Ikasgai batzuen irakaskuntzan aldaketak egingo ditu Jaurlaritzak
Cristina Uriarte Eusko Jaurlaritzako Hezkuntza sailburuak gaur iragarri duenez, Eusko Jaurlaritzak koordinazio sistemak indartuko ditu eta Matematika, Zientzia, Teknologia eta Hizkuntza alorreko ikasgaiak irakasteko modua aldatuko du. Iaz, EAEko ikasleek aurreko urtean baino emaitza txarragoak lortu zituzten PISA txostenean, eta, ondorioz, Jaurlaritzak hainbat neurri hartuko dituela aurreratu du Uriartek.
Hezkuntza sailburuak agerraldia egin du gaur Eusko Legebiltzarreko Hezkuntza batzordean, bere sailak datozen lau urteetan izango dituen lan ildo nagusiak azaltzeko.
Euskadiko hezkuntza sistema ona dela azpimarratu ostean, PISA txostenaren azken emaitzek agerian uzten dute "hobekuntzarako tartea" dagoela, horren esanetan. Abenduan argitaratu ziren 2015eko PISA txostenaren emaitzen arabera, Zientzietan, Irakurmenean eta Matematikan behera egin dute EAEko ikasleek, aurrekoetan lortutako emaitzekin alderatuta.
Horrez gain, eta ikastetxe bakoitzeko proiektuak hala ahalbideratzen badu, Lehen Hezkuntzako laugarren mailan ikasgai bat gutxienez ingelesez emango dutela iragarri du Hezkuntza sailburuak. Bestalde, Derrigorrezko Bigarren Hezkuntzako (DBH) lehen zikloan bigarren hizkuntza bat irakasteko aukera sustatuko dute. Horretarako, irakasleak formatu behar direla aitortu du Uriartek, eta plan berezi bat iragarri du.
Uriartek agerraldia egingo du laster Eusko Legebiltzarrean, euskal hezkuntza sistemari buruzko barne diagnostikoa eta horri lotutako ekimenak aurkezteko.
Hezkuntza ituna
Bestalde, legegintzaldi honetan hezkuntza itun "irmoa" eta Euskal Hezkuntza Legea adostu beharra daudela aldarrikatu du sailburuak. Halaber, Euskadik hezkuntza alorrean dituen eskumenen defentsa "zorrotza" egingo duela ohartarazi du.
Protesta Eusko Legebiltzarraren atarian
Euskal Eskola Publikoaren aldeko plataformak salatu duenez, itundutako zenbait ikastetxek "matrikulazio prozesu paraleloak" abiatu dituzte. Egoera horren aurrean, matrikulazio bulego bakarra eta publikoa sortzea aldarrikatu du, familia guztien "aukera berdintasuna" bermatzeko.
Zure interesekoa izan daiteke
50 pertsona zauritu dira Noaingo txupinazoan hainbat suziri lehertuta
Hiru erietxera eraman dituzte erredurekin eta horietako biri alta eman diete arratsaldean. Beste 47 lagun lekuan bertan artatu dituzte. Nafarroako udalerri horretako jaiek aurrera jarraitzen dute.
Animalia basatiak erabiltzen dituen zirku batek polemika piztu du Urruñako herritarren artean
Zirkua abuztuaren 16an jarri zen Udalaren baimenik gabe, eta larunbat honetara arte ikuskizunak eskainiko ditu arratsaldero.
EITB, Prix Europa sari ospetsuetan izendatua eguzki eklipse osoaren inguruko plataforma anitzeko proiektuagatik
EITBren Eguzki Eklipse Osoa ekimena Digital Media kategorian lehiatuko da, Europako ikus-entzunezko sari ospetsuenetako batean.
Tentsio uneak Bilboko Pergolan, greban dauden teknikarien eta bilbainadetako ikusleen artean
Greban zeuden teknikarien piketeak Bilboko Pergolaraino hurbildu dira, grebarako eskubidea aldarrikatzeko, eta horrek ikusleak haserretu ditu, ez baitiete abestiak entzuten utzi. Tentsio uneak izan dira grebalarien eta ikusle zeuden hainbat pertsonaren artean.
Deskargako autobidea itxita egongo da asteazken honetan, 21:00etatik aurrera
AP-636 errepideko tunel batean egin beharreko lanak direla eta, 19. eta 21. irteerak erabili beharko dituzte erabiltzaileek, martxaren noranzkoaren arabera, Bergara GI-627 errepidearen bidez zeharkatzeko.
Lurrak gorriz tindatuko du Ilargia ostiral honetako eklipse partzialean
Une gorena abuztuaren 28ko 06:12:53an izango da, Lurraren itzalak ilargi-diskoaren % 93 estaliko duenean.
Bizkaibus batek su hartu du, goizaldean, Santurtziko kale erdian
Sua Bizkaiko herriko Las Viñas kalean piztu da, matxura batek eraginda, eta ke handia sortu du. Ez da inor zauritu.
14 lagun atxilotu dituzte, bi ukituengatik, eta bi udaltzain zauritu, Bilboko Aste Nagusiaren laugarren egunean
Udaltzaingoak 10 atxiloketa egin zituen jai-esparruan eta lau eremu horretatik kanpo. Guztira, 64 salaketa aurkeztu dira, horietatik 50 ebasketengatik izan dira. Bi agente zauritu dira, eta batek zerbitzua utzi behar izan du.
CCOO: "Estatuko Administrazio Orokorrari Euskadiko herritarrei euskaraz hitz egiteko eskatu dion lehen sindikatua gara"
Santi Martinez Euskadiko CCOOren idazkari nagusiak Radio Euskadin adierazi duenez, sindikatuak Enplegu Publikoaren Legearen eztabaidara eraman ditu euskara sustatzeko hainbat neurri, langabeen % 90ek hizkuntza hori ezagutzen ez dutela egiaztatu baita. Eskaera horien artean daude, besteak beste, Estatuko Administrazio Orokorra Euskadiko herritarrei euskaraz zuzentzea eta euskara ikasteko doakotasuna C1 mailara arte izatea.
ETSk milaka zale kantuan eta dantzan jarri ditu Bilboko Europa parkean
Iñigo Etxezarretaren bandak milaka lagun bildu ditu Bilboko Europa parkean astearte honetan, Aste Nagusian. Bere abesti ezagunez gain, taldea Bilboko jaien kanta abestera animatu da, eta han zaleak zapiekin dantzatzen hasi dira. Hasiera batean, kontzertua asteazken honetan egin behar zen, baina taldeak kontzertua egun bat aurreratzea erabaki zuen, ikuskizunetako teknikariek asteazken honetarako deitutako grebaren ondorioz.