UNICEF elkarteak laguntza eskatu du bere ametsa bete eta ateak ixteko
UNICEFek, munduko milioika haurren egoera hobetzeko lan egiten duen elkarteak, erakundearen lana beharrezkoa ez izatea bilatzen duen kanpaina berria jarri du martxan. Sare sozialetan #CierraUNICEF traola erabiliko dute, egunen batean elkartearen itxiera lortzea baita helburu nagusia. Twitterren, Espainiako joera nagusien artean izan da UNICEFek aukeratutako traola.
UNICEFek ohar baten bidez jakitera eman duenez, kanpainaren helburua hiritarren, enpresen eta administrazioen mobilizazioa lortzea da, haurren aldeko programak martxan jartzea ahalbidetuko duten laguntzak lortzeko eta, denon artean, haurrentzako mundu hobea lortu eta UNICEFen laguntza beharrezkoa izan ez dadin.
“UNICEF ixtea erraza edo berehalakoa ez den amets bat da”, adierazi du Elsa Fuente UNICEF Euskal Herriko Batzordeko koordinatzaileak. Hala ere, 70 urte hauetan UNICEFek munduko milioika haurren egoera hobetzea lortu eta ezinezkoak ziruditen lorpenak lortu dituela azpimarratu du.
Halaber, 2000 eta 2013 urte bitartean munduan lanean ari diren haurren kopurua 78 milioitan murriztu dela azaldu du Fuentesek. Dena dela, “onartezinak” diren errealitateak egon badaudela ohartarazi dute: desnutrizio larria jasaten duten 50 milioi haur edo eskolara ez doazen 61 milioi ume.
“UNICEF ixteak ondorengoa esango luke: ez litzatekeela haurrik gosez, hotzez edo sabelekoa moduko gaixotasun baten ondorioz hilko. Halaber, munduko haur guztiak eskolara joango liratekeela eta osasun zerbitzuetarako sarbidea izango zuketela esan nahiko luke. Ondorioz, ez litzateke lanean dagoen haurrik egongo, ezta haurren arteko ezkontzarik ere”, azaldu du elkarteak.
Beste alde batetik, txertoei esker 2000. urtetik bost urtetik beherako 48 milioi haurren bizitzak salbatu direla esan du elkarteak. Gainera, 1990 eta 2015 urteen artean 250 milioi pertsona gehiagok ura edateko aukera izan zutela azaldu du.
Horrez gain, 535 milioi haur bizi dira gatazka edo ezbehar naturalek kaltetutako herrialdeetan. Siriako guda, Hego Sudango gosetea, Yemengo gatazka, Nigeriako biolentzia edo errefuxiatu eta migratzaileen krisia larrialdi adibideak baino ez dira, UNICEFen lana oraindik beharrezkoa dela irudikatzen duten larrialdiak.
Zure interesekoa izan daiteke
Posible al da adimen artifizialaren garapena gelditzea?
Adimen artifiziala garatzen duten enpresa nagusietako buruek galga jartzeko eskaria egin dute azken aste hauetan, gizakion kontroletik ihes egiteko arriskua izan dezakeela eta. Baina posible al da? Eta zergatik adierazten dute orain beldur hori? Hainbat aditurekin zalantza hauek argitu ditugu.
Sutea piztu da Derion, Loiuko aireportutik oso gertu
20:30 aldera sutea piztu da Derion, Loiuko aireportutik oso gertu. Sua San Isidro auzoko baso batean piztu da, Aiartza mendian, eta oraingoz ez du eraginik izan aireportuaren funtzionamenduan. Suhiltzaileak lanean ari dira garrak itzaltzeko.
Gizon bat hil da Laidatxu hondartzan (Mundaka)
Gizonezkoa uretatik atera behar izan dute sorosleek, eta suspertzen saiatu diren arren, bertan hil da. Ez dakite zerk eragin duen heriotza.
Aldaketa asteartetik aurrera, eta euria asteazkenerako zein ostegunerako
Astearte goiza eguzkitsua eta beroa izango da, baina iluntzerako aldaketa iritsiko da eta asteazkenean tenperaturek nabarmen egingo dute behera. Euria egingo du bai asteazkenean baita ostegunean ere.
Zaldibiatik Ordiziarainoko bidea oinez egin dute dozenaka ikaslek eta gurasok, eskola garraioa ez kentzea eskatzeko
Iazko ekainean, Hezkuntza Sailak Zaldibiako ikasleen gurasoei jakinarazi zien 2026-27 ikasturtetik aurrera DBH3 eta DBH4ko gazteak eskola-garraiorik gabe geratuko zirela. Emandako arrazoia eskola batetik besterako distantzia izan zen.
Gustuko oporlekua lortzeko itxaropenez gerturatu dira Imsersoko lehen bidaiariak agentzietara
Nafarroan astelehen honetan hasi dira agentziak adinekoei zuzendutako bidaia horien erreserbak kudeatzen. Lehen egun honetan, Imsersorekin lehen aldiz oporretara joango direnek izan dute bidaia eskuratzeko aukera. EAEn asteazkenean hasiko dira.
EHUk urte akademikoa abiatu du, AAren arriskuez jakitun eta "eredu propioa" aldarrikatuz
Joxerramon Bengoetxea errektoreak azpimarratu du auzia ez dela adimen artifiziala "deabrutzea, harekiko erabateko mendekotasuna" saihestea baizik. Finantzaketari dagokionez, Juan Antonio Perez Iglesias sailburuak uste du "egingarria" dela bost urteko epean finantzazioa Europako mailara iristea.
Olarizuk agur esan dio udari, musika, babarrunak eta bertoko produktuak lagun
Iraganeko ohitura da Olarizukoa. Hiria mugatzen zuten mugarriak ikuskatzen hasi ziren agintariak, inguruko herriek lurra lapurtu ez zitzaten. XIX. mendearen erdialdean gertatu zen hori, eta gaur egun erromeria herrikoi bihurtu da tradizioa.
Emakume bat ikerketapean dago, Bilbon adingabe bat bahitzen saiatzeagatik
Adingabea lagunekin ari zen jolasten, eta banku batean eserita zegoen emakume bat hurbildu zitzaien. Senidea zela esanda, adingabea besotik heldu eta berarekin eramaten saiatu zen. Gurasoen lagun batzuek gertatutakoa ikusi zuten, eta adingabeari galdetu zioten emakumea ezagutzen ote zuen.
EHUk uste du lehendakariak ez diola "behar besteko balioa eman unibertsitate publikoari" ikasturte hasierako ekitaldian egoteari muzin eginez
Horixe adierazi du Ixone Fernandez de Labastida Arabako Campuseko errektoreordeak Radio Vitorian egindako elkarrizketa batean, Imanol Pradales lehendakariak ikasturte hasierako ekitaldietan Mondragon, Deustu eta EHU txandakatzeko hartu duen erabakiaren harira.