Wismichuren ikuskizuna bertan behera utzi du Bilboko Campos Antzokiak
Bilboko Campos Antzokiak Wismichu 'youtuber'ak gaur bertan egin behar zuen ikuskizuna bertan behera uztea erabaki du, presio politiko eta mediatikoak direla eta.
Protagonista bera izan da sare sozialetan albistearen berri eman duena, eta medioen "presioa eta gezurrak" salatu ditu.
Hala eta guztiz ere, azpimarratu du ikuskizuna egin egingo duela, eta 16:00etan antzokiaren parean bilduko direla 'show'a non egin erabakitzeko.
Bestalde, antzokiak sarreren dirua itzuliko duela jakinarazi du.
"Pederastiaren apologia"
Campos Antzokian ikuskizun bat ematea galarazteko eskatu zion EH Bilduk Bilboko Udalari, "pederastiaren eta indarkeriaren apologia" egiten duela iritzita.
Ordu batzuetara, aldiz, koalizioak atzera egin zuen hein batean, eta aitortu zuen "azkarregi" eskatu ziola Bilboko Udalari Wismichu 'youtuber'aren ikuskizuna bertan behera uzteko.
"Akusazioen larritasunak eta ikuskizuna egun pare bat beranduagorako programatuta egoteak eraman gintuen udal gobernuari eskaria egitera. Onartu behar dugu, larritasun horrekin jokatzean, ontzat eman genituela ikuskizunaren kontrako hainbat akusazio, alde batera utziz egileak esandakoa", azaldu zuen ohar batean.
Era berean, koalizioak ohartarazi zuen egileak berak aitortzen duela bere bideoetako komentarioak "matxistak, arrasiztak eta xenofoboak" direla.
EH Bilduk egindako eskaria aintzat hartuta, Campos Antzokiak sarreren salmenta eta ikuskizunaren promozioa eten zuen.
Zure interesekoa izan daiteke
Hiru adingabe identifikatu dituzte Plentziako jaietan Ertzaintzari botilak jaurtitzeagatik
16 eta 17 urteko gazteek bi patruilari eraso zieten abuztuaren 29ko goizaldean, irain eta oihu artean.
Santurtziko gaztea bi ordu geroago eraman zuten ospitalera, eta ez zuten jakinarazi taser batekin atxiki zutela
Hala jasotzen du Osasun Sailak aurkeztutako kronologiak. Familiak salatu duenez, agenteek hasieratik jakinarazi izan balute taser-pistola bat erabili zutela hura mendean hartzeko, bestela artatuko zuketen.
Donostian perdigoi-tiroen ondorioz zauritutako gizon baten aurkako eraso arrazista salatu dute
Gizonak hiru jaurtigairen kolpea jaso zuen aurpegian eta bizkarrean. Harrera Sarearen arabera, "hilabete gutxiren buruan etorkin bati egin zaion horrelako bigarren erasoa da".
Esako urtegian aurkitutako gizon zatikatuaren hilketaren ustezko egilea espetxeratu dute
Biktimaren eta susmagarriaren etxebizitzan aurkitutako ebidentziek, segurtasun-kamerek hartutako irudien analisiarekin batera, krimenaren kronologia ezartzea eta susmagarri nagusia atxilotzea ahalbidetu dute.
Medikuek urriaren 28an hasiko dute greba mugagabea
Euskadiko Medikuen Sindikatua sartuta dagoen Greba Batzordeak Estatutu Markoaren aurka borrokatzeko greba mugagabea iragarri du. Horrekin batera, SATSE, ELA, LAB, CCOO eta UGT sindikatuek deituta, beste bost greba egun egitera deituta daude Osakidetzako langileak, urritik abendura bitartean.
Miren Elgarresta, Emakundeko zuzendaria: “Zenbat eta sentsibilizazio lan handiagoa egin, orduan eta kasu gehiago azaleratzen dira sexu askatasunaren kontrako delituei lotuta"
Miren Elgarresta Emakundeko zuzendariak gaur Euskadi Irratian azaldu duenez, genero-indarkeriagatik edo sexu-askatasunaren aurkako delituengatik Euskadin jarritako salaketen kopuruak goranzko joera du. Horren hitzetan, igoera hori, neurri batean, sentsibilizazio-lanaren eta biktimen eskura baliabide eta zerbitzu gehiago jartzearen ondorio da, babes handiagoa ematen baitiete eta salaketa jartzera bultzatzen baitituzte.
PISAko emaitza txarren gakoak sakon eta denboraz aztertu behar direla diote adituek
Ostiral honetan EAEko 900 ikastetxetako ordezkariekin bildu aurretik, Begoña Pedrosa Hezkuntza sailburua aditu talde batekin bildu da gaur arratsaldean, hezkuntza-sistemaren gabeziak aztertzeko. Horietako batek, Junkal Gutierrezek, azaldu du ez dagoela faktore bakar bat PISA txostenak erakutsitako emaitza txarrak azaltzen dituena, eta askotarikoak izan daitezkeela.
CAFen Beasaingo plantako komun batean kamera bat aurkitu dute eta langile batek bere burua erruduntzat jo du
Enpresa Batzordeak gertatutakoa salatu du eta "elkartasun osoa" adierazi die "eraso hau jasan ahal izan duten pertsona guztiei". Ertzaintzak ikerketa zabaldu du.
'Euskara Bonuaren' estreinaldiarekin hasi da euskaltegietako matrikulazioa
Ekimen horri esker, euskara lau urtez ikas daiteke 120 euroko ordainketa bakarra eginda, eta herritar gero eta gehiago hizkuntzaren "erabiltzaile independente" izatea du helburu.
Hezkuntza Saila arratsaldean bilduko da ebaluaziorako aditu taldearekin PISA txostenaren emaitzak aztertzeko
Begoña Pedrosa sailburuak gidatuko du gaurko bilera, eta hezkuntza-sistemaren gabeziak aztertzeko balioko du, besteak beste. Hausnarketa horiek guztiak bihar BECen bilduko diren 900 ikastetxeetako ordezkariei helaraziko dizkiete, elkarrekin aurrera pausoak emateko.