Ertzaintzak ez du inor gotortuta aurkitu Barakaldoko hotelean
Ertzaintzak Barakaldoko hotel bateko inguruak lau bat orduz hartuta eduki ditu igande arratsaldean, hotelean ostatu hartuta zeuden zenbait bezeroren artean liskarra piztu eta euren artean mehatxuak izan ostean, Segurtasun sailak aditzera eman duenez.
Arratsaldeko 17:30ean, Ertzaintzak dei bat jaso du, eta bertan ohartarazi diote Megapark ondoan (Barakaldoko Erribera etorbidean) dagoen Novotel hoteleko bezero batek beste bezero batzuei "mehatxu" egin diela bertako gela baten barruan.
Hori horrela, Ertzaintzaren hainbat patruila gertaeraren lekura bertaratu dira, eta eraikina inguratu, hoteleko sarbideak itxi eta Megaparkeko inguruak hartu dituzte. Ertzaintzaren esku-hartze arinerako unitate bat ere bertan izan da.
Zenbait informazio aintzat hartuta, aipatu liskarrean nahasirik egon den gizonetako bat logelan giltzapetuta egon zitekeen. 21:10 aldera, Ertzaintza bertan sartu da, baina Segurtasun saileko iturriek eitb.eusi jakinarazi diotenez, ez dute inor aurkitu barruan.
Ikerketako iturrien arabera, liskarra droga kontu baten harira piztu da. Ertzaintzak ez du inor atxilotu, baina gertaerekin zerikusia izan duten bi pertsona identifikatu ditu.
Logela hutsik zegoela behin egiaztatuta, operazioa amaitutzat jo dute; aitzitik, hotelean lanean jarraitu dute polizia-ikerketak aurrera jarraitzen baitu.
Megapark inguruak hartu dituzte Ertzaintzak eta Barakaldoko Udaltzaingoak. Argazkia: EiTB
Zure interesekoa izan daiteke
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Herri Urratsek Senpere bete du Seaskako ikastolen alde
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa da nagusi goizetik arratsera, baina aldarrikapenak ere presentzia nabarmena du.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.
Honela lehorreratuko dituzte 'MV Hondius' ontziko bidaiariak Kanarietan
Espainiako Osasun ministroak argitu duenez, ekipajearen zati bat eta hildako bidaiariaren gorpua ez dira Kanarietan lehorreratuko, eta tripulazioko kide batzuekin jarraituko dute ontzi barruan.
Gizon batek sexu-erasoa egin dio bikotekide ohiari Agurainen, urruntzeko agindua urratuta
Gasteizen atxilotu dute 28 urteko gizona, eta epaileak espetxera bidali du. Aurretik heriotza-mehatxuak eginak zizkion, eta ez zen urruntzeko agindua urratzen zuen lehenengo aldia.