20 euroko billete faltsuak atzeman dituzte Bizkaiko hainbat dendatan
Ertzaintzak 20 euroko billete faltsuak atzeman ditu Bizkaiko hainbat saltokitan eta herritarrei eta batez ere merkatariei erne egoteko gomendioa eman die.
Zehazki, ondoko saltokietan topatu dituzte lau billete faltsu: supermerkatu batean, lokutorio batean eta zerbitzugune batean, Bilbon, Barakaldon eta Getxon, hurrenez hurren. Horrez gain, beste sei billete aurkitu dituzte Bilboko joko-areto bateko truke-makina batean.
Honen aurrean, kontuz ibiltzeko gomendioa eman du Ertzaintzak, eta, pertsona susmagarrien aurrean, truke eragiketak gainbegiratu eta argi ultramorea erabiltzeko aholkatu du.
Zelan egiten dituzte faltsutzeak?
Polizia Autonomikoak ohar batean jakinarazi duenez, berria da orain atzemandako faltsifikazio-sistema, eta gaizkileek 20 euroko etekina lortzen dute, legezko billete batetik bi billete lortzen baitituzte.
Lehenik, benetako 20 euroko billete baten banda holografikoa askatzen dute, eta segurtasun-neurririk ez duen kopia faltsu batean itsasten dute. Horrela, benetako itxura handiagoa ematen diote, eta saltokietan eta erosketaren bat egiten duten bestelako negozioetan sartzen dute.
Gero, banda holografikoa kendu dioten benetako billetea edozein motatako paperarekin berrosatzen dute, benetako billete baten neurriak izan ditzan. Eragiketa hori egin ondoren, truke-makina batean sartzen dute billetea; hartara, 20 euro horiek txanponetan lortzen dituzte.
Ertzaintzak faltsutzeen inguruan ohartarazteko zabaldutako argazkia.
Faltsifikazio bat atzemanez gero, salaketa jartzea eta billete faltsua aurkeztea gomendatzen da.
Beste gomendio batzuk
Horrez gain, Europako Banku Zentralak 20 euroko billete bat benetakoa den ziurtatzeko hainbat egiaztapen egiteko proposatzen du:
Paperaren ehundura - Billetea ukitu. Beneteako billeteek ehundura irmoa eta erresistentea dute.
Erliebean inprimatua - Erliebea hautematen da motibo nagusian, letretan eta billetearen balioa adierazten duen zenbaki handian.
Ur-marka - Begiratu billeteari argitara. Billetearen balioa eta motibo nagusia erakusten duen irudi lausoa hautematen da.
Holograma - Biratu billetea. Eskuinaldean dagoen zilar koloreko bandak billetearen balioa eta ? sinboloa erakusten ditu.
Zure interesekoa izan daiteke
Posible al da adimen artifizialaren garapena gelditzea?
Adimen artifiziala garatzen duten enpresa nagusietako buruek galga jartzeko eskaria egin dute azken aste hauetan, gizakion kontroletik ihes egiteko arriskua izan dezakeela eta. Baina posible al da? Eta zergatik adierazten dute orain beldur hori? Hainbat aditurekin zalantza hauek argitu ditugu.
Sutea piztu da Derion, Loiuko aireportutik oso gertu
20:30 aldera sutea piztu da Derion, Loiuko aireportutik oso gertu. Sua San Isidro auzoko baso batean piztu da, Aiartza mendian, eta oraingoz ez du eraginik izan aireportuaren funtzionamenduan. Suhiltzaileak lanean ari dira garrak itzaltzeko.
Gizon bat hil da Laidatxu hondartzan (Mundaka)
Gizonezkoa uretatik atera behar izan dute sorosleek, eta suspertzen saiatu diren arren, bertan hil da. Ez dakite zerk eragin duen heriotza.
Aldaketa asteartetik aurrera, eta euria asteazkenerako zein ostegunerako
Astearte goiza eguzkitsua eta beroa izango da, baina iluntzerako aldaketa iritsiko da eta asteazkenean tenperaturek nabarmen egingo dute behera. Euria egingo du bai asteazkenean baita ostegunean ere.
Zaldibiatik Ordiziarainoko bidea oinez egin dute dozenaka ikaslek eta gurasok, eskola garraioa ez kentzea eskatzeko
Iazko ekainean, Hezkuntza Sailak Zaldibiako ikasleen gurasoei jakinarazi zien 2026-27 ikasturtetik aurrera DBH3 eta DBH4ko gazteak eskola-garraiorik gabe geratuko zirela. Emandako arrazoia eskola batetik besterako distantzia izan zen.
Gustuko oporlekua lortzeko itxaropenez gerturatu dira Imsersoko lehen bidaiariak agentzietara
Nafarroan astelehen honetan hasi dira agentziak adinekoei zuzendutako bidaia horien erreserbak kudeatzen. Lehen egun honetan, Imsersorekin lehen aldiz oporretara joango direnek izan dute bidaia eskuratzeko aukera. EAEn asteazkenean hasiko dira.
EHUk urte akademikoa abiatu du, AAren arriskuez jakitun eta "eredu propioa" aldarrikatuz
Joxerramon Bengoetxea errektoreak azpimarratu du auzia ez dela adimen artifiziala "deabrutzea, harekiko erabateko mendekotasuna" saihestea baizik. Finantzaketari dagokionez, Juan Antonio Perez Iglesias sailburuak uste du "egingarria" dela bost urteko epean finantzazioa Europako mailara iristea.
Olarizuk agur esan dio udari, musika, babarrunak eta bertoko produktuak lagun
Iraganeko ohitura da Olarizukoa. Hiria mugatzen zuten mugarriak ikuskatzen hasi ziren agintariak, inguruko herriek lurra lapurtu ez zitzaten. XIX. mendearen erdialdean gertatu zen hori, eta gaur egun erromeria herrikoi bihurtu da tradizioa.
Emakume bat ikerketapean dago, Bilbon adingabe bat bahitzen saiatzeagatik
Adingabea lagunekin ari zen jolasten, eta banku batean eserita zegoen emakume bat hurbildu zitzaien. Senidea zela esanda, adingabea besotik heldu eta berarekin eramaten saiatu zen. Gurasoen lagun batzuek gertatutakoa ikusi zuten, eta adingabeari galdetu zioten emakumea ezagutzen ote zuen.
EHUk uste du lehendakariak ez diola "behar besteko balioa eman unibertsitate publikoari" ikasturte hasierako ekitaldian egoteari muzin eginez
Horixe adierazi du Ixone Fernandez de Labastida Arabako Campuseko errektoreordeak Radio Vitorian egindako elkarrizketa batean, Imanol Pradales lehendakariak ikasturte hasierako ekitaldietan Mondragon, Deustu eta EHU txandakatzeko hartu duen erabakiaren harira.