Rita, autismoa duen ume bati lagunduko dion lehen txakurra Euskadin
Rita, oztopoak gainditzen laguntzeko prest dagoen txakurra, Saioa Garridoren lagunik onena bihurtu da. Saioari, autismoa diagnostikatu zioten txikia zenean. Arrazoi horregatik, Ritak bere egunerokoan lagunduko dio, bere bizi-kalitatea hobetzen saiatzeko.
Ostegun honetan, Saioak eta Ritak agerraldia egin dute Donostiako Aquariumean. Bilbon bizi den hiru urteko neskato alaia kameren aurrean lasai agertu bada ere, Rita urdurixeago zegoen, inguruan hainbeste arrain ikusita.
Rita, autismoa duen ume bati lagunduko dion lehen txakurra da Euskadin. Saioari bere egunerokoan laguntzeko prest dago, eta Inga Aguirreamalloa neskatoaren amak azaldu duenez, familiako beste kide bat bihurtu da jada.
Saioaren amak azaldu duenez, “umeari bizi-kalitatea hobetzen lagunduko dio” eta kalera irteten direnean lasaiago ibiliko direla ziurtatu du, Saioak zaindari bat izango duelako ondoan. Hala, Saioa noizbait haserretuko balitz lasaitzen lagunduko diola gaineratu du.
Oraindik, Saioa ez da guztiz ohartu Rita bere ondoan dabilela beti, eta bien arteko harremana erabatekoa izan arte urtebete igaro daitekeela azaldu du Aguirreamalloak. Hala, Ritarekin gehien gozatzen duena Saioaren ahizpa (Iraia) dela esan du Ingak.
Kalera irteten diren bakoitzean, Ritak asko laguntzen duela ohartu dira. Orain, Saioa inoiz baino hobeto dabil, eta lehen ez bezala, ibiltzen jarraitzeko prest agertzen da.
Abenduaren 22an Rita Bilbora eraman zuten, baina aldez aurretik, familia guztia Madrilera joan zen (Bocalan elkarteak duen egoitzara) txakurra ezagutu ahal izateko. Saioari laguntzeko prest badago ere, beste txakur baten moduan zaindu behar dute.
Pilar Bustos Bocalan elkarteko arduradunak azaldu duenez, Saioa eta Rita elkar ikusi zuten lehenengo momentutik harreman estua izan dute. Gainera, neskatoa txakurraren gainean etzan zela nabarmendu du elkarte horretako arduradunak.
Autismoaren kasuan, adituek diote oso lagungarria dela ondoan maskota bat izatea, beraien bizi-kalitatea hobetzen laguntzen dutelako, gogora ekarri du Bocalan elkarteko arduradunak.
Zure interesekoa izan daiteke
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Etxebizitzak gero eta gehiago kezkatzen du euskal gizartea, eta Osakidetzarekiko eta Ertzaintzarekiko konfiantza hobetzen ari da
Etxebizitza eskuratzea da euskal gizartearen arazo nagusia, azken Deustobarometroaren arabera; bitartean, osasunaren, segurtasunaren eta migrazioaren inguruko kezkak behera egin du, eta zerbitzu publikoekiko konfiantza berreskuratu da.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.
BiomaGUNEk ohartarazi du aspartamoa "kaltegarria" izan daitekeela bihotzerako eta garunerako
Aspartamoa pisua galtzen lagun dezakeen edulkoratzaile artifiziala da, baina azukrea baino 200 aldiz gozoagoa da.
Hego Euskal Herrian premiazko txertaketa baimendu dezala eskatu dio Espainiako Gobernuak Europar Batzordeari, dermatosi nodularrari aurre egiteko
Frantziako estatuarekiko mugatik hurbil dauden eskualdeetan txertatu nahi ditu Espainiako Gobernuak abelburu guztiak, hau da, Euskadin, Nafarroan eta Aragoin. Izan ere, azken orduetan foku gehiago agertu dira Frantziako Estatuan, mugatik hurbil, gainera. Neurri horren helburua da gaixotasunaren hedapena eten eta gainerako erkidegoetara ez iristea.