Pertsona bat hil da goizean Armiñonen izandako istripu batean

65 urteko emakume holandar bat hil da eta 71 urteko gizonezko holandar bat zauritu, A-1 errepidean, Armiñonen (Araba), izandako istripuan, Segurtasun Sailak jakinarazi duenez.

05:50ean izan da ezbeharra, eta, gutxienez, kamioi batek eta furgoneta batek egin dute talka. Kolpearen ondorioz, bi lagun -65 urteko emakume bat eta 71 urteko gizonezko bat- ibilgailuetako baten barruan harrapatuta gelditu dira eta suhiltzaileek atera behar izan dituzte.

65 urteko emakumea bertan gelditu da hilotz eta berarekin zihoan 71 urteko gizonezkoa zaurituta eraman dute Burgosko ospitalera.