Ane Zabala eta Galder Perez izango dira Farolin eta Zarambolas
Bilboko Aratusteak gero eta gertuago daude eta dagoeneko ezagutu da nortzuk izango diren aurten Farolin eta Zarambolas pertsonaia ospetsuak. Hain zuzen ere, Ane Zabala kazetaria izango da Farolin, eta Galder Perez aktore eta gidoilaria Zarambolas, Jai Batzordeak jakinarazi duenez.
Ane Zabalak Hamaika Telebistan egiten du lan egun, Radio Euskadin ibilbide luzea egin ostean, eta Galder Perezek hainbat antzezlanetan eta filmetan hartu du parte. Gainera, ETBko hainbat saiotan gidoilari lanetan aritu da.
Farolin esparru publikoan izena lortu duen pertsonaia da (ez da beharrezkoa Bilbon bertan jaio izana), eta bilbotar izateaz harro agertzen dena. Era berean, Zarambolas ondo bizitzea gustuko duen pertsonaia da.
Farolinen eta Zarambolasen arteko epaiketa 1984an jaio zen, baserrietako ohituretako epaiketak parodiatzeko.
Epaiketa horietan, ongiaren eta gaizkiaren arteko lehia zen protagonista, baina, Bilboko Aratusteetan, umore kutsua dute.
Kartel irabazlea
Bestalde, Aratusteetako kartelen lehiaketako irabazlea 'Sardina in the box, txo' izan da. Saoia Martin, Miren Itxaso Roman eta Yeray Llarena bilbotarrek egin dute.
Aurten, Irunetik, Lleidatik, Castellotik eta Bilbotik etorritako 50 kartel lehiatu dira.
Zure interesekoa izan daiteke
Astelehen honetan hasiko da Maialen Mazonen ustezko hiltzailearen aurkako epaiketa
Hilaren 15era arte dago programatuta, eta herri epaimahaia osatuko duten herritarrak aukeratuta hasiko da. Akusazioek 45 urteko kartzela-zigorra eskatzen dute ustezko hiltzailearentzat, Zigor Kodeak baimentzen duen zigorrik handiena.
Leon XIV.a aita santuak lehendakaria hartuko du Vatikanoan maiatzaren 13an
Egun horretan egingo den audientzia orokorrera gonbidatu du. Eusko Jaurlaritzaren arabera, balio handiko topaketa izango da, eta Euskadik nazioartean duen presentzia instituzionala indartuko du.
72 urteko mendizale bat hil da Serantesen
Bizkaiko mendiaren hegal batean aurkitu zuten hilda, hainbat orduz haren bila aritu ondoren.
Komunean kaka egiterakoan jarrera hobetzeko gailu bat diseinatu dute Iturgoiengo lau bizilagunek
Osasuna eta ergonomia uztartzen dituen ekimen berritzaile horren atzean Asier eta Iñigo Arabaolaza, Joseba Imaz eta Jose Antonio Lazcano daude; 'Naturpos' gailuaren sortzaileak. Oso sistema erraza erabiltzen du gailuak. Hankak altxarazten dizkio erabiltzaileari, nolabait gorputzaren jarrera naturala har dezan.
Hiru pertsona zauritu dira Arrigorriagan, autobus baten eta auto baten arteko istripuan
17:00ak pasatxo gertatu da ezbeharra, eta, ondorioz, errepidea itxita dago eta ibilgailuen zirkulazioa AP-68ra desbideratzen ari dira.
Maleta susmagarri bat leherrarazi du Poliziak Iruñean
Iruñean, Espainiako gobernu-ordezkaritzaren egoitza aurrean norbaitek utzitako maleta batek susmo txarra eragin du, eta gune osoa itxi dute. Merindadeen plazako autobus markesina batean aurkitu dute maleta susmagarria.
Donostian emakume bat hiltzen saiatu zen gizona espetxeratzeko agindua eman du epaileak
Hilketa saiakera egotzita, 26 urteko gizona kartzelan sartzeko agindua eman du epaileak.
Gizon batek emakume bat hil du Esplugues de Llobregateko kale batean
Erasoaren ondoren, gizonak ihes egin du, baina handik gutxira aurkitu dute Mossoek, eta atxilotu egin dute. Indarkeria matxista gisa ari dira ikertzen hilketa.
Gazte bat atxilotu dute Metro Bilbaoko segurtasun-zaintzaile bati eraso egiteagatik
17:30 aldera jazo da erasoa, Abandoko geltokian, atxilotuak trenbidea gurutzatu duenean, batetik bestera. Segurtasuneko langileak bertaratu direnean, egindakoa aurpegiratu diote eta gazteak eraso egin dio horietako bati.
Irungo Belaskoenea auzoan su armaz egindako hilketagatik atxilotutako gizona espetxeratu dute
Gaur goizean utzi dute atxilotua epailearen esku, eta arratsaldean eman du magistratuak Martuteneko espetxera bidaltzeko agindua.