Marten bizi baldintzarik dagoen aztertuko dute euskal ikerlariek
Hiru urte barru NASAk ibilgailu berri bat bidaliko du Martera, planeta gorriaren gainazaleko harriak eta lurzorua aztertzeko. Mars 2020 izeneko misioan lanean hasi dira jada, eta Euskal Herriko Unibertsitateko ikerlari talde bat ibilgailu horren kamera kalibratzeko sistemaz arduratuko da. Bizia garatzeko baldintzarik dagoen argitzea da misio horren helburu nagusia.
Ibilgailuak bere gain eramango duen kalibrazio plakak 12x12 zentimetro inguru neurtzen ditu eta Elgoibarko (Gipuzkoa) AVS enpresak ekoiztuko du. Juan Manuel Madariaga Kimika Analitikoko katedradunak ikertalde euskalduna zuzentzeko ardura du, eta EFE berri agentziari azaldu dionez, Elgoibarko AVS enpresa “oso berritzailea da”. Ildo horretatik, “proiektua garatzen lagundu duen punta-puntako enpresa” dela nabarmendu du.
Marteko gainazala aztertuko duen kamerari SuperCam izena jarri diote (ibilgailuaren atzeko gurpilean jarriko dute, eta aurreko tresnekin alderatuta berrikuntza teknologikoak ekarriko ditu). Zortzi kamerek aztertuko dute planeta gorriaren gainazala, bizia garatzeko baldintzarik dagoen argitzeko. Zehazki, aztarna organikoak eta bio-organikoak bilatuko dituzte, eremu bizigarrien frogak bilatzeko.
Madariagak nabarmendu duenez, eskura izan dituzten berrikuntza teknologikoak erabili dituzte kalibrazio sistema garatzeko. Valladolideko Unibertsitateak, Malagako Unibertsitateak eta Madrilgo Unibertsitateak osatzen dute, EHUko ikerlariekin batera, SuperCam-aren tresnak kalibratu dituen ikertaldea. NASAk 2014. urtean ireki zuen misio horretan parte hartzeko aukera, eta ordudanik nazioarteko 68 erakundek eman dute izena.
Gainazala aztertzean biltzen dituen datu guztiak NASAri igorriko dizkio zuzenean. Era berean, baliteke Valladoliden beste informazio puntu bat jartzea, eta oraindik non jarriko dituzten zehaztu ez duten arren, EHUk informazioa aztertzeko aukera izango balu pozez hartuko lukeela esan du Madariagak.
Zure interesekoa izan daiteke
Bad Gyal, Juanes, Yandel eta Anuel AA musikariek jarriko diote musika Ibai Llanosen 'VI. Urteko Gauari'
80.000 lagun inguru izango dira uztailaren 25ean Cartuja estadioan burutuko den jaialdian. Bertan, afizionatuen arteko hamar boxeo-borrokaldi egingo dira.
Osakidetzan artatutako Gazako haurra egonkor dago, lehen balorazioak egin ondoren
Pazienteak sortzetiko begi-patologia du, eta ikusmen-gaitasunari eragiten dio. Lehen probak egin ondoren, adituak pronostikoa hobetzeko esku hartzeko aukeraren alde egitekotan daude. Euskal osasun-sistemak 28 gazatar artatu ditu dagoeneko.
Euskadin 1970az geroztik izandako ekainik beroena izan da, ezohiko bero-bolada baten ondorioz
Muturreko beroa batez ere ekainaren 21etik 27ra bitartean izan zen. Bero-bolada horrek 44 °C-tik gorako tenperatura maximoak utzi zituen Euskal Herriko hainbat txokotan, baita hainbat gau tropikal ere. Egoera hain izan zen larria, EAEn 39 alerta meteorologiko baino gehiago aktibatu baitziren; horien artean, 3 alarma gorri.
Angeriñe Elorriaga, USaPeko Euskara azterketako zuzentzailea: "Zeroa atera daiteke"
Angeriñe Elorriaga EHUko irakasle eta USaPeko Euskara azterketako zuzentzaileak azaldu duenez, zeroak Euskaran ez ezik beste ikasgai batzuetan ere egon badaude. Radio Euskadin egin dioten elkarrizketan azaldu duenez, EHU eta gainerako erakundeen babes falta sentitu du. Datorren urtean ez da zuzentzaile ariko.
64.000 migratzailek baino gehiagok eskatu dute Hego Euskal Herrian ezohiko erregularizazioa
49.451 pertsonak eman dute izena EAEn eta 14.886k egin dute Nafarroan. Eskaera nagusiak Bizkaian egin dira (28.834), eta Espainiako Estatuan ia 1,2 milioi eskaerara iritsi dira.
90 urteko gizon bat zauritu da Zestoan, adinekoen egoitza batean piztutako sutean
Sua egoitzako gela batean piztu da, eta dagoeneko itzali dute. Zauritutako gizona erredurekin eraman dute Donostia ospitalera eta gainerako egoiliarrak terrazara atera dituzte suhiltzaileek sua itzali bitartean.
Hiru atxilotu, bi Bizkaian, eraikuntzako 41 langile migratzaile esplotatzeagatik
Biktima ia guztiak egoera irregularrean zeuden eta 30.000 eurorainoko zorrak zituzten, lan-promesa faltsuek erakarrita. EITBk jakin duenez, miaketak egin dituzte Zamudion eta Barakaldon.
Pedrosa sailburua: “Euskara azterketan 0,5 jaitsi da nota. Esanguratsua da? Ikusi dugu Estatu mailan jaitsiera egon dela”
Begoña Pedrosa Eusko Jaurlaritzako Hezkuntza sailburua Euskadi Irratiko Faktoria saioan izan da, eta USaPen emaitzei buruz hitz egin du, besteak beste. Euskarako azterketari dagokionez, zera esan du: “USaPeko Euskara azterketari dagokionez, 0,5 jaitsi da nota. Esanguratsua da? Ez dakit (…). Ikusi dugu Estatu mailan jaitsiera egon dela USaPen”. Berez, USaPen ohiko deialdian, behin-behineko datuei erreparatuz, 6,34 izan da batez besteko nota Euskara eta Literatura ikasgaian, behin-behineko batez besteko nota orokorraren gainetik (6,33). Emaitzak baxuagoak izan dira beste ikasgai batzuetan: Historia, 6,10; Kimika, 5,94; Matematika II, 5,08; Gizarte Zientziei aplikatutako Matematika, 5,05; eta Fisika, 3,98. Honako ikasgaietan, berriz, altuagoa izan da: Ingelesa, 7,16; Filosofia, 6,82; eta Gaztelania eta Literatura, 6,43.
4 urtera arteko seme-alabengatiko laguntzei buruz jakin beharrekoa: Berriro eskatu behar al dira? Zer baldintza eskatzen dira?
Orain arte, laguntzak seme-alabek 3 urte bete arte ematen ziren, eta orain urtebete luzatuko dira. Atzeraeraginez emango dira, 2026ko urtarrilaren 1etik.
Clint Jean Louis Fernandez eta Araceli Sergio osasun profesionalek botako dute sanferminetako txupinazoa
Nafarroako Larrialdietako Zuzendariordetzako kideak dira biak: Fernandez zerbitzu horren zuzendaria da, eta Sergio, erizaina, Tafallako ZIU Mugikorreko lantaldean.