko emakumeei buruz duen irudi estereotipatutik hori ondorioztatzen den arren.
Duela 5.000 urte izoztutako bakterio batek hamar antibiotikori aurre egin diezaieke eta sendagaiak sortzeko baliagarria izan daiteke
Errumaniako izotz-kobazulo batean isolatuta egon da anduia, eta bi agertoki ekarri ditu: askatuz gero, mikrobioen aurkako erresistentzia larriagotu dezake, baina berrikuntza bioteknologikoei atea ireki diezaieke.
Bost gazte hil dira Manlleun (Bartzelona), trasteleku batean izandako sute batean
Bost gazteek "elkargune" gisa erabiltzen zuten trastelekua, eta oraindik ez dago argi zer egiten ari ziren sua piztu denean. Mossoek baztertu egin dute trastelekua bizitoki moduan erabiltzen zutela.
Hainbat errei itxi dituzte Bizkaian eta Gipuzkoan, luiziak eta ur putzuak direla eta
BI-630 errepidean errei bat itxi dute Karrantza parean, luizi bat izan baita. Halaber, lur-jausi bat izan da N-1 errepidean ere, Idiazabal parean, eta errei bat itxi behar izan dute. Hori guztia dela eta, Segurtasun Sailak arretaz gidatzea gomendatzen du.
Amaitu dira auto-ilarak BI-10 errepidean, Barakaldo parean bi ibilgailuk istripua izan ondoren
Ezbeharra 124. kilometroan gertatu da, Donostiarako noranzkoan, eta bost kilometrorainoko auto-ilarak sortu dira.
Albiste izango dira: Ibaien egoera, noiz atertuko du? eta greba Tubos Reunidosen
Gaurkoan Orain-en albiste izango direnen laburpena, bi hitzetan.
Ibaiak gainezka izan dira gauean, baina egoerak hobera egin du
Prezipitazio handien ondorioz, uholdeak izan dira hainbat tokitan, garajeetan eta etxebizitzetan, batez ere Butroe ibaiaren arroan. Marurin 36 auzokideri eragin die.
Harritzar bat zintzilik geratu da N-634 errepidearen gainaldean, Getaria parean
Eguerdia pasatxo zenean, tamaina handiko harri bat erori da mendian behera, baina burdinezko sareak eutsi egin ahal izan dio. Astearte goizean hasiko dituzte erretiratzeko lanak, eta bien bitartean, errepidea irekita dago.
Sei pertsona zauritu dira Faltzesen, beren autoa bidetik irtenda
Zauritu guztiak ospitalera eraman dituzte eta ingresatuta daude, pronostiko erreserbatuarekin. Horietako bost adin txikikoak dira.
Maila horian daude Abetxuku, Zangroiz eta Mungiako estazioak, uholde arriskuagatik
Euskalmetek jakinarazi duenez, datozen orduotan ere euria barra-barra egiten jarraituko du, ia etenik gabe, batez ere, Kantauri isurialdean.