Urdulizko Ospitalea, Uribe Kostako eta Mungialdeko bizilagunen eskura
Zabalik dago jada Urdulizko Alfredo Espinosa Ospitalea. Osakidetzaren erietxe berria uztailaren 1ean inauguratu zuten, baina gaur arte ez da martxan jarri. Ostegun honetan 100 bat paziente artatuko dituzte lanean dauden kanpo kontsultetan eta erradiologia zerbitzuan.
Izan ere, zerbitzu gutxi batzuekin abiatu da ospitalea. Asmoa 2017an Uribe Kostako eta Mungialdeko 175.000 pertsona artatzea da.
Ostegun honetan 100 bat pazientek dute hitzordua kanpo kontsultetan edo erradiologia zerbitzuan. Aurreikuspen arabera, datozen sei hilabeteetan 23.500 eta 26.000 pertsona hartuko dituzte bi zerbitzuotan, hurrenez hurren.
Kanpo kontsultei dagokionez, kardiologia, erreumatologia, oftalmologia, neurologia, ginekologia, otorrinolaringologia eta urologia espezializazioekin abiatu dute.
Erradiologia zerbitzua, bestalde, erresonantzia magnetiko nuklearrarekin (EMN) hornitu dute, beste hainbat gailurekin batera.
2017rako, zerbitzu guztiak eskura
Eskainitako zerbitzu kopurua handitzen joango da, apurka-apurka, eta espero da 2017rako martxa betean egotea. 38.000 metro koadroko azaleran kontsultak, larrialdiak, eguneko erietxea eta ebakuntza-gelak paratu dituzte.
Osakidetzaren aurreikuspenen arabera, urtero 175.000 kontsulta eta 74.000 larrialdi artatuko dituzte. Eguneko ospitaleak urtero 4.000 gaixo hartzeko ahalmena du, eta 2017an zehar 8.000 ebakuntza eta 12.700 ospitaleratze espero dituzte.
Herritarrek erietxea hobeto ezagut dezaten uztailean zehar gidatutako bisitak egin ahalko dira. Telefonoz hartu daiteke hitzordua.
Sindikatuek salatu dutenez, bestalde, garbiketa eta sukalde lanak "pribatizatu" ditu Osakidetzak, Mahaian halakorik egingo ez zuela hitz eman zuen arren.
Zure interesekoa izan daiteke
Komunean kaka egiterakoan jarrera hobetzeko gailu bat diseinatu dute Iturgoiengo lau bizilagunek
Osasuna eta ergonomia uztartzen dituen ekimen berritzaile horren atzean Asier eta Iñigo Arabaolaza, Joseba Imaz eta Jose Antonio Lazcano daude; 'Naturpos' gailuaren sortzaileak. Oso sistema erraza erabiltzen du gailuak. Hankak altxarazten dizkio erabiltzaileari, nolabait gorputzaren jarrera naturala har dezan.
Hiru pertsona zauritu dira Arrigorriagan, autobus baten eta auto baten arteko istripuan
17:00ak pasatxo gertatu da ezbeharra, eta, ondorioz, errepidea itxita dago eta ibilgailuen zirkulazioa AP-68ra desbideratzen ari dira.
Maleta susmagarri bat leherrarazi du Poliziak Iruñean
Iruñean, Espainiako gobernu-ordezkaritzaren egoitza aurrean norbaitek utzitako maleta batek susmo txarra eragin du, eta gune osoa itxi dute. Merindadeen plazako autobus markesina batean aurkitu dute maleta susmagarria.
Donostian emakume bat hiltzen saiatu zen gizona espetxeratzeko agindua eman du epaileak
Hilketa saiakera egotzita, 26 urteko gizona kartzelan sartzeko agindua eman du epaileak.
Gizon batek emakume bat hil du Esplugues de Llobregateko kale batean
Erasoaren ondoren, gizonak ihes egin du, baina handik gutxira aurkitu dute Mossoek, eta atxilotu egin dute. Indarkeria matxista gisa ari dira ikertzen hilketa.
Gazte bat atxilotu dute Metro Bilbaoko segurtasun-zaintzaile bati eraso egiteagatik
17:30 aldera jazo da erasoa, Abandoko geltokian, atxilotuak trenbidea gurutzatu duenean, batetik bestera. Segurtasuneko langileak bertaratu direnean, egindakoa aurpegiratu diote eta gazteak eraso egin dio horietako bati.
Irungo Belaskoenea auzoan su armaz egindako hilketagatik atxilotutako gizona espetxeratu dute
Gaur goizean utzi dute atxilotua epailearen esku, eta arratsaldean eman du magistratuak Martuteneko espetxera bidaltzeko agindua.
Arzakek salatu du bere marka ordeztu dutela, online bidezko erreserbetan iruzurrak egiteko
3 Michelin izar dituen jatetxeak bere webgune ofiziala imitatzen duten iruzurrezko orriak daudela ohartarazi, eta polizia-etxean salaketa jarri dutela iragarri du.
Gizon bat bikotekidea itotzen saiatu da Donostian
Ertzaintzak gertakarien lekuan atxilotu du ustezko erasotzailea. Biktima ospitalera eraman dute artatzera, eta alta medikoa jaso du.
Euskal esploratzaile batek Zerzura oasi zuri mitikoaren legendaren balizko jatorria aurkitu du
Ouniangako lakuetan, Txadeko iparraldean, kokatu du Miguel Gutierrez-Garitanok mendeetan zehar bilatu duten oasi mitikoa.