Mola jeneralaren gorpuzkiak Erorien Monumentutik kanpo daude jada
Emilio Mola jeneral frankistaren gorpuzkiak Iruñeko Erorien Monumentuko kriptatik kanpo daude urriaren 24tik. Joseba Asiron Iruñeko alkateak gaur iragarri duenez, militarraren gorpuzkiak hobitik atera zituzten, familiak hala eskatuta.
Mola gorpuzkiak bezala, Monumentuan hobiratuta dauden gainerako sei militarren gorpuzkiak ere aterako dituzte, abuztuan Memoria Historikoaren Legeari betetzeko hartutako erabakiari eutsita. Asironen hitzetan, Udaleko zerbitzu juridikoek ezetsi egin dituzte Sanjurjoren eta Arregui Olaquiagaren senitartekoek eta Iruñeko Artzapezpikutzak erabakiaren kontra aurkeztutako alegazioak. Hala, prozesuak aurrera egingo du.
Gorpuzkiak hobitik ateratzeko jarritako datari eutsiko dio Udalak (azaroaren 16rako zegoen aurreikusita).
Iruñeko Artzapezpikutzak eta Sanjurjo eta Arregui militarren senitartekoek hilerriaren itxieraren kontrako alegazioak aurkeztu zituzten. Guztiak baztertu ditu Udalak. Horrez gain, Aznar familiarena partzialki onartu, eta hobitik ateratzen alde zeuden Munarriz eta Martinez Chascoren familiek eskatutakoa baietsi du.
Akordioa Artzapezpikutzarekin
Bestalde, Iruñeko Artzapezpikutzarekin akordioa lortu duela adierazi du Asironek. Adostutakoaren arabera, Artzapezpikutzak ez du epaitegietara joko, baina kripta erabiltzeko eskubidea aitortu diote.
Gorpuzkiak hobitik ateratzeko modua ere hitzartu dute bi aldeek. Agiriaren arabera, prozedura "erabateko intimitatean" eta "behar-beharrezkoak" diren udal langile teknikoak bakarrik izango dira; aldez aurretik artzapezpikuari jakinarazi beharko zaio zenbat izango diren eta bakoitzaren funtzioa zein izango den".
Akordio horren arabera, komunikabideak ezingo dira bertan egon, eta, "senideek baimena eman ezean", ezingo da argazkirik atera. Halaber, adostu dute prozesua egiterakoan Artzapezpikutzak izendatutako apaiz bat bertan egotea, gorpuzkiak hilobitik ateratzeko unean errespontsu bat otoitzeko "senideek hala nahi izanez gero".
Zure interesekoa izan daiteke
Pertsona migratzaileen ezohiko erregularizazioa onartuko du gaur Espainiako Gobernuak
Egoera irregularrean dauden atzerritarrek apiril hasieratik ekainaren 30era eskatu ahal izango dute erregularizazioa. Gehienez, hiru hilabete iraungo ditu izapideak, baina eskaera onartze hutsarekin bakarrik lanean hasi ahal izango dute.
Elkarretaratzea egin du Itaiak Iruñean, hirugarren solairutik erori zen emakumearen heriotza salatzeko
Mugimendu feministak hilketa matxista kasutzat hartzen du emakumearen heriotza. Izan ere, gizon bat atxilotu dute, urruntze-agindua urratzea egotzita. Itaiak erantzun irmoa eskatu du emakumeen aurkako indarkeriaren aurrean.
Trebiñun euskararen irakaskuntza eta erabilera sustatzeko berme eta neurriak eskatu dituzte herritarrek
Argantzonen egindako agerraldian, gogoratu dute Espainiako Gobernuak sinatua eta berretsia duela Eskualdeetako eta Eremu Urriko Hizkuntzen Europako Gutuna, eta, beraz, horrekiko hartutako konpromisoak Gaztela eta Leongo administrazioek ere bete behar lituzketela. Espainiako Gobernuari eta eratze bidean dagoen Gaztela eta Leongo Gobernuari igorriko dizkiete gaur egindako eskariak.
Booking.com plataformak hainbat bezeroren datuak agerira atera ditu, zibereraso bat jasan ostean
Konpainiak mezu bat bidali die bere erabiltzaileei, ohartarazteko "baimenik ez zuten hirugarren pertsonek" erreserbei lotutako informazioa eskuratzeko aukera izan dutela; izen-abizenak, helbideak, telefono zenbakiak eta bezeroek ostatuei emandako beste zenbait datu. Hala ere, enpresak ziurtatu du zibererasoak ez duela bankuko datuetan eraginik izan.
Adinekoen Euskal Estrategiak lehen aldiz landuko du sexu aniztasuna
Adinekoen ongizate integrala sustatzeko, 16 proiektu biltzen ditu Jaurlaritzaren estrategia berriak. Horien artean, berritasunetako bat da Sexu Aniztasunaren eta Generoaren Estrategia, pertsona guztiek, adina edozein dela ere, beren sexualitateari dagokionez aske bizi daitezen.
Ertzaintza Donostiako Alde Zaharrean izandako sexu-eraso bat ikertzen ari da
Martxoaren 31n gertatutako beste eraso baten ondoren jakin da honen berri; kasu hartako ustezko egilea espetxean dago jada.
Ander Aldazabal, Lekeitioko alkatea: "Justiziak arrazoi eman digu, eta alde horretatik oso pozik gaude"
Halere, Lekeitioko alkateak onartu egin du pena handiz hartu duela Udalak inguruko herrietako bizilagunei EAEko Auzitegi Nagusiak ezarritako muga. "Horri irtenbidea emateko ditugun aukerak aztertzen gabiltza, baina orain legea bete behar dugu, eta, aurten, behinik behin, ezingo dute egoiliarren txartela eskuratu", erantsi du.
Hainbat lagun atera dituzte Iruñeko Aranzadiko komentu zaharretik, birgaitze lanak hasi behar dituzte eta
Udalak aldi baterako bizitoki aukerak eskaini dizkie agustindarren komentu zaharrean lo egiten zuten (75 ziren) lagun gehienei. Bertan, sendatze neurologikorako osasun-zentro bat egongo da.
Auzitegi Nagusiak onartu egin du Lekeitioko aparkaleku sistema, baina herrigunea egoiliarrentzat utzita
Udalak ezarritako aparkaleku sistema egokitzat jo du, beraz, EAEko Auzitegi Nagusiak, nahiz eta ebatzi duen puntu batean orain arteko araua "diskriminatzailea" zela, Munitibarko, Aulestiko, Gizaburuagako, Amorotoko, Mendexako, Ispasterko eta Eako bizilagunek bazutelako herrigunean aparkatzeko aukera; gainerako ez-egoilarrek ez bezala.
Butroeko gazteluaren zaharberritzea azken fasean sartu da, eta uda baino lehen amaituko dituzte lanak
2024an hasitako lanek egitura-arazo nagusiak konpondu dituzte, eta gaur egun barruko akaberekin dabiltza lanean.