Itsasoko tenperaturaren gorakada frogatu du ikerlari talde batek
Azken urteotan itsasoaren tenperatura nabarmen igo da, New Yorkeko, Erresuma Batuko eta Kaliforniako zientzialari talde batek egindako ikerketa baten arabera. Hala, 75 urte hauetan tenperatuta pixkanaka igo dela frogatu dute, eta 2015ean Science aldizkariak argitaratu zituen emaitzak baieztatu dituzte.
Ikerketa horren arabera, azken hamazortzi urteotan (1997tik 2015era) itsasoko tenperatura 0,12 gradu igo da. Hala, gorakada hori aurretik egindako ikerketek erakusten zutena baino bi aldiz azkarrago eman dela frogatu zuten. Ikerketa horren aurrean, zientzialari askok lurraren berotzeak suposatzen zuen arazoa aitortu zuten, baina beste batzuk klima-aldaketaren inguruan zalantza ugari zituztela eta iruzur bat besterik ez zela ziurtatu zuten.
Dena den, ikerketa berria egiteko bestelako bitartekoak erabili dituzte, hala nola, sateliteak, flotagailuak eta buiak. Gainera, lortutako datuei esker aurreko ikerketaren emaitzak zuzenak direla baieztatu ahal izan dute.
Ikerketa horretan parte hartu duten zientzialariek azaldu dutenez, Ozeano eta Atmosfera Agentzia Nazionalak egindako 'Klimaren Egoera' txostenaren ondorioak irakurri ostean harrituta gelditu ziren, eta datu horiek egiaztatzeko ikerketa berria egitea erabaki zuten, baliabide desberdinak erabiliz.
Ildo horretatik, Zeke Hausfather ikasleak ziurtatu du bitarteko ezberdinak erabili dituztela itsasoko tenperatura neurtzeko (sateliteak, flotagailuak eta buiak) eta bi ikerketen emaitzek bat egin dutela azaldu du. Hala, azken hogei urteotan itsasoko tenperatura batez beste 0,12 gradu igo dela frogatu ahal izan dute.
Datu horren arabera, XXI. mendeko lehenengo hamabost urteotan itsasoko tenperaturaren gorakada nabarmena izan da. Halaber, klima-aldaketak aurrera jarraitzen duela ondorioztatzen du ikerketa horrek.
Zure interesekoa izan daiteke
Gorpu bat agertu da Zaratamoko Arkotxa auzoan, errepide ondoan
Igande arratsaldean aurkitu dute gorpua, abandonatutako hainbat industria-pabiloiren ondoan. Ertzaintzak ikerketa abiatu du gertatutakoa argitzeko.
Israelek "nazioarteko zuzenbidea urratu" duela salatu dute Iruñean
Elkarretaratzean, atxilotutako bi ekintzaileak askatzeko eta ontziei Gazara iristen eta laguntza humanitarioa ematen uzteko eskatu dute, besteak beste.
Putzu handiak egin dira Jundizko industrialdean euriteen ondorioz eta urak trenbidea zein errepideak hartu ditu
Iluntzean Gasteizen bota duen erauntsiak putzu ikaragarriak sortu ditu Jundizko industrialdean. Irun eta Madril lotzen dituen trenbideko zati bat urak hartu du. Industrialdeko errepideak ere hartu ditu urak, eta ibilgailuak kontu handiz igaro behar izan dute bertatik.
1.500 emakumek erasoak jasan dituzte Euskadin martxora arte, % 69,4k bikotekideek edo bikotekide ohiek eragindakoak
Delitu motaren arabera sailkatuta, ugaritu egin da familia barruko indarkeria —ez ditu bikotekideak edo bikotekide ohiak kontuan hartzen—. Guztira, 298 biktima izan dira martxora arte, hau da, aurreko urtean baino % 11,6 gehiago, Emakumearen Euskal Erakundeak (Emakunde) bildutako datuen arabera.
Astelehenean epaituko dute Baionako bestetan Eric Courdyren hilketagatik auzipetutako Jerome Verin boxeolari ohia
2024ko uztailaren 11n, Baionako bestetan, Eric Courdyri eraso egin zion Jerome Verin boxeolari ohiak, eztabaida baten ostean, autobus geraleku batean. Sei egun koman eman ondoren hil zen Courdy.
Foruzaingoak aisiarako bederatzi lokal erregistratu ditu Iruñerriko bost udalerritan
Operazioan, 20 akta ireki dituzte, drogak konfiskatzeagatik, eta hiru pertsona salatu dituzte, erresistentzia eta desobedientzia egotzita, eta beste bi, debekatutako armak eramateagatik.
Muskizen piztutako sutearen ondorioz 40 familia urik eta gasik gabe daude
Udalak behin-behineko komun batzuk jarri dizkie kalean, eta kiroldegira joan behar dute garbitasunetarako. Oinarrizko zerbitzu horiek lehenbailehen berreskuratzeko, buru-belarri ari dira lanean. Sua garajean hasi zen, eta Ertzaintzak gertatukoa ikertzen jarraitzen du.
Astelehen honetan hasiko da Maialen Mazonen ustezko hiltzailearen aurkako epaiketa
Hilaren 15era arte dago programatuta, eta herri epaimahaia osatuko duten herritarrak aukeratuta hasiko da. Akusazioek 45 urteko kartzela zigorra eskatzen dute ustezko hiltzailearentzat, Zigor Kodeak baimentzen duen zigorrik handiena.
Leon XIV.a aita santuak lehendakaria hartuko du Vatikanoan maiatzaren 13an
Egun horretan egingo den audientzia orokorrera gonbidatu du. Eusko Jaurlaritzaren arabera, balio handiko topaketa izango da, eta Euskadik nazioartean duen presentzia instituzionala indartuko du.
72 urteko mendizale bat hil da Serantesen
Bizkaiko mendiaren hegal batean aurkitu zuten hilda, hainbat orduz haren bila aritu ondoren.